كورالباشميل لذيذه مره لذيذه

باشميل لذيذه مره بالصور
تجيبين قدر وتحطين فيه كوبين ماء و3ملاعق متروسه حليب بودره و3 ملاعق متروسه طحين ابيض وملعقه كبيره نشا وتضيفين مكعب ماجي وفلفل اسود والملح حسب الرغبه الي يبي يضيف تخلطينهم بالخباطه او السلك مال الخفق وتحركين السلك والقدر على النار لما يثقل الخليط كأنج تسوين باشميل
تركيه على جنب يبرد وجهزي الخضار
في مقلاة حمسي بصل حتى يذبل وضيفي له كوب صغير من الخضار الجاهز المجمد بس يكون مسلوق اشوي احسن واطرى وبصل اخضر مفروم
ضيفيه على البصل وحمسي واشوي ذره وممكن تضيفين قطع صدور دجاج مفروم مكعبات صغيره ويحمس مع الخضار والشوي فلفل اسود ورشه ملح
خلطي الخضار مع الباشميل وبردي الخلطه تماما قبل الشغل
بعدين ضيفي جبن شدر نص كوب او مزرولا بس يفضل يكون الخليط بارد
وهذه صورة الخليط
الحين شكلي الباشميل لاقراص سميكه او كور حسب الرغبه
غمسي كل قرص بالبيض وممكن تضيفي كزبره مفرومه خضره مع البيض
بعدين غمسي بالبقصمات
وممكن تفرزيها في صينيه مفرشه بكيس نايلون بعدين تفرغينها بكيس بعد ماتجمد الاقراص
http://up.hawaaworld.com/up/sites/up.hawaaworld.com/files/links/7e698b41d74bc920d
67fdc5efa460ef8.jpeg[/IMG
انا ماجمدتها بس بردتها بالفريزر وبعدين قليتها بس الاحسن تكون جامده اشوي
واقليها في زيت حامي وغزير على نار واطيه ومن الفضل تجميدها قبل القلي احسن عشان ماتتفكك معاج
وشوفوها اشلون مقرمشه ولذيذه
وشوفو اشلون من داخل واو تبارك الرحمن
اشرايكم تشهي لالا تدوخ على فكره الاكله منقوله وبجربها انشا الله