مابي غ يره الروآيه الآولى للكآتبه آسيره الخيآل

كملي
متابعينك

:
]|
|[
بيت ابو عبدالله ..
الصبح الساعه 7 ..
ام عبدالله:رحب وين ساره ليش ماقعده ..
رحب:تقول محاضراتها تبدا الساعه 9 ..
ام عبدالله:اها .. يلا بسرعه بنات عمج ينطرونج ..
رحب:ان شاء الله يمه ..
ام عبدالله:عهد يمه مري ريتاج بطريقج واخذي رغد للروضه ..
عهد:وغلا مابتروح الروضه ..
ام عبدالله:لا خليها توها اول سنه السنه الجايه تداوم ..
رحب تبوس راس امها:يلا يمه مع السلامه ..
ام عبدالله:الله وياج حبيبتي .. عهد قولي للخدامه تقعد اخووج .. الحين ابوج يقعد وبيعصب اذا ماشافه قاعد ..
عهد:ان شاء الله يمه الحين اقولها ..
بع د ماطلعت من البيت ماشافت سياره سايق عمها .. شافت سياره ولد عمها "سعد" .. بعد ماركبت السياره ..
رحب:السلام عليكم ..
الكل:وعليكم السلام ..
سعد:شخبارج رحب ..
رحب بخجل:بخير .. انت شخبارك ..
سعد بابتسامه:بخير دامج بخير ..
اماني قاعده قدام ومعالي قاعده ورا اخوها ويمها رحب ..
اماني:ساره ماعليها دوام ..
رحب بصوت تحاول ترفعه:محاضراتها الساعه9 تبدا ..
معالي:والله اختج هذي مادري شتبي بالطب الواحد مايصدق يخلص دراسه واهي تبي تدرس ..
سعد:ع الاقل اهي احسن منج تبي تدرس عندها طموح مو انتي .. الا شنو طموحج اخت معالي ..
معالي:اول شي افتك من المدرسه وبعدين يصير خير ..
اماني:ههه اختي واعرفها طوول عمرها واهي تكره شي اسمه دراسه .. زين منها تنجح بس ..
رحب تدافع عن معالي لانهم يتشابهون بالصفات:عاد حدكم ع معالي اللي يسبها يسبني ..
اماني:ههه .. وربي بعض المرات احس رحب توام معالي مو انا ..
معالي:انا وانتي صح نشبه بعض بالشكل بس بالصفات غير ..
فجاه سمعوا صرخت سعد:اي عرفت ..
البنات:شنو ..
سعد:انه معالي ورحب لهم مثل الصفات ..
البنات:اوه .. صباح الخير ..
سعد:مشكورات نبهتوني ع هالنقطه ..
معالي:العفو .. حياك كل يووم ..
رحب وانسجمت معاهم بالجو:يلا مد ايدك ويين الفلووس ..
سعد فاتح عيونه:صج بنات .. يمه منكم .. مافي فلووس تعالي مره ثانيه ..
رحب:لالالالالالا مايصير اخذت منا معلومه لازم تدفع ثمنها ..
معالي:أي صح يلا مد ايدك وطلع اللي بجيبك ..
اماني:مسكوه مسكين .. ههه ..
سعد:اسكتي انتي خليني افكر بطريقه افتك منهم ..
رحب:لا تحاول مالك مفر ..
معالي:يلا ياخووي .. مد مد يلا ..
سعد ويدري مراح يتركونه لين ياخذون اللي يبونه:شرايكم اطلعكم أي مكان تبوون غير الفلوس لانه ماعندي الحين ..
رحب:ام .. موشينه خلاص اتفقنا ..
معالي:هابنوتات وين تبون نروح ..
اماني:شرايكم يوم الخميس نكون ببيت جدي ونطلع كلنا مع البنات نتعشا بره ..
معالي تبوس اختها:وربي انتي ام الافكار ..
رحب وتبوس اماني بعد:وانا اشهد انها ام الافكار ..
سعد:بس ماصارت بوس ..
معالي:لا تنسى ياخووي يووم الخميس بعد اذان العشاء ..
سعد:افا عليكم غالين و الطلب رخيص بس ماقلتوا أي مطعم تبون ..
اماني:ام .. مادري نشاور البنات ونرد عليكم ..
سعد:اووكي .. يلا وصلنا ..
معالي واماني:مشكور ع التوصيله يا خووي ..
رحب:يعطيك العافيه ع التوصيله ياولد عمي ..
سعد:الله يعافيج .. السايق بيجيكم الظهر ..
اماني:ان شاء الله ..
:
بعد ماطلعوا عيالها لدواماتهم .. نادت ع الخدامه ..
ام عبدالله:ميري يا ميري ..
ميري:يس مدام ..
ام عبدالله:شوفي الساعه 8 دقي الباب ع ساره .. انزين ..
ميري:اوكي مدام ..
ام عبدالله:انا بروح ينام الساعه 11 قعديني ..
ميري:اوكي مدام ..
ازعجها صوت المنبه .. قطع عليها راحتها واهي نايمه .. قعدت تتامل غرفتها تتامل النور اللي يتسلسل من بين الستاره ..
:آآه .. ماشبعت نووم امس كله ادرس .. يلا الحق ع المحاضر قبل لا تبدا ..
بعد ماطلعت من الحمام .. لبست لها سكني جينز وتيشيرت بنفسجي لي فوق الركبه وحجاب اسود .. ولبست لها كعب مو عالي حيل باللون البنفسجي .. حطت لها كحل ومسكرا وقلوس وردي قامج .. هذا مكياجها اللي تعودت عليه .. سمعت دق ع الباب ..
ميري:ميس ساره ..
ساره:يلا ميري قعدت ..
ميري o you want anything to eat? .. ( هل تريدين شي للاكل ) ..
ساره: كوب كابتشينو is enough .. ( كافي ) ..
ميري k..
بعد ماخذت شنطتها البنفسجيه ومعاها اللون الازرق القامج بس شوي ع الاطراف من غوتشي ..
ركبت سيارتها واهي تلبس نظارتها Dior سوده ..
ساره:ياربي ماباقي شي ع المحاضره ..
//
//
بيت ابو جاسم ..
الساعه 9 ..
قاعده بسريرها .. حاسه بالملل قاعده اليوم من الساعه 7 مع اخوانها ..
هند:يوه ملل .. وانا ليش قاعده من الساعه 7 .. خليني ادق ع ريماس اشوفها قاعده ولالا ..
بعد رنتين سمعت صوت ريماس اللي امبين انها نايمه ..
ريماس:الو ..
هند:هلا ريموس لا يكون قعدتج ..
