لبنيه مكاويه بس إيش شي

_______________________
السلام ياحلوين
هذا اول موضوع لي هنا
وجيايبه لكم طريقة عمل اللبنه المكاويه وعلى الشرط اذا ما شغلوك
في محل حلويات ما اكون انا خ
نبداء
اولا المقادير
4 ونص كاس تقريبا حليب بودره
2 كاس سكر
1 كاس ماء
رسة هيل مطحون ناعم
2 باكوا زبده إصبع

الطريقه
تحطي السكر مع المويه على النار الين مايصيروا شيرة بس شيره على ثقيل شوي
وعقب تحطي الزبده والهيل وتخليهم تقريبا 7 او 8 دقايق على النار
وبعدين تنزليها من على النار وتبدأي تحطي كاسات الحليب وحده ورى الثانيه مع مراعاة
في كل كاسه لازم تخلطي وتستمري في الخلط ولازم بملعقه خشب تكون قويه
لان الخليط يثقل على التوالي وعقب تكونين مجهزه صينيه مدهونه بزيت وتحطي الخليط
في الصينيه وتتركيها حتى تبرد طبعا مايبيلها لاثلاجه ولاهم يحزنون
عقب ما تجمد خلاص قطعيها ورصيها في طبق التقديم
على فكره الصينيه لازم تكون كبيره اوكي
والف هنا وعافيه على قلوبكم