لفآئف الدجآج بالقشطة والجبن بالصور

ماشاء الله .. تبارك الله
الطبق وصلني على الإيميل وطبقته بنتي الله يحفظها
انا نقلت الطريقة حرفيا من الإيميل لوحدة الله يحرم ايدينها عن النار أسمها دموع شمعه بس الصور
من مطبخي ومن ايدين بنتي
المقآدير .. ( اختيارية حسب عدد الأشخاص )
1 - الحشوة :
دجاج << ينسلق ويفتت
جزر مبشور - فليفلة - بصل << يُقطّع إلى مربعات صغيرة
زيت زيتون
بهارات من كل الأنواع + ملح
مايونيز
عجينة سمبوسة
كوب ونص ماء يُضاف له مكعّب ماجي ويُحرك على نار هادئة
قشطة
جبن بوك سائل
\\
{ الطريقة ..
نحمص البصل بزيت الزيتون حتى يتحمر شوي
بعدما يتغير لون البصل نضيف عليه الجزر والفليفلة ونحرك حتى يتغير لونهم
بعدها نضيف الدجاج المفتت ونحمصه مع البصل والجزر
نضيف البهارات + الملح ونستمر في التحريك عشان تختلط البهارات وتتوزع في كل الأجزاء
وقبل لا نطفي النار نضيف على الحشوة مايونيز ونخلطها ونحركها على النار لين تتشبع بالمايونيز
نجهّز الصينية
نمسحها بزيت ونصف فيها بطاطا وفليلفة وبصل
نحشي ورق السمبوسه بحشوة الدجاج
بعدما انتهينا من اللفائف وصفيناها في الصينية ,, نصب عليها خلطة الماء + الماجي وندخلها الفرن ( تقريباً 5 دقايق ) عشان تلين وتستوي من تحت
نمزج القشطة وجبن بوك
نطلع الصينية من الفرن ونمسح اللفائف بخلطة القشطة والجبن وندخلها الفرن مرة ثانية
وهنا بعدما استوت
حطيناها في صحون التقديم
جربوها لذيذه وماينشبع منها