ريماس:لاعادي زين انج قعدتيني ..
هند:اووكي انا زهقانه وبجيج البيت اووكي ..
ريماس:حياج حبيبتي .. انا ببدل وانزل تحت ..
هند:اووكي انا بقعد مع خالتي تحت انتظرج ..
ريماس:اووكي .. سي يو ..
هند:سي يو ..
لبست هند تنوره طويله بيج وبدي اخضر عشبي .. وكعب بلون مثل لون البدي .. وحجاب مثل لون التنوره ..
بعد ماوصلت بيت عمها سلمت ع مرت عمها وقعدت معاها شوي وراحت تنام بغرفتها ..
سمعت صوت التلفوون يدق ..
هند:وينها هذي طولت .. وهذا التلفون مو راضي يسكت .. خليني اشيله كله بيت عمي ..
رفعت السماعه وقالت بصوتها الطبيعي اللي كله نعومه:الوو ..
الطرف الثاني انصدم من الصوت اللي سمعه .. لا اكيد انا اتخيل من كثر ماانا مشتاق لها قمت اتخيل حتى صوتها ..
هند استغربت من المتصل ورددت كلامها:الوو ..
سلطان:احم احم .. الو السلام عليكم ..
هند ع طول اعرفت صاحب الصوت وشلون ماتعرفه واهو ماغاب عنها ولا دقيقه ولاا ثانيه بعد .. بصوت حاولت تخليه طبيعي وتبعد الخجل والارتباك عنه:وعليكم السلام ..
دام السكوت بينهم .. كانت قلوبهم تشكي الم الفراق .. والروح تشكي الم العذاب اللي عاشوه واهم متفرقين عن بعض ..
نزلت ريماس وشافت هند ماسكه السماعة واهي سرحانه ..
ريماس:هند منو تكلمين ..
هند تشوف ريماس بعيون تعلن عن نزول دموعها ..
ريماس:هنووده قلبي شفيج ..
هند مدت لها التلفون وركضت للمطبخ .. كل اللي تبيه مااي يردها للحياه من بعد ما سمعت صوته اللي اشتاقت له ..
ريماس كلمت اللي بالتلفون واهي مستغربه من تصرف هند:الو ..
سلطان واهو يحاول يغطي شعوره:هلا رمووس شخبارج ..
ريماس:سلطان ..؟؟
سلطان:أي سلطان شفيج ..
ريماس اعرفت سبب بجي هند..:لا ولا شي انت شخبارك ..
سلطان:انا بخير .. انتي شلونج وشلون الاهل ..
ريماس:كلنا بخير مو ناقصنا الا انت .. متى بترد ..
سلطان:ان شاء الله بعد شهرين انا عندكم ..
ريماس:ان شاء الله ياخووي ..
سلطان:وين امي ابي اكلمها ..
ريماس:امي نامت .. تبيني اقعدها ..
سلطان:لالا انا اكلمها بعدين .. يلا مع السلامه .. ولا تقطعين ..
ريماس:ان شاء الله .. دير بالك عن ع نفسك ..
سلطان:ان شاء الله .. وانتي بعد ديري بالج ع نفسج و ع الاهل .. يلا تامرين ع شي ..
ريماس:سلامتك ياخووي ..
سلطان:الله يسلمج .. مع السلامه ..
ريماس:الله يسلمك ..
راحت لهند بالمطبخ .. شافتها قاعده ع الطاوله وحاطه ايدينها ع راسها ..
ريماس حاولت تغير الجو ماتبي تذكرها:شرايج نطلع نتريق برا ..
هند:مالي خلق اطلع ..
ريماس واهي تسحبها: يلا عاد انا بكلم امي وبنزل قولي للخدامه تقول للسايق يشغل السياره ..
هند:اووكي .. وانا بروح البيت اجيب جنطتي وموبايلي ..
ريماس:اووكي ..
//
//
جامعة الكويت ..
كلية الطب ..
قاعده بالكافتيريا من بعد ماخلصت محاضرتها الاولى .. شافت رفيجتها قربت عندها ..
الجوري:السلام ..
ساره:وعليكم السلام ..
الجوري:شخبارج سارون ..
ساره:بخير قلبي انتي شخبارج ..
الجوري:انا بخير دامج بخير .. متى محاضرتج ..
ساره:الساعة 12 اخر محاضره ..
الجوري:اووكي .. انا اخليج الحين .. ماعلي شي اليوم الا محاضره وحده ..
ساره:اوكي حياتي .. الله وياج ..
الجوري:مع السلامه .. وباستها وراحت ..
ساره:الله يسلمج ..
:ازيك ياساره ..
ساره:اهلين شيرين .. انا بخير انتي شخبارج ..
شيرين:كويسه .. عامله أي ..
ساره:بخير حبيبتي ..
شيرين:الدكتور مايكل تعبان آوي .. واعتزر عن المحاضره ..
ساره:اهاا .. متاكده شوشو ..
شيرين:أي .. مريت ع مكتبه قبل ما اقيلك ..
ساره::انا برووح البيت .. تامرين ع شي ..
شيرين:سلامتك حبيبتي ..
ساره: الله يسلمج .. بااي ..
شيرين:بااي ..
دق تلفونها باغنيه المغنيه الاجنبه Hilary Duff .. اغنية Between You and Me ..
You can call it what you want
But I`m not playing games
We`re both apart of the same story
not on the same page
قطعت الاغنية ..
ساره:هلا بهالصوت .. وينج يالقاطعه ..
:الحين انا القاطعه انتي يابنت الحلال ماتنشافين بس كله دراسه ..
ساره:ههه .. شسوي انتي تدرين انه الطب حلمي واهو مو شي سهل علشان استهتر فيه ..
مي:الله يوفقج ياقلبي .. عندج محاضر الحين ..
ساره:لا انا برد البيت الحين ..
مي:لا تردين البيت تعالي عندنا البنات كلهم متجمعات ..
ساره:خلاص اووكي .. مسافه الطريج وانا عندكم .. سي يوو
مي:سي يو ..
//
//
كلية العلوم الادارية ..
:هد نفسج ياسعد هذي مو اول مره يصير بينكم هالشي من عمركم وانتوا جذي ..
سعد:ادري يا يوسف بس كافي هالشي احنا كبرنا ع المشاكل اللي بينا .. ع باله احنا لي الحين بالثانوي ..
يوسف:انت لا تعطيه وجهه .. وشوف مع الايام بيتغير ..
سعد:والله مادري عنه .. العلم عند الله .. تبي شي تاكله ..
يوسف:ع ذوقك .. اي شي منك حلو ..
