عاشقات غير رواية رومانسية سعودية خطيرة

الب الأول ارت
عصر الجمعة
البنات كانوا قاعدين باللوبي ( الدور الأرضي في العمارة اللي بمثابة الإستقبال عشانه كان كبير وفاضي جزء منه استغلوه و سووا مثل الغرفة حطوا فيها جلسة وحطوا تلفزيون وسموه لوبي )
لأن مافي أحد بالعمارة كلها إلا هم فماخذين راحتهم وكانوا قاعدين يتابعوا فيلم على شانيل تو
شموخ تتحلطم : ياربيه زهق طفش أحد يقعد بالبيت يوم الجمعة ..
رانية وهي تآكل حب : ايه احنا ..
شموخ : أنتي بالذات لاتتكلمي أمس رايحة عرس وطقطقة وفلة و حنا بين هالجدران ..
رانية تتفل على روحها : قل أعوذ برب الفلق اللهم لا حسد ..
شموخ : يلا بس اللي يقول عرسك ..
رانية : اللحين انتي شحارق رزك ها ؟ ..
دعد : بس بلا قرقة زايدة ترى أقلقتوا روسنا خلونا نتفرج بهدوء ..
مايا رفعت رأسها من المجلة اللي كانت تقراها : الله والفيلم عاد كله دم ومسدسات وقتال ..
رجعوا البنات يكملوا الفيلم وشموخ تتحلطم مع روحها ورانية تآكل حب ومايا تقرأ المجلة
شوي إلا دق جوال جلنار
جلنار : من ذا المزعج اللي يدق وقت الأكشن
ورفعت الجوال وردت بطفش بدون ما تشوف من المتصل
جلنار : آلو
أم جلنار : شفيك تردين علي كذا كنه مو عاجبك إني أدق عليك
جلنار: أوبس سوري مامي امسحيها بوجهي بالغلط
أم جلنار : أقول بلا كلام ماله داعي المدرسة ( مدرسة مادة الفيزيا الخصوصية ) بالطريق قوموا انتي والبنات واستعدوا للدراسة وترا حنا على وصول
جلنار : طيب
وقفلت الخط
جلنار : بنات يلا قوموا المدرسة بالطريق وأهلنا على وصول
فريال : اف اف المدرسة ذي عليها أوقات ترفع الضغط هوا في أحد يدرس عصر الجمعة ،، أنا طالعة ولو جات قولوا لها فريال تعبانة
وطلعت فريال لشقتهم وبعدها كل وحدة من البنات طلعت شقتهم يجهزوا أغراضهم للدراسة
المدرسة كانت كل مرة تدرس بشقة غير لزوم العدل واليوم كانت الحصة بشقة رغد
المدرسة : بنات فين فريال ؟؟؟
رغد : تعبانة يا أبلة مسكينة عندها غثيان
لميس : لا تكون حامل على غفلة بس من وين يا حسرة
لجين : تكلمت لميس الميتة على الزواج ،، لا يا أبلة ترا يستهبلوا عليك فريال أصابعها توجعها ما تقدر تكتب
رغد : لا يا أبلة ماعليك منها فريال بطنها يعورها مرره مرره
المدرسة : بس يا بنات خلص عايزين نبدا الحصة
وبدأو الحصة وبعد ما مرت نص ساعة انطق باب الشقة
قامت رغد وفتحت وكانت فريال عالباب والشياطين تناقز على رأسها
طبعا البنات بغوا يضحكوا بس لمن شافوها معصبة سكتوا لانه مليون بالمية أمها مهزئتها علشان تجي تدرس معاهم
وطول الحصة فريال تتأفف وتهز الطاولة برجولها لين وترت كل الموجودين
المدرسة : ياست فريال لو مش عاوزة تحضري اطلعي
وفريال ولا عليها ولا كن أحد قاعد يكلمها
المدرسة : يا فريال ماتسمعيش الكلام
وبرضه فريال ما كن حد يكلمها
