لذيذ جدا جدا جدا وسريع والكل يسألني عن طريقته

عسل وربي عسل

21-06-2022 - 03:36 am

السلام عليكم ...
كيفكم ؟ عساكم طيبين ؟
مثل ماقريتوا العنوان لذيذ وسريع والكل يسألني عنه ...
المقادير وانتي ماشيه ...
جزر مبشور
فلفل بارد مقطع مربعات صغيره
بصل اخضر مقطع (اكيد فهمتوا كيف مقطع لان ماله الا طريقه وحده في التقطيع )
خبز صامولي
مايونيز + جبنه سائله (جبنه الكاسات )
لا انسى بالنسبه كمية المقادير انا احط جزره وحده وفلفله وحده وبصل على حسب رغبتك
3 ملاعق جبنه و3 ملاعق مايونيز ( لشخصين ونص ) يعني انا وزوجي والنص هاذي بنتي
نجي للطريقه ...
تخلطين المقادير كلها مع بعضها ماعدا الصامولي
تقطعين الصامولي حلقات او بالنص وترصينه في صينيه وتدخلينه الفرن الى مايتحمر الوجه ماياخذ وقت اول ماتشوفينه تحمر تطلعينه
جربوها وادعوا لي انا متأكده راح تعجبكم ...
تحياتي .... عسل

التعليقات (9)

عسل وربي عسل

21-06-2022 - 07:15 am

مافي حتى كلمة شكر او جبر خاطر
عالعموم مقبوله ...
يجي منكم اكثر ... هاذي اول مشاركه لي في القسم وصراحه انصدمت .

ام عبدالله**

21-06-2022 - 08:16 am

,وعليكم السلام
فعلا الاكله لذيذه وخفيفه وانا مجربتها قبل تسلمين:0149

ام عبدالله**

21-06-2022 - 09:17 am

,وعليكم السلام
فعلا الاكله لذيذه وخفيفه وانا مجربتها قبل تسلمين:0

لذة غرام

21-06-2022 - 10:18 am

يعطيك العافيه اول ماشفت موضوعك دخلت
وشكله حلو بجربه وبقولك وش صار معاي
تخلطين المقادير كلها مع بعضها ماعدا الصامولي
تقطعين الصامولي حلقات او بالنص وترصينه في صينيه وتدخلينه الفرن الى مايتحمر الوجه ماياخذ وقت اول ماتشوفينه تحمر تطلعينه
يعني نحط الخلطه في الصامولي وندخلها بالفرن ؟؟؟
ولا بعد ماندخل الصامولي بالفرن نحشوها بالخلطه ياليت توضحين لي <<< معليش عبيطه شوي

عسل وربي عسل

21-06-2022 - 11:19 am

ام عبدالله يسلموو اسعدني مرورك
والله يجبر بخاطرك .

&توته الياقوته&

21-06-2022 - 12:20 pm

مشكوره

عسل وربي عسل

21-06-2022 - 01:21 pm

لذة غرام حبيبتي خذي راحتك ...
تحطين الخلطه على الصامولي وبعدين تدخلينه الفرن الى مايتحمر شوي بس او يبدا يتحمر تطلعينه
وبالعافيه . .. قول لي وش صار معاك

SmallGhala

21-06-2022 - 02:22 pm

تسلم ايدينك حبيبتي
ان شاء الله اجربها

عسل وربي عسل

21-06-2022 - 03:23 pm

اسعدني مروركم حبوبات .

الرجاء الدخول←
ممكن مساعدة من الفراشات السوريات→