كيف انقطع قلبي

تربة قمر

13-11-2022 - 10:38 am

اخواتي بحكي لكم قصه حقيقه ووقتها مرره قريب

اخواتي بحكي لكم قصه حقيقه ووقتها مرره قريب

يوم 17/2 الساعة 7الصباح دق جوالي ولقيت رقم اخوي رديت وانا احس قلبي بيطلع من مكانه سألني عن زوجي وينه سألته وش فيك ؟؟؟ بكل عصبية وخوف وش فيكم ؟؟ ...... ابوي فيه شي ؟؟؟
سؤال سألته وانا عبرتي في عيوني ماادري ليش صرخت وقلت رد علي اخذ زوجي السماعة وسكرها على طول مسكته وحلفته بالله انه يعلمني اذا ابوي فيه شي .. قال مافيه شي بس تعبان شوي وطلع من عندي بدون ماياخذني حتى معه ...
صرخت بكيت دعيت ان الله يرحمنا ولايفجعنا فيه ... آآآآخ ... لو تدرون هالانسان وش كان يعني لي ...؟؟؟
ماملكت نفسي طلعت لغرفة اخته وحطيت ولدي الصغير عندها وقلت لها انا بروح لامي اكيد انها تعبانه ... شفتو الغريق اللي يتعلق باصغر شي عنده ... شفتو التايه اللي في الصحراء ينتظر يسمع صوت بشر حوله .. شفتو المريض اللي ينتظر العافيه .. شفتو الطفل لامن تعلق يبي امه ..
انا كنت اعظم منهم كلهم .. قلبي يدق بسرعة انخفض عندي السكر فجأة .. اغمى علي .. صحيت على صوت اخت زوجي تقول ابوك في العناية .. سألتها مستحيل انا حاسة انه فيه شي طلعت من بيتي ورحت لامي ...
والله حالتها لاتسرعدو ولا صديق . . مسكينه امي خالد اخوي الصغير 3 ابتدائي دلوع ابوي وعلى قولته ( اللي يضرب خالد كانه يضربني ) اخواني كلهم امي تقولي راح مافيه شي توه يكلمني .. انا اصبرها والبلى فيني .. تمنيت احد يرد على الجوال ويكلمنا بس لو كلمه تبرد قلوبنا ...
فجأة .. انفتحت بوابة البيت حقت السيارة دخلوا اخواني الشباب الثلاثة .. رحت اركض مثل الطفله اللي تبي .... حضني ابوها يلمها من الخوف .. طالعت في وجوههم .. آآآآخ ... والله العظيم انه اصعب شي تشوفين رجال بهالحالة ... اصعب شي الانكسار ... اصعب شي الضعف .. اصعب شي في الدنيا كلها ... الرحيل ... بدون رجعة ...
مسكت واحد منهم وحلفته مايدخل البيت لين يقول ابوي وش فيه مارد علي بس كانت نظرته تقطع القلب ... كلهم الدموع في عيونهم ومب قادرين يحكون ... صدقوني في لحظته قلبي وقف حسيت فيني ضلع بينكسر من الالم .. رحت اركض على ولد اختي الصغير وكان يغسل وجه ويقول ادعي له ياخالتي .. آآآآآههه
شوي وزوجي يدخل مع الباب .. ناظرته وعيني كلها قهر بس ابي احد يجاوبني .. قولو لي ريحوني ... بطلع مع باب الشارع اذا مااحد قال لي والا بروح له في المستشفى اشوفه ... ناظرني زوجي _ وهو اللي يدري ابوي وانا وشلون كانت علاقتنا .. اعظم من اي علاقة بين البنت وابوها _ وبكى قدامي ... اول مره اشوفه يبكي من يوم اخذني .. صرخت وطرت وكان عقلي بيطير من الصدمة .. وحطيت يدي على صدري وعرفت انه خلاص .. قلبي انقطع عليه .. بعدها بكيت وشفت امي واخواني وخواتي كلهم يبكون رحت اركض لهم واسالهم واحد واحد .. انتو زعلتو ابوي امس ؟؟ ابوي مات وهو زعلان ؟؟ كلهم كانو يقولون نفس الكلام .. كان مبسوط يسولف ويضحك وتعشى معنا وسال عنك ومافيه شي ؟؟ رحت للمجلس اللي يجلس فيه دايم لقيت بشته شميت رحيته حضنته رحت في اغمائه طويله لين جاء الهلال الاحمر وعطوني ابره في الوريد لانخفاض السكر بشده بعدها حلفت اني اشوفه وترجيتهم مايدفنونه الين مااشوفه .. وفعلا .. انا عمري ماتخليت اني اشوف ميت وخاصة اذا كان قريب لي .. فكيف ابوي . بس تحملت الصدمة وقويت قلبي ودخلت عليه لقيته ... نايم .. مبتسم .. مافي وجه اية تجاعيد ... لو بشرته صار مايل للوردي .. جلده بارد .. عيونه مسكره ,,, سلمت عليه وبست راسه وحطيت شفايفي عند اذنه وهمست له .. (( يبه .. انا بنتك ... الله يرحمك ويغفرلك .. يبه ... الله يثبتك ... يبه اتمنى تكون راضي علي .. بكيت دموعي نزلت على وجهه .. بست عينه وراسه وخده .. حطيت راسه على صدري وبكيت .. )) آآآآخ .. مااصعب الموت ...فعلا .. كلنا نؤمن بالموت بس لما يجيي لعزيز علينا ... صعب نتقبل الموقف بسهوله ..
ماادري اكمل والا لأ بس .. ابوي كان في حياتي مثل الرمز مثل الشي النادر اللي مااشوفه كثير في الدنيا كنت دلوعته احب اشوفه واتأمل فيه .. كانت التجاعيد الخفيفه اللي في وجه لوحه معبره عن المعاناة اللي تعرض له في حياته كان ابوي مثال اعلى لكل اللي يعرفه صدقوني مافيه شخص تعرف عليه الا وحبه كان حكيم وحليم وصبور ومؤمن بالقضاء والقدر قبل لايتوفى بأسبوع كان يسولف لي ويحكي لي قصه عن البلاء وعظم الصبر عند المصيبه ويعلمني انو المؤمن هو الوحيد المبتلى .. كان يسألني من يفسر لي سورة الفاتحه ؟؟ وهو اللي ماتعلم ولا كان يعرف القراءة ولا الكتابة .. ابوي تعجز السطور توفيه حقه بس كان قلبي اللي انقطع والحين انا عايشه مع الناس ولاني معاهم
الله يسكنك الجنه يايبه ويرفع درجتك عند الانبياء والصالحين والشهداء والابرار ويمتعك يارب بالحور العين ويجمعنا بك في جنات النعيم ياحي ياقيوم
واعتذر على الاطالة بس حبيت احكي لكم لانو مافيه يوم مر بعد وفاته ومابكيت عليه وعيت دموعي لاتوقف والله تعبت والله تعبت