المدرسة : لاحول ولا قوة إلا بالله هوا إيه ده ياربي الصبر
وخلصت المدرسة شرحها وطلعت
فريال : اف ما بغت زهقتني
لميس : بس تراك مصختيها بزيادة اليوم
فريال : يا شيخة آخر همي يلا أنا بروح ولاتنسوا موعدنا الليلة
كان يوم الجمعة بالليل وقت مميز للشلة ،،، لأنه من تصير الساعة 12 كل وحده تلبس أحلى ماعندها من بجايم أو قمصان ويطلعوا للسطح اللي كانوا مجهزينه بكل وسائل الوناسة من لابتوبات وتلفزيون ودي في دي وفيديو وسيديات أفلام وورق واونو وكل حاجة تخليهم مستانسين وطبعا ما ننسى الأكل فحطوا ثلاجة صغيرة فيها كل أنواع الآيسكريمات والشوكلاتات ( أهم شي شوكلاتة جواهر ) والعصيرات وعندهم سلة حطوا فيها انواع مختلفة من الشيبسات والبسكويتات
وجابوا فرشات وسجادات وبطانيات ومخدات يعني كانوا مجهزين الملحق تجهيز كامل
وصارت الساعة 12 وطلعوا البنات للسطح
كانت رغد لابسة بيجامة حمرا فيها قطوة ماسكة وردة زرقا
ودعد لابسة قميص أصفر قصير مليان جليتر
وشموخ لابسة بيجامة برمودا ببلوزة كت لونها أبيض قطن ومكتوب عليها بالوردي love
مايا كانت لابسة هي وجلنار بيجاما حرير لونها أسود
ورانية لبست قميص طويل عليه روب لونه سماوي فاتح فيه دانتيل من الطرف
وفريال لبست بيجامة نص كم البلوزة لونها أبيض عليها قرد واالبنطلون بنفسجي واخضر
ولميس لبست قميص قطن لونه زهري بارد وعليه وردات بيضا
ولجين كانت لابسه بيجاما بيج
طبعا كل الملابس من لاسنزا ونعومي وفيل فري وماركس سبنسر ( أسوي دعاية للمحلات )
وفي السطح
شغلوا فلم ( برنسس أوف جيونوفيا ) وجابوا فشار وحلويات وجلسوا يتفرجوا طبعا مع التعليقات والضحك والتخقق
ويوم خلصوا الفيلم لعبوا حكم بالورقة وبعدين فتحوا الشات واستهبلوا على كم واحد
وبعد الضحك والفلة تعبوا وجلسوا يسولفوا
رانية : بنات قولوا سالفة
شموخ : يلا لميس دورك اليوم بالسالفة
لميس : لحظة بفكر
ومرت عشر دقايق
لجين : بسرعة ترى ملينا وين السالفة ؟؟؟
لميس : ايه تذكرت ... بقول لكم سالفة قالتها لي وحده من البنات القصة تقول كان فيه وحده معزومة لعرس وهم يا عمري عليها فقرا المهم راحت وقعدت لين الساعة مدري كم بس عدت نص الليل ودقت أخوها عشن يجيها عاد الاخو عصب عشن اليوم مباراة تشيلسي مع الأرسنال النهائية فقام راح يجيبها مع سواقهم وجابها وحطها عند الجبل ونزلت وطلعت الجبل وخلاها ولحقها واحد وجا يرشها بمنوم فهي رشت عليه اسبيريه عشن يروح المنوم وبعدين ....
قاطعتها دعد : هي انتي تستهبيلين وش ذي الخرابيط ؟؟؟
رانية : جد شهالخرابيط فقارا عندهم سواق ومباراة بعد نص الليل ولا من متى السبريه يودي المنوم
لميس بلا مبالاة : كيفكم ما راح أكمل
شموخ : لا خلوها تكمل ابغى اعرف النهاية
رغد : صدق لا قالوا التم المنحوس على خايب الرجا
مايا تنهي الموضوع : بنات ما مليتوا من الروتين اللي حنا عايشينه أحس زهق .