سعد:كلك ذوق .. يلا عن اذنك ..
يوسف:اذنك معاك ..
نزلت من سيارتها واهي تدخل مفتاح سيارتها بالجنطه ماانتبهت بالجسم الضخم اللي اصطدمت فيه ..
:عمى ماتشوفين ..
:
آنتظروني بآلبآرت الثآلث ..
قرآءه ممتعه ..
:

واو روعه بليز كمليها
انتظر البارت الجاي
ومشكوره على النقل

واو روعه بليز كمليها
انتظر البارت الجاي
ومشكوره على النقل

:
]|
|
//
//
:هلا يمه ناصر ..
يبوس راس جدته:هلا فيج يمه فوزيه ..
فوزيه:روح غير ملابسك ع ماانجب الغدا ..
ناصر:ان شاء الله يمه ..
:

]|
|[
!.. أحبك لو يموت الحب
وتصير القلوب قبور
وأشوف الحب هو
موتي
وأشوفك أنت
تابوتي ..!
بعد ماتغدت مع اهلها صعدت لغرفتها تركض .. كانها تلحق ع شي قبل ما يروح منها .. دخلت غرفتها اللي تدل ع الرومانسيه اللي فيها .. الجدران يغطيها ورق الجدران الاحمر .. قعدت ع سريرها اللي يغطيه فراش باللون الاحمر والاصفر .. شغلت الابتوب ودخلت ع الماسنجر واهي تدعي انه قلبها يكون موجود On Line .. شافت قلبها مثل ماتعودت كل يوم تشوفه وع طوول دخلت عليه واهيا تعبر بحروفها البسيطه عن حبها واشتياقها له ..
....:
هلا والله ياقلبي ..
اماني:
هلا فيك ياروحي ..
....:
وينج ياقلبي 3 ايام مااشوفج اهوون عليج
اماني:
لا ياقلبي اكيد ماتهون علي .. بس شسوي مثل ماانت عارف هذي اخر سنه لي بالثانوي ولازم اشد حيلي اكثر ..
....:
ياقلبي انتي .. الله يوفقج ان شاء الله ..
اماني:
عدوول حبيبي انا اخليك الحين حبيت اكلمك قبل لا انام ..
عادل:
لا قعدي معاي شوي ..
اماني:
مره ثانيه حبيبي .. ماباقي شي ونخلص اصبر شهر .. وبتشوفني شابكه 24 ساعه لعيونك:$
عادل:
فديت عيونج .. اللي يريحج ياقلبي ..
اماني:
باي حياتوو ..
عادل:
بااي ياقلب حياتج ..
بعد ما سكرت الابتوب ..
اماني:آآآه ياعادل .. مادري شبسوي بدونك الله يخليك لي .. ونامت واهي تتحلم بعادل اللي مايغيب عن بالها ابدا ..
//
//
.. بيت ابو عبدالله ..
دخل بيت عمه واهوا ينادي بنت عمه ..
:ساره .. سارونه ..
رحب نزلت تحت لما سمعت صوت سعد:هلا سعد ..
سعد:هلا فيج رحووب .. شخبارج ..
رحب:بخير .. وانت شلونك ..
سعد:انا بخير دامج بخير .. ولاعليج امر نادي لي ساره ..
رحب بغيره حاولت تخفيها:ليش شنو تبي بساره ..
سعد بابتسامه:بكلمها شوي .. ولا حرام اكلم اختي .. وشدد ع كلمه اختي ..
رحب استحت ودرت انه فهم ليش اهيا تسال .. ابتسمت:لا مو حرام .. تفضل الحين اناديها ..
سعد:دام فضلج يابنت عمي ..
صعدت لغرفه ساره .. طقت الباب طقتين وسمعت صوت ساره تقولها ادخل ..
رحب:ساره سعد تحت يبيج ..
ساره واهي تطلع معاها وبايدها كتاب:اووكي .. بروحله الحين ..
بعد مانزلت وسلمت ع سعد ..
سعد:ساروون شرايج نقعد بالحديقه ..
ساره:ان شاء الله .. بس بجيب حجابي وبرد الكتاب فوق ..
سعد:وانتي الكتاب مايفارقج ..
ساره:مستحيل ..
سعد:ههه روحي بسرعه بس .. انا انتظرج بالحديقه ..
ساره:ههه اووكي ..
//
//
!.. وقتي بدونك لا حشى مااحسبه وقت
.................................. وش الليالي وانت ياغالي بعيد
طبعي الوفا اغليك لو عني ابتعدت
..................................... و الشوق لعيونك ترى دايم يزيد
عكس البشر بالحيل يا صاحبي انت
...................................... ما كنت الا دم في وسط الوريد..!
:ادق ولا ماادق .. ام ياربي احترت .. اخاف اذا دقيت يقط علي كلام يضايقني .. بس مشتاقه له ياربي بموت من الشوق .. بدق واللي فيها فيها ..
ترن .. ترن .. ترن .. ترن .. ترن .. ترن ..
سكرت التلفون:لالالا مابي اخااف ماعندي جراه علشان اسويها .. سمعت تلفونها يرن شافت الرقم اللي بالشاشه ..
:لالالالالالالا اهوا ياربي شسوي .. شكله مصر .. يلا سكره خلاص .. برد واللي فيها فيها ..
ردت بصوتها الناعم بطبيعته:الو ..
الطرف الثاني اهي والله اهي:السلام عليكم ..
هند بمثل صوتها:وعليكم السلام ..
الطرف الثاني حب يلعب معاها شوي:اقوول اختي في احد متصل ع هذاا الرقم ..
هند ارتبكت .. وقالت بارتباك:ها .. لالا اخووي انا دقيت عليك بالغلط كنت ابي اكلم اخووي ..
الطرف الثاني:اهاا .. اقوول اختي اذا بغيتي شي او تبين تسالين عن اخووج او أي شي كان .. اتصلي علي ولا يردج الا لسانج ..
هند حاولت تكون ع طبيعتها:مشكور وماقصرت ياخووي ..
:العفو .. معاج سلطان راشد ..
هند .. طلعت ع حقيقتك ياسلطانوه انا اراويك:عاشت الاسامي ..
سلطان:عاشت ايامج يا .. الا منو معااي ..
هند:اسمحلي ياخووي انا بنت متزوجه وانت اكييد ماترضاها لخواتك يلا عن اذنك .. وسكرته قبل لا تسمع رده ..
