كل وحده تسدح طريقتها للقيمات

يالله نشوف المقادير وطريقة العمل ...
الطريقة الأولى ....
المقادير ......
1 كأس لبن .
1 كأس ماء .
2 كاس دقيق .
ذرة ملح .
2 ملعقة أكل سكر .
2/1 1 ملعقة صغيرة خميرة فورية ..
بيضة .
الطريقة ....
نخلط اللبن والماء والدقيق والسكر والملح والخميرة .. ونعجنهم سوا .. ونتركهم ساعة كاملة ...
بعد الساعة نجيب البيضة ونحطها على العجينة .. ونعجن العجينة مرة ثانية ..
نترك العجينة تتخمر لمدة ساعة ونص ..
بعدين نولع على الزيت ونحاول نحرك العجينة بس بشويش ..
ثم نقطع العجينة لكور صغيرة ونسقطها بالزيت لين تحمر ..
بعدها نشيلها من الزيت ونحطها على ورق ماص لين تبرد شوي ..
ثم نسقيها بالشيرة ( سكر + ماء + قرفة مطحونة )
وعليكم بألف عافية ...
جربوها تراها روعة
&
الطريقة الثانية ...
المقادير ....
3 كأس دقيق .
2 بيضة .
2 ملعقة صغيرة خميرة فورية .
6 ملعقة كبيرة حليب بودرة .
ذرة ملح .
بيالة إلا شوي زيت .
2/1 2 كأس ماء .. ويمكن نحتاج لزيادة .
الطريقة ....
تعجن كل المقادير جيداً .. ثم نتركها في مكان دافي علشان تخمر لمدة ساعة .. بعد الساعة نقوم ونخلط العجينة مرة ثانية .. ثم نتركها تتخمر لمدة ساعة ونصف ...
بعدها نسوي اللقيمات في زيت عميق وحار ...
وعليكم بالعافية ....
ملاحظة .....
ضروري الزيت يكون عميق وحار .. وزيت خاص باللقيمات بس ..
إذا بغينا نحط اللقيمات بالزيت لازم نقصر على النار .. وبعد مانخلص من تسقيط اللقيمات بالزيت نقوي على النار ..
مع التحريك المستمر لين نشوف اللقيمات محمرة وماتغلي في الزيت ...
طبعاً والباقي عليكم
أتمنى أنها تعجبكم ...