كيكة ريش الطاؤوس بالصور من مطبخي

كيف حال أخواتي الفراشات
أنا اليوم جبت لكم حلى لذيذ ورائع ..وبنفس الوقت سهل جداً
وهذا الحلى انا سويته وبوريكم الصور
المقادير + الطريقه (( الطريقه جدا سهله ))
اولا نخفق 4 بيضات + ملعقة فانيليا + كاس وربع سكر الى ان يصير لون البيض ابيض
ثانيا نضيف 3/4 كاس زيت ونستمر في الخفق ثم نضيف كاس حليب دافئ
ثالثا ننخل 2كاس دقيق + 3ملغقة كاكاو بودرة + 2ملعقه بيكنج باودر + رشه ملح
رابعا نبدا نضيف شوي من الدقيق ملعقه ملعقه الى ان يختلط الدقيق تماما ثم توضع في الفرن الى
ان تستوي...........
بعد ما تنزليها من الفرن
حطي فووقها هاي الخلطه وهي عباره عن ::
علبه قشطه + كيس دريم ويب + كريم كراميل + بسكوت تويكس
تخلط في الخلاط وتصب على الكيكه
ثم ناتي للريش
علبه قشطه + دريم ويب
ثم ناخذ منه مقدار 2ملعقه هذا اللون الابيض
ثم نضيف شوي كريم كراميل وناخذ مقدار 2ملعقه هذا اللون الاصفر
ثم نضيف على الباقي كاكاو بودرة وهذا الشكولاته
نضع كل لون في كيس ونبدا نخطط بالتناوب على شكل دوائر
اول الابيض ثم الاصفر ثم الشكولاته الى ان نصل الى منتصف الكيكة
ثم نسحب بالسكين الى مركز الدائرة ويطلع الشكل زي ريش الطاووس وندخلها الثلاجه الى ان تبرد
وهذي الصوره أنا اللي سويت الحلى
أبغى رأيكم
لمشاهده الصوره اضغطي عليها
وبالهناء والعافيه
أختكم
مناير جدة