هند بعد ما سكرت من سلطان قعدت تبجي .. دموعها بدت تسيل ع خدودها .. تبجي ع حبيبها اللي حبته من يووم مافتحت عينها ع الدنيا وعرفت معنى الحب .. الحب تضحيه الحب وفاء وصدق حياه تسودها السعاده والحزن بوقت واحد مو كل حبيبين يعيشون حياه سعيده .. وهذا حالي معاك ياسلطان حياتي معاك كلها حزن x بحزن .. طلعت صورته تتامل بملامحه اللي تجذبها عيونه العسليه وحواجبه اللي الواحد اذا شافها يحس بقوه وهيبه هالشخص ..
هند:احبك لو شتسوي فيني بظل احبك ..
//
//
بيت ابوا سلطان ..
تدق ع بيت عمها سعد ..
:الو ..
ريماس:الو هلا عهد .. شخبارج ..
عهد:هلا والله برموس .. انا بخير انتي شخبارج ..
ريماس:الحمدلله .. الا عهوده ساره عندج ..
عهد:لا بغرفتها تدرس .. مثل كل يووم هالوقت ..
ريماس:اووكي حبيبتي انا بتصل ع موبايلها .. بااي ..
عهد:باي ..
سكرت من عهد واتصلت ع ساره ..
ساره:هلا والله برموس ..
ريماس:هلا فيج ياقلبي .. شخبارج سوسو ..
ساره:بخير دام اني سمعت هالصوت ..
ريماس:دووم ياقلبي .. الا ساروون بغيت اقولج انه يووم الجمعه انا بجمع رفيجاتي عندي .. تعرفين نتذكر ايام الدراسه ..
ساره:ههه اللي يسمعج يقول تعديتي 50 ..
ريماس:وييه اسم الله علي بعدني صغيره .. لا تنسين تعالي انتي ورحووب واذا بغيت تعزمين احد ع راحتج ..
ساره:بقوول لجوري ومي رفيجتي .. عرفتيها ..
ريماس:مي عيسى ..
ساره:أي ..
ريماس:أي ياحليلها .. اووكي مو مشكله انا اخليج الحين .. بااي ..
ساره:الله وياج ..
سكرت من ريماس .. واتصلت ع مي ..
ساره:قوه مياوي ..
مي:الله يقويج .. من وين طالعه الشمس ساروونه تتصل علي ..
ساره:.تتطنزين حضرج ..
مي:ههه .. اتغشمر ياقلبي شفيج .. المهم شخبارج ..
ساره:تماام .. انتي شلونج مع الدراسه ..
مي:والله ماشي الحال ..
ساره:اقوولج مي ..
مي:هلا ..
ساره:تعرفين ريماس بنت عمي راشد ..
مي:أي اخت معالي واماني التوام ..
ساره:أي اهي .. عازمتج يوم الجمعه ع بيتهم مسويه عزيمه لرفيجاتها ع قولتها استرجع ايام الدراسه ..
مي:ههه ياحليلها .. ولا يهمج بتشوفيني اول الواصلين ..
ساره:ههه .. عاد انتي ياحبج لهسوالف ..
مي:اكييد .. وفي شي احلى من الحفلات ..
ساره:ههه .. يلا مياوي انا اخليج الحين .. تامرين ع شي ..
مي:سلامتج ياقلبي ..
ساره:الله يسلمج .. بااي ..
مي:باي ..
بعد ماسكرت التلفون من مي اتصلت ع الجوري تقولها عن الحفله .. والجوري اعتذرت لان عمانها يكونون متجمعين يوم الجمعه ولاتقدر تروح الحفله .. وساره من اول ماسمعت بعذر الجوري اتصلت ع ريماس وقالت لها ..
//
//
بيت ابوعمر(جد ناصر) ..
:ناصر ياناصر يايمه قوم المغرب باذن وانت ماصليت العصر ..
ناصر:اوه يمه الله يخليج خليني انام شوي بس شوي ..
فوزيه:لالالالالالا مافيه يلا قووم لا يقعد جدك ويعصب عليك ..
ناصر:ان شاء الله كاني قمت ..
فوزيه:بعد ماتخلص من صلاتك انزل تحت عمتك عايشه عندنا وبنتها معاها ..
ناصر:انزين يمه .. تامرين امر ..
نزلت فوزيه عند بنتها وبنت بنتها ..
فوزيه:ياحي الله من جانا ..
عايشه:الله يحييج يمه ..
فوزيه:وشلونج يمه شوق .. وشلوون الدراسه معاج ..
شوق:بخير يمه الحمدلله ماشيه بالدراسه ..
فوزيه:الحمدلله .. الحمدلله ..
عايشه:انتوا شلونكم يمه وشلون ناصر ولد اخووي ..
فوزيه:كلنا بخير .. بس انتي يابنتي قطعتي صارلج كم اسبوع ماجيتي عندي ..
عايشه:شسوي يايمه تدرين السنه قربت تنتهي .. ولازم اراجع لهم ..
فوزيه:أي الله يعينج يايمه ..
دخل ناصر للصاله:السلام عليكم .. يبوس راس عمته ..
عايشه:وعليكم السلام .. ياهلا بولد اخووي الغالي .. وينك ما تنشاف ..
ناصر:تعرفين ياعمه الدراسه ..
عايشه:أي الله يوفقك يايمه ..
ناصر:تسلمين ياعمه ..
سمع صوت ناعم..وهذا كان صوت بنت عمته:شخبارك ناصر ..
ناصر:بخير الحمدلله .. انتي شخبارج يابنت العمه ..
شوق بقهر .. ع الاقل قول اسمي اف يقهر:تماام ..
ناصر:يلا عن اذنكم انا طالع مع الشباب ..
فوزيه والعمه:الله وياك ..
بعد ماطلع ناصر ..
عايشه: الا يمه ماتفكرين تزوجين ناصر ..
فوزيه:تو الناس عليه خليه يخلص دراسه بالاول .. وبعدين يحلها الف حلال ..
عايشه:وين تو الناس الولد عمره 21 ع الاقل خطبه بس ..
فوزيه:يايمه توه الولد مايقدر يتحمل مسؤوليه بيت وحرمه ..
عايشه:انا قصدي خطبه بس وبعد مايتخرج يعرس عليها ..
فوزيه:والله مادري .. انا ودي ازوجه اليوم قبل باجر .. بكلمه وبشوف شرايه ..
:

]|
|[
{.. صبآح الحب والشوق ...
.................... صبآح الورد والذوق ...
قالوا لي إنك عسل ...
.......................... قلت آصبح عليك وأذوق ...!