التعليقات (9)

تربة قمر

13-11-2022 - 02:06 pm

وين ردودكم على الأقل ادعوا له بالرحمه الله يجزاكم كل خير

M!ss Pharm

13-11-2022 - 03:07 pm

* تربة قمر *
يعجز القلم
وتضييع الكلمات ’’
وتهرب الحرووف ’’
امام هذا البوح ’’
البوح المتناثر هنا .....
نثر كلماتِك فاضت من مشاعر ملتهبه ,,
واستقرت في مصفحكِ حاملةً
حروف فاضت باحساس راقي كروعتكِ
دمت ببهاء,,وأدام الله قلبكِ الشامخ بلا ألم
و غفر لوالدك و أسكنه الفردوس الأعلى
و رزقك الصبر و السلوان
- والله خليتيني أبكي -
تحياتي لك...

spring time

13-11-2022 - 04:08 pm

الله يرحمه

لبنانية متميزة

13-11-2022 - 05:09 pm

الله يرحمه..يارب و يغفر له و يوسع على قبره و يصبركم يارب
بكيت .. و تأثرت كتيير...
اسال الله ان يحفظك يارب..

ALLURE 2009

13-11-2022 - 06:10 pm

الله يرحمه ويرحم جدتي وجدي وجميع موتى المسلمين

نقآء روح

13-11-2022 - 07:11 pm

الحمدالله على كل حال << احساس مؤلم بكيت من هالكلام اه
اسأل الله لك الصبر و السلوان و عظم الله اجرك و يثبته عند السؤال

تربة قمر

13-11-2022 - 08:12 pm

تربة قمر

13-11-2022 - 09:13 pm

اشكر كل من رد علي ودعى لابوي صدقوني اني احبكم واعتبركم اكثر من اخوات لي بالتوفيق للجميع والله يعطيكم الف عافيه
بعد كتابتي للقصة حلمت في ابوي حلم مرره ريحني حلمت فيه اني نازل من الدرج حق البيت ولما شفته شهقت وصرخت وقلت ابوي مامات هاذا هو قدامي واخواني كلهم يطالعون فيني ومستغربين بس مديت يدي ابي امسكه وكاني اقول اذا دخلت يدي فيه فهوا خيال واذا مسكته فهو حقيقه بعدين مسكته بيديني وقلت لهم وانا مره فرحانه ابوي حقيقي مامات وضمني لصدره بقوه وحط يده على ظهري وقال لي (( انا راضي عليك )) وراح وخلاني والله على مااقول شهيد

تربة قمر

13-11-2022 - 10:14 pm

دفنت ابنها في الصحراء وخرج ليعاتبها قصة أبكت كل من سمعها←
قصه قصيره لك ن بمعنى كبير→