لجين : من جد زهق
فريال : شرايكم نسوي أكشن
جلنار : مثل ايش؟؟
فريال : مثلا نروح نتغدا بمطعم
شموخ : طيب هذا مو اكشن احنا دايم نتغدا ونتعشى بمطاعم
فريال : طيب الأكشن في الموضوع اننا ماراح نستأذن من أهلنا بنروح بعد ما نطلع من الدوام
جلنار : ماأحسه أكشن مره بس يالله نجرب
رغد : بنات احس العواقب حتكون مو شي صراحة
رانية: يلا شورانا خلنا نجرب بكره
لميس: اوك بس بعد الدوام اطلعوا بسرعة ولا تتأخروا بالندرسة كالعادة
وانتهت السهرة وكل وحده راحت لشقتهم
اليوم اللي بعده بعد ما خلص الدوام وبعد ما السواق وصل الصغار للعمارة
ركبوا البنات معاه
رانية : شكشوك روح ع جيان
شكشوك : بس بابا انتا قول روح بيت دايركت مافي روه مني مني
جلنار : طيب انت ليش تقول حق بابا روح وانت ساكت
شكشوك : لا انا مافي ياخد اوامر من انتا ...انتوا فيه سوي قرقر واجد ... ومشكل واجد عور راس مال انا
رانية : بعد خير أقول روح وانت ساكت
شكشوك : انا مافيه روح هادا آخر كلام
فريال عصبت : عشتوا انت ناسي انت مين رحت ولا جيت سواق يلا بس خلصنا وروح ولا تقعد تدورنا بالشوارع صدعت راسي تراك ومره ثانية لو احنا تكلمنا انت تسكت فاهم
شكشوك : حاضر مدام بس انتوا يتحمل مسؤولية
فريال : مدام بعينك ... ايوه خلك كذا طولت السالفة وهي قصيرة
وراحوا البنات لجيان وكل وحده خذت من المطعم اللي تحبه وقعدوا على الطاولات يتغدوا
وبعد ما خلصوا
لجين : بنات خلونا نتمشى شوي بالمول خاطري اتمشى بالسعودية وانا كاشفة
دعد : لا انا مو موافقة تخيلي مر واحد من اخواننا
لجين : وين بيمروا والعالم كلهم بالجامعات او توهم طالعين ويبغوا البيت شوفي كيف المول فاضي الا من كم عائلة
شموخ : يلا خلونا نتمشى شوي انا ودي اشتري شي من جيان
دعد : والله حيجي يوم نروح في داهية بس يلا خلونا نمشي شوية
وقعدوا البنات يتمشوا ولجين مستانسة بس توزع ابتسامات كنها في إعلان معجون أسنان
وهم يتمشوا مروا عليهم مجموعة شباب شافوا لجين فاتشة فاستانسوا عليها
خالد : أموت انا على الأسمراني المملوح
عبدالله : اي مملوح إلا يخقق يذوب ابوس تراب رجلينه انا
خالد : هي لا تغازلها انا حصلتها قبلك
عبدالله : ترانا ماشيين سوا
والشباب يتهاوشوا جلنار تدز لجين وتقول بإذنها : احلى خققت الشباب
ومسكينة لجين اتوهقت لان جلنار هي الوحيدة اللي ظلت معاها كل البنات من جاووا الشباب راحوا للسيارة وخلوهم وعاد جلنار ما تقصر بالتنغيزات
لجين : خلاص اسكتي تراني بموت من الخوف
جلنار: يا حبيبتي عيشي اللحظة انتي وين يحصل لك كذا
لجين : روحي بس
وغطت وجهها
جمال : ليه غطيتيه خلينا نستمتع بالوجه الصبوح والجسم اللي يشهي
لجين تكلم جلنار : هذا وانا لابسه عباية راس كذا
وظلوا الشباب يلاحقوهم وهم مب قادرين يروحوا للسيارة عشان الشباب لا يلحقوهم للعمارة
وشوي إلا راحوا الشباب
لجين : شكلهم راحوا خلنا نروح للسيارة بسرعة
جلنار: لا شوفي باقي واحد هذا اللي اسمه عبدالله شكله من جد خاق عليك
لجين : لا لاتقولين اف .... يلا خل نرجع السيارة بسرعة ترى اتأخرنا
جلنار : اوك يلا
وراحوا للسيارة وركبوا
دعد : بدري كان ما جيتوا ما قلت لكم السالفة ماراح تمر على خير
فريال : بس وناسة يوم خليناهم ومشينا
لجين : ايه يا خايسين شهالخيانة هذا وحنا صديقات بدل ماتساعدوني لا ومخلين جلنار معي عز الله رحت وطي
لميس : والله حنا ماقلنا لك افتشي اذا غلطتي تحملي نتايج غلطتك
رانية : على طاري الغلط ترى اهلنا دقوا على السواق وقلهم ان حنا بالمول يعني استعدوا لتحمل نتايج الطلعة
شموخ :ما علينا كلها حبس اسبوع لو كثروا
رغد : بنات شوفوا في سيارة تلحقنا من طلعنا
لجين طالعت بعدين اشهقت : جلنار هذا عبدالله ياويلي ياويلي
رغد : عبدالله مين ؟؟
جلنار : اللي كان يلاحقها شكله من جد مو صاحي
دعد : ياربي ليتني ماوافقت على هالطلعة
فريال : أووف يا دعد ترى زهقتينا ما