:لا مااصدق سلطان داز لي هالمسج .. بس لحظه اهوا مايدري اني هند .. طلعت راعي بنات ياسلطان .. اوف ياربي انا شسوي بحياتي .. مو انا مشتاقه لصوته .. خلاص بكلمه واذا سالني عن اسمي بدور له عذر .. وناسه سلطان دازلي مسج .. ودي اصرخ وابين للعالم شلون انا مستانسه مستانسه واخيرا سمعت صوتك واخيرا .. حذفت نفسها ع السرير .. واهي تضحك من الوناسه ..
هند:اقوول لريماس .. لالالا مو كل مايصير لي شي اقول لريماس .. هالمره انا اللي بتصرف بنفسي .. انزل لامي تحت قبل لا يجوون اخواني من دواماتهم .. يوه اليوم عند بيت جدي الجمعه .. ام شلبس بشووف رتووج اذا جت من المدرسه تساعدني ..
//
//
كلية العلوم الاداريه ..
يوم الخميس .. الساعه 10 الصبح ..
ناصر:وينها البنت مااشوفها تداوم .. صارلها يومين مو مداومه ..
نواف واهوا يغمز لناصر:بدينا يانصور ..
ناصر:هااي انت شفيك .. بديت بشنوو ..
نواف بضحكه يحاول يخفيها:لا ولا شي ..
ناصر:عادل .. اتصل ع اختك اسالها ليش ماداومت اليوم .. صارلها يومين ماداومت وانا كل يوم ااجل الخطه ..
نواف:أي خطه بعد ..
ناصر:بعدين بتعرف .. يلا اتصل عدول ..
عادل:انزين لا تحن ..
اتصل ع اخته:قوه مي ..
مي:هلا عادل .. بغيت شي ..
عادل:أي بغيت اسالج رفيجتج ساره ليش ماتداوم صارلها كم يوم مو مداومه ..
مي باستغراب:وانت شدراك .. البنت الحمدلله زينه توني امس مكلمتها ..
عادل:اتصلي عليها ليش ما تداوم بالكليه .. احنا قاعدين بالكافتيريا وماشفناها ..
مي باستغراب اكثر:وانت شوداك لكليه الطب ..
عادل مستغرب من اخته:شكو كليه الطب واللي جاب طاريها منو ..
مي:شنو شكوو البنت تداوم هناك ..
عادل استوعب:اهاا .. يعني اهي تدرس طب ..
مي:أي .. شفيك ..
عادل:ولاشي بس رفيجي ع باله تدرس بالكليه عندنا .. اووكي بااي مي اكلمج بعدين ..
مي:اووكي بااي ..
بعد ماسكر من اخته:ههه ه .. اقوول مالت عليك وعلي ..
ناصر باستغراب:ليش ..
عادل:ههه .. ياحليلك يانصوور طحت ع وحده داافوره دراسه ..
ناصر:لا والله من صجك ..
عادل:أي .. البنت تداوم بكليه الطب واحنا ننطرها كل يووم .. ههه .. وربي نكته ..
نواف:ههه .. منو يصدق نويصر يطيح ع وحده تحب الدراسه الا تعشقها ..
ناصر:لا تخافوون انا قدها ان ماخليتها تمووت فيني وتكره الدراسه ما اطلع ناصر ..
نواف:الله يستر منك بس ..
عادل:أي والله .. قمت اخاف منك نصور ..
ناصر:شفيكم شباب .. لا تخافوون بكوون حريص ع كل خطوه اسويها ..
نواف:اقوول شباب بما ان اليوم خميس شرايكم نطلع نتمشى ونتعشا بره ..
عادل:أي والله من زمان ما تجمعنا ..
ناصر:خلاص احنا الثلاثه اليوم نروح .. اي مجمع تبون نروح ولا عشا بس ..
عادل:ام .. نتمشى باي مجمع وع العشا نروح نتعشى ..
نواف:شرايكم نروح نتمشى بالافنيوز .. ونتعشى بتشيليز ..
ناصر:حلو .. نروح بسياره وحده احسن ..
نواف:خلاص بسيارتي .. انا امركم اليوم ..
//
//
بيت الجد"عبدالله" ..
اماني:يلا بنات سعد ينطرنا بالسياره ..
ريتاج:يلا الحين بيجون .. امشي انا وياج نصعد بالاول ..
اماني:يلا ..
عهد:نطروني بروح معاكم ..
ساره:روحوا انتوا انا بنادي البنات ..
اماني:اووكي .. يلا عهد ريتاج ..
ساره:يلا رمووس هنوو .. سعد برا ينطر ..
ريماس:يلا خلصنا ..
هند:انا وريماس بنطلع .. شوفي رحب ومعالي وينهم ..
ساره:اووكي ..
رحب:يلا كانا جينا ..
ريماس:بسرعه بيعصب سعد بعدين ..
معالي:يلا خلصنا ..
بعد ماركبوا بالسياره ..
سعد:ساعه ع ماتخلصوا ..
ساره تدري شلون تمتص غضب سعد .. عشره عمر معاه:خلاص سعوودي امسحها بوجهي ..
سعد يطالع البنات واهوا معصب:عشان ساره بس ..
ساره:فديت اخووي ..
ريماس كانت قاعد قدام عند سعد .. وورا سعد ساره ويمها هند ورحب ومعالي واماني والكشن اللي ورى ريتاج وعهد .. سياره سعد كانت جيب ..
سعد:أي مطعم تبوون ..
هند تكلمت بما انها الكبيره:والله بعد ماعقدنا اجتماعات مو اجتماع واحد استقر راينا ع تشيليز ..
سعد:ياعيني ع الاجتماعات .. اووكي تشيليز تشيليز ..
//
//
نواف وعادل بالسياره ينطرون ناصر ..
نواف: وينه هذا ..
عادل:الحين بيطلع يقوول عمانه عندهم ..
نواف:اهاا ..
دخل عليهم ناصر السياره:السلام ..
عادل ونواف:وعليكم السلام ..
ناصر:اسمحولي شباب تاخرت عليكم ..
عادل:لا عادي ..
نواف:الحين مايمدي نروح المجمع اول مانوصل المجمع تصير الساعه 9 ..
ناصر:خلاص نرووح المطعم والمجمع بيوم ثاني ..
نواف:اووكي ..
//
//
وصلوا لمطعم تشيليز ..
سعد:شوي شوي .. انتوا 8 ماشاءالله عليكم لا يضيع منكم احد وانا الشاب الوحيد اللي جاي معاكم ..
معالي:ههه .. الله يعينك علينا .. قول وصيتك قبل لا تدخل المطعم ..
ساره:اسم الله ع اخووي .. لا تقولين جذي ..
سعد:يلا بلا هذره خلينا ندخل نشوف اذا فيه حجز ولالا ..
وهم يمشووف ادعمت اماني بعادل ..
