لو طالت الفتره بين الزواج والملكه وش بتكون حدود علاقتك

شوفي حبيبتي ..
انا لي مملكه 5 شهور ونص << النص اهم من الخمسه ^^
وعلاقتي بخطيبي مكالمات يزورني بشكل متقطع يعني احيانا كل اسبوع
واحيانا يقعد ب 3 اسابيع ما اشوفه ..
اطلع من البيت معاه مستحيل
ممكن اذا كان معي واحد من اخواني او امي << خايفين عليها تنحرف مع زوجها
حتى الشقه بروح اشوفها وبيروح واحد من اخواني معي ...
عاد اذا طالت مده الملكه ^^
الحلو فيها انك تتعرفين عليه وتفهيمين اسلوبه وطبعه وتاخذين وجه عليه
والمشكله بانها كل ماطالت زادت المشاكل والمطاقات بينكم << طبعا ماتخلى على قوله امي
" اذ ماتطاقيتو كيف بيراضيك وبيصالحك "
يعني بالمكالمه الوحده نتطاق 30 مره ونتصال 10 مرات
وممكن طول اليوم مطاقات واخر شي تتصالحون ..
وعادي اول شي بتلاقيتها غريبه انا بعد اول مطاقه قعت اصيح وفكرت اني بنفصل عنه وما ابيه وحركات البنات ..
بعدين ثاني يوم يوم كلمي انتهى كل شي << جد سبحان الله المؤلف بين القلوب
** من الاخر يعني مو كل شي عسل لازم يكون في مشاكل والا مارح يفهمون بعض ^^
هذا اللي اشوفه بالنسبه لي ..
معلش على الاطاله
تحياتي // ..

مرحبا حبيبتي
موضوعك جدآ رائع
بالنسبه لي أسبوعين بالضبط مملكه (بس صارت فيه مطاقات ) طبعآ مني تبدأ
لأنه يقولي أشياء أحسها غريبه علي ومحدثتكم عصبيه و و و و و( عجله )يعني أبي كل شي بسرعه
بس برضه يراضيني وأرجع زبده ^ ^
المهم قلبو من ناحيه الطلعات طلعت معه مره وأهلي ماقالوا شي لأنه أستأذن الوالد وطلعنا
بالنسبه للشقه بروح أشوفها عادي معه
والأهم والأهم المكالمات ياربي من المكالمات
أكلمه وأسولف معه وبعد ماأقفل اقول بكره بقلص مده المكالمه وتجي أطول
بس تصدقين عرفتني على أشياء فيه لأنه هو من بيئه وأنا من بيئه والتربيه تختلف والمفاهيم وكل شي
فأحس أنها بالعكس تعرفك وتمهد لك عشان تعرفين أنتي على وش داخله
وصدق مثل ماقالت اختي بعد كل مطاقه ( هي مرتين بس ) أقول ماعاد أبيه ويرجع يكلمني
وأقول ياحبي له وه بس
مشكوره على النقل الرائع

موفقين جميعا باذن الله
اذا كانت المده طويله اهم شي عدد الزيارات تكون قليله
يعني كل اسبوعين مره او في الشهر مره
واذا قال المده طويله قولي هذا راي اهلي
حاولي ما تتحدثي عن المشاكل اللي تصير في بيتكم ابدا؟؟؟طبعا الحريم يموتوا لو مسكو لسانهم
بيقول:هذي اسرار اهلها ما حفظتها كيف بتحفظ اسراري
دائما كوني مسالمه لان الرجل ما يحب اللي تعانده في كل صغيره وكبيره

والله انا من رائي يابنات
ان المكالمات تكون قليله مره مره
يعني بالاسبوعين مره
والزيارات يعني مره وحده وبس
ترا الثقل زين وخصوصا" هالفتره
لان لو رحتي له وانتي انواع المكالمات معه ويشوفك دايم وربي ماراح يكون متلهف عليك كثير
يعني شايفك ومكلمك وشبعان منك
انا عن نفسي تقريبا اكلمه في الاسبوعين مره
وزواجي باقي عليه شهرين راح شهر اللحين
وكل مكالماتي معه 4 مكالمات ودي اقللهاا بعد
وبالنسبه للزيارات ماحب ابد ولا عندي استعداد
الا في العيد اشوف انهاا حق انه يجي يسلم علي ويروح
والطلعات صراحه ماهي ابد من عاداتنا
وانا ضدهاا
آسفه عالاطاله

اكبر غلط ان الملكه تكون اكتر من 3 شهور
تكتر المشاكل والمشاحنات وتكتر حالات الفتور
وكل ده مين بيتاثر فيه اكيد البنت ام الرجال لا
فنصيحه اللي ليها فتره مملكه تخفف مكالمات بقد ماتقدر وتخفف الزيارات اتعدري باي شي اهم حاجه مايجيك كل اسبوع
نصيحه يابنات لاتغلطوا نفس غلطي
الحمدلله بس

طيب كيف نقلل عدد المكالمات؟؟؟؟؟؟؟؟؟
صعبه الوحده تقول لزوجها لاتكلمني كثير
المشكله اذا كثرت المكالمات ما فيه سوالف

الله يوفقكم يارب يالف بينكم وبين ازواجكم يارب العالمين ويوفقكم اجمعين ..

بين ملكتي وزاوجي سنه وشهرين
نكلم بعض باليوم أكثر من عشرين ألف مره>>> بس ماطلعت معه ولا مره!!!
ويوم تزوجت خلصت سواليفنا خ
بس عند جد كانت أحلى سنه بحياتي
ماخلينا شي ماسولفنا فيه ومايمر يوم مانتهاوش بس من بكره نرضى وننسى,,
حتى وأنا بالكليه آآآآآآآخذ جوالي وأكلمه كان جوالي كل دقيقه يامكالمه يارساله >>>>مو الحين مايرسلي الا بالعيد خ
بس نصيحتي لكل بنت كلميه وأستانسي لانها فعلا أحلى مراحل العمر وماتعوض آآآآآآآآآآآآآآآبد

سارة احلى البنات..
تعذري دايم باي شي
وكل مرتردين قولي والله تعبانه
والا اذا دق لا تردين وبعدين ارسلي له رساله
قولي اني مشغوله والا تعبانه
بس صدقيني والله لو تقللين من المكالمات شي لصالحك
بالعقل .. بعدين تخلص سوالفكم
واحسن لك بس تاخذين فكره عن اسلوبه وتفكيره
وبعدين اذا رحتي له تعرفي على شخصيته وانتي عنده
احسن واحسن
وبعدين لا تنسين ترا الرجال في المكالمات غير
عن لما تشوفينه
وبالتوفيق ياقلبي