عادل:اوه سوري اختي ..
اماني مستحيه حدها .. ومن كثر الخجل مو قادره تتحرك ..
عادل:يااهوه اختي هذي شفيها اخاف صار فيها شي ..
ناصر:مادري عنها .. اقوول عدوول امش نمشي نحجز لنا بسرعه ..
عادل:لحظه يا ولد الحلال خلني اشووف البنت شصار عليها ..
اماني بقلبها .. آآه ياحلوو اسمك .. ويه فديت عدولي .. وانصبغ وجهاا بالاحمر لما تذكرت عادل حبيبها ..
سعد:1 2 3 4 5 6 7 .. بسم الله وين الثامنه .. وين اماني ..
معالي:توها كانت يمي ..
ريتاج:شوفها بره ..
سعد يلف للجهه اللي اشرت عليها ربتاج .. وعصب لما شاف اماني واقفه مع شباب بس ماعرفهم لانهم معطينه ظهورهم ..
ساره حست بسعد:سعد هدي اكيد يتحرشون فيها واهي من الخوف ماقدرت تتكلم ..
سعد بعصبيه:انا اراويهم الشغل .. وطلع من المطعم متجه لجهتهم ..
سعد:هاي انت بعد ايدك عن اختي ..
عادل:الله يهديك ياخووي ما سوي ..
.. وقف لما لف لسعد وشافه وعرفوا بعض ..
سعد:ايا الحقير ياالنذل ..
عادل:سعد خلني افهمك بالاول ..
سعد:شنو تفهمني وانا شفت كل شي بعيني ..
ناصر ببرود:وشراح يصير فيك لو سمعته ..
سعد يطالعه من طرف خشمه:ع مااظن انا قاعد اكلم عادل .. لف لجهه اخته .. انتي روحي للبنات داخل .. ركضت اماني للبنات .. اول ماادخلت استلموها استجواب ..
اماني واهيا ترجف:مادري اصطدمت فيه ومن كثر ماانا خجلانه لاني انا اللي دعمته بدوون لا انتبه لنفسي ..
ساره:ياويلي سعد شكله معصب ..
اماني:حده .. ومبين انه يعرفهم ..
البنات:شلون ..
اماني:سمعتهم يناديهم باسمائهم ..
ساره:شنو اسمائهم ..
اماني:عادل .. وحمرت خدودها لانها اذكرت اسم الحبيب .. والثاني ناصر ..
ساره:ياويلي ناصر ماغيره ..
البنات باستغراف:تعرفينه ..
ساره:لا .. سعد دايما يقولي عن هوشاته اهو وواحد اسمه ناصر واكيد هذا ..
عهد:بنات شوفوهم يتهاوشون طق ..
ريماس:ياويلي ع اخووي .. 3 على 1 ..
سعد:ناصر لو سمحت لا تتدخل .. انا اكلم عادل عن موضوع بيني وبينه يخص اختي ..
ناصر:وعادل اخووي ياسعد .. وبوقف معاه ..
سعد مايدري شلون قال هالكلام:اخووك بالاسلام مو صج .. قول صديقي مو اخووي لاني ادري انك ماحسيت باحساس الاخوه ..
انجرح من كلام سعد .. بس مابين له شي .. ناصر عصب:احترم نفسك يا سعد ..
سعد:انا محترم نفسي قبل لا اعرفك واعرف اشكالك ..
ناصر:اشكالي احسن منك يالحقير .. وبدوا هوشتهم ..
نواف:بس يا شباب الله يهديكم احنا بمكان عام ..
عادل:ياربي بس ماصارت هوشات متى بترتاحوون انتوا ..
نواف وعادل سحبوهم صوب السياره علشان الناس ما تشوفهم ..
عادل:كملوا هوشتكم اهنيه ..
عند البنات ..
معالي:ويين اخذوا اخووي هالوحووش ..
رحب واهي خايفه ع سعد:بنات امشوا نروح لهم ..
ريماس:وين نروح ماسمعتي سعد شقال .. لا تتحركون من مكانكم ..
رحب:بس اخاف يسوون فيه شي ..
ساره:وانا خايفه بعد .. انا بروح بنات منو يروح معاي ..
رحب:انا برووح ..
ساره:في احد ثاني بيروح ..
البنات:لا ..
ساره:اووكي انطرونا اهنيه انا ورحب بنروح نشوفهم لانهم راحوا صوب Parking واذا سعد جا لكم اتصلوا علينا ..
البنات:اووكي ..
بعد ماطلعوا ساره ورحب .. راحوا صوب Parking ..
رحب:ساره شوفيهم هنالك .. واشرت عليهم ..
ساره:يلا نروح ..
رحب:لا انا اخاف بنطرج اهنيه ..
ساره:ع راحتج ..
:
قرآه ممتعه ..
وآتمنىآ آشوف ردودكم .. ..

:
]|
|[
قربت ساره منهم وسمعت جملة سعد" اخووك بالاسلام مو صج .. قول صديقي مو اخووي لاني ادري انك ماحسيت باحساس الاخوه .. "وسمعت باقي الكلام لين ماردوا يتهاوشون مره ثانيه ..
ساره:بس ياسعد كافي ..
سعد يلف ع ساره واهوا معصب حده:ساره ردي احسن لج ..
ساره:لا ياسعد مراح ارد الا وانت معااي .. وبهالوقت التفت ناصر ع ساره وكانت صدمه لساره .. لالالالا مو هذاك اللي اصطدمت فيه ذاك اليوم ..
ناصر:والله مااخليك ياسعد .. بردها لك بتشووف ..
ويقرب سعد منه ويمسكه من قميصه:شبتسوي يعني .. ها ..
ناصر:اقدر اسوي اللي ابيه ..
قربت ساره وبعدت ايد سعد عن قميص ناصر ووقفت بينهم وبين قصرها بينهم ..
ساره كانت معطيه ظهرها لناصر:بس سعد علشاني امش نرووح للبنات ينطرونا داخل مو انت وعدتهم ..
سعد يرفع عينه لناصر:علشانج بس .. ولي حساب ثاني معاه ..
ناصر يطالعه بنظره غرور:اعلى مافي خيلك اركبه ..
راحوا سعد وساره لرحب اللي واقفه وتشوف اللي صار من بعيد ودموعها ع خدها ..
ساره:بس رحووب ماصار شي ..
رحب:شنو ماصار شي لو انج ماتدخلتي كان تضابحوا ..
سعد تضايق لما شاف دموع رحب:بس رحب علشاني .. اسكتي تدرين مااحب اشووف دموعج ..
رحب ابتسمت بخجل .. ساره قربت منها وضمتها لصدرها واهي تبتسم:فديت اللي يستحوون ..
ودخلوا ع البنات والضحكه ع شفايفهم .. البنات تطمنوا لما شافوا سعد مافيه اصابات ..
ناصر:والله قهرني ..
نواف وعادل كسر خاطرهم ناصر لانه تاثر بالجمله اللي قالها سعد ..
عادل:خلاص ياناصر انت اهدى الحين وخل الايام تراويه عقاب ربه لانه قال هالجمله لك ..
نواف:يلا ندخل نتعشى ..
عادل:انا اقوول نرووح احسن نتعشى باي مكان ..
ناصر بعناد:لالا نتعشى بالمطعم هذا يعني نتعشى مابيه يشوفني وانا رايح وع باله اني جبان ..
عادل:الله يهديك ياناصر ..
ناصر:الله يهدي الجميع يلا ندخل ..
نواف:يلا .. امرنا لله ..
دخلوا الشباب المطعم ومروا من طاوله سعد والبنات .. وكل واحد يشوف الثاني بنظرات كلها كره وحقد .. بس نظرات ناصر فيها غرور بعد ..
ناصر يرفع صوته لانه بعيد شوي عن طاوله سعد والبنات بس يقدر يشوفهم .. وقاعد يمه عادل وقدام عادل نواف ..
ناصر:شفيه المطعم مظلم ..
سعد اسمعه ورفع صوته علشان يسمعه ناصر:بوجودك مظلم ..
ناصر:اوه بعض الناس اهنيه .. انت لي الحين تغار مني ..
سعد:ع شنوو اغاار .. مالت من زينك ولا شعندك علشان اغار عليه ..
ناصر:عندي كل خير .. بس ماله داعي تنكر انك تغار مني ..
جا سعد بيتكلم .. بس ساره مسكت ايده:بس سعد ماعليك منه بس يبي يتحرش انت احقره خل اعصابه تحترق لانك حقرته ولا رديت عليه .. وفعلا سعد سوا مثل ماقالت له ساره ..
ناصر:افا وين لسانك اللي قبل شوي ..
وسعد حاقره .. ويسولف مع البنت ويضحك معاهم ولا كان ناصر موجود ..
عادل:اول مره اشووف سعد يسكت وانت تتحرش فيه ..
ناصر بعصبيه:كله من هالساره مادري شقالت له ..
نواف:شكله يحبها حييل وجذي يسمع كلامها ..
عادل:ع كلام اختي انهم مع بعض من يوم كانو صغار وكل سوالف سعد عند ساره ما يخش عنها شي ..
ناصر:انا انسدت نفسي ..
عادل:موقتلك خلينا نروح مطعم ثاني ..
نواف:ناصر شفيك اليووم ..
ناصر:مافيني شي .. ونزل راسه ع صحنه .. وسرح بجمله سعد اللي اثرت فيه حيل بس ماحب يبين لربعه ..
ساره تشووف ناصر شلوون منزل راسه .. وعرفت انه متاثر من كلام سعد القاسي له .. سعد قال لساره كل شي عن ناصر ..
ساره:سعد ..
سعد يلتفت لجهتها:هلا ..
ساره تطاعه بعيون فيها نظره حزن:ماتوقعت انك بهالقساوه ..
سعد:شقصدج ..
ساره:تذكر انت شقلت لناصر لما كنت تتهاوشوون ..
سعد:شقلت ..
ساره:انا اقولك " اخووك بالاسلام مو صج .. قول صديقي مو اخووي لاني ادري انك ماحسيت باحساس الاخوه .. " سعد تخيل احد يقولك مثل هالكلام شبتسوي عندها .. مو بتبجي لانها اثرت فيك .. بس شوف ناصر اللي ماحب يبين ضعفه لاحد .. شوف عيونه اللي تبين شلوون اهو حزين ..
سعد شاف ناصر شلوون منزل راسه ويشوف صحنه وشكله سرحان لانه مو قاعد ياكل شي ..
ساره:خلك احسن منه وروح اعتذر ..
سعد:لا مستحيل اعتذر منه ..
ساره:لا تصير قاسي ياسعد .. وين سعد الحنون اللي الكل يعرفه ..
البنات كانوا يسمعون ساره ..
ريماس:رووح ياخووي .. كلمتك كانت قويه .. رووح اعتذر منه ..
سعد اثر فيه كلام البنات .. وقام من كرسيه وراح لطاوله الشباب ..
ناصر حس باحد واقف قدامه رفع عينه شاف ناصر ..
سعد:ان ا .. آس ف .. قالها بارتباك جمع كل قوته وقدر ينطقها .. انا اسف ياناصر ع الكلام اللي قلته لك ..
ناصر ببرود:أي كلام ..
سعد:ماله داعي تعرف أي كلام وانا متاكد انك تعرف انا شقصدي .. يلا عن اذنك ..
وراح عنهم ..
رد الكل لبيوتهم .. وباجر عند البنات حفله ببيت ابو سلطان ..
//
//
يوم الجمعه ..
يوم جديد .. واحداث جديده لابطالنا ..
بعد صلاه الجمعه الرياجيل يتغدون ببيت الجد والحريم ببيت ابوسلطان ..
بعد ماراح الكل لبيوتهم ع العصر ريماس قاعده مع امها بالصاله ..
ام سلطان:ها يمه ريماس خلصتي اغراضج ..
ريماس:أي يمه .. الحمدلله ..
ام سلطان:زين .. انا بروح بيت عمج حمد ..
ريماس:الله وياج يالغاليه ..
بعد ماطلعت امها .. راح للمطبخ تشوف الخدم شيسوون ..
نزلت تحت للصاله وماشافت احد من اهلها ..
معالي:اوف .. وينهم ملل .. خليني اكلم رحب احسن لي ..
واهي تقرب من التلفون ولا يرن ..
معالي:مالي خلق اكلم احد .. خليني اشوف منو يمكن وحده من رفيجات ريماس ..
معالي:الو ..
..:السلام عليكم ..
معالي ياربي هذا صوت رجال ..:وعليكم السلام ..
..:ولاعليج امر اختي ممكن تنادين لي سعد ..
معالي:اتصل ع تلفونه ..
..:اتصلت بس مايرد .. وانتي تعرفين سعوود ونومه ..
معالي باعتها:ههه أي اعرفه عدل .. منو اقوله علشان يدق عليك ..
..:قوليله يوسف ..
معالي:ان شاء الله .. مع السلامه ..
يوسف:مع السلامه ..
معالي بعد ماسكرت التلفون:آآآه ياحلو صوته ..
سمعت صوت اخوها واهوا يكلمها:معالي .. منو كان ع التلفون ..
معالي بارتباك.:ها .. اي أي هذا واحد اسمه يوسف يبيك ..
سعد:اهاا .. وشفيج تقولينها وانتي مرتبكه ..
معالي:لالا ولا شي .. عن اذنك ..
سعد مستغرب من تصرفات اخته:اذنج معاج ..
//
//
امريكا .. ولاية ماساتشوستس
جامعه هارفارد ..
بندر:ياخي طفشت من الدراسه ..
سلطان:يلا هانت شهر ونخلص ..
بندر:ع اخر شهر تكاسلت ..
سلطان:اي والله .. من الفرحه مانبي ندرس ..
بندر:عندك محاضره ولالا ..
سلطان:لا خلصت برد الشقه ..
بندر:وين ترد الشقه .. امش نتمشى نشم هوا مو كله دراسه ..
سلطان:يلا .. بس بكلم الاهل وانت انطرني بالشقه علشان نغير ملابسنا ..
بندر:اووكي .. سي يوو ..
سلطان:سي يوو ..
اتصل ع الرقم اللي حافظه عن غيب .. اشتاق لصوتها ..
بعد ماسمع صوتها:هلا والله بهالصووت ..
هند بخجل:هلا فيك .. شعندك داق علي ..
سلطان:ولا شفت نفسي مشتاق لصوتج وانا مغمض عيوني اتصلت عليج ..
هند:اهاا .. ام اووكي يااخ سلطان .. انا اخليك الحين ..
سلطان:افا تخليني وانا اقولج مشتاق لج ..
هند:لو سمحت انت تدري مااحب اكلم احد غريب علي ورجاءا لا تتصل علي مره ثانيه ولا بخلي الوالد يتفاهم معاك ..
سلطان:ع راحتج .. مع السلامه ..
هند:مع السلامه ..
بعد ماسكر من هند يحس بسعاده اول مره تمر عليه من بعد ماصار اللي صار بينه وبين هند ..
سلطان:والله كبرتي بعيني ياهند .. مراح اخليج هالمره مراح اضيعج مني اوعدج ..
//
//
الكويت ..
كانت ببيت عمها راشد لما اتصل عليها سلطان ..
هند:آآآآه ياسلطان مابي اتعلق فيك اكثر واكثر ..
ريماس:هنوده يلا البنات وصلوا ..
هند:يلا انا جايه الحين ..
عهد وريتاج كانوا مطقمين .. فستان وردي يوصل لنص الساق .. وحزام عند الصدر باللون البنفسجي .. وشرايط ع شعورهم لونها بنفسجي ووردي ..
معالي واماني تنوره قصير توصل لفوق الركبه .. معالي لون التنوره اسود وبدي احمر علاق .. واماني التنوره ورديه والبدي ليموني علاق .. فاتحين شعورهم لانها قصيره ..
رحب فستان اصفر يوصل لنص الفخذ .. وتحته سكني قصير ابيض .. وشعرها سوته تكسير كله ..
ساره بنطلون ابيض Law West ووسيع من تحت .. وبدي رمادي علاق .. ورافعه شعرها والنص الثاني سوتله تكسير لانه شعرها طويل ..
ريماس فستان قصير ثلث كم ازرق .. وفتحت شعرها اللي يوصل لنص ظهرها وصبغت كم خصله باللون الازرق ..
هند سكني جينز باللون الاسود .. وبدي كت برتقالي . .وسوت تكسيير لشعرها ..
وصلت مي لبيت ريماس .. قبل لا تدخل كلمت اخوها ..
مي:عادل لا تنسى الساعه 11 تعال اووكي ..
عادل:اوف انتي كم مره قلتي لي .. خلاص الساعه 11 انا عند الباب .. يلا بااي ..
مي:بااي .. ودخلت البيت ..
ريماس:هلا والله بمي ..
مي:هلا فيج رمووس .. شخبارج ..
ريماس:بخير يامال الخير ..
مي:دووم يارب ..
ريماس:دام فضلج حبيبتي .. تفضلي عند البنات ..
مي:تسلميين ..
قضوا البنات يومهم بالسوالف والرقص .. قضوا احلى ليله لهم .. راحوا رفيجات ريماس ومي تنتظر اخوها اللي طول عليها ..
مي:اووف منه هذا وانا موصيته ..
ساره:موجديده ع اخوج .. نطري شوي الغايب غذره معاه ..
مي:ننطر .. ونشوف ..
ريماس تنادي ساره ..
ساره:مياوي انا بروح اشوف ريماس وانتي قعدي عند البنات ..
مي: اووكي ..
ساره:هلا ريماس ..
ريماس:روحي شوفي سعد يبيج بره ..
ساره:ماقال شنو يبي ..
ريماس:لا ماقال .. روحي ينطرج بره ..
ساره:اووكي ..
طلعت لسعد اللي واقف بالحوش وينطرها وباب السكه كان مفتوح ..
ساره:هلا سعد ..
سعد:واخييرا شرفتي .. وينج عن تلفونج ..
ساره:مادري ماسمعته .. بغيت شي ضروري ..
سعد:أي .. شصار ع السالفه اللي قتلج اياها ..
ساره:أي سالفه ..
سعد:يوه ياساره .. ذاك اليوم لما قعدت معاج بالحديقه ..
ساره تذكرت:أي تذكرت ..
سعد:زيين الحمدلله .. ها شسويتي ..
ساره:سعد انطر شوي انا لي الحين ماكلمتها ..
سعد:ليش ..
ساره:لاني اذا قلتلها الحين بتهمل دراستها اكثر انطر اذا خلصت من امتحاناتها اوعدك اني اقولها بنفسي ..
سعد:اعتمد عليج ..
ساره:اعتمد افا عليك .. وانا عمري قلت كلام وماسويته ..
سعد:طوول عمرج وفيه بوعودج .. اوه شهالزين سارووه .. اكييد اختج احلى .. ويغمز لها ..
ساره:ههه .. الله يخليكم لبعض ..
سعد:امين ..
مي طلعت لان عادل اخوها وصل:يلا سوسو انا بروح تامرين ع شي ..
ساره بعد ماراح عنها سعد:سلامتج حبيبتي ..
مي:الله يسلمج مع السلامه ..
ساره:مع السلامه ..
ع الساعه 12 الكل رد لبيوتهم .. لانه وراهم دراسه باجر والامتحانات ماباقي لها شي ..
:

:
بنآآت هذآ آخر بآآرت نزلته الكآتبه ..
وآتمني آشوف تشجيعكم ..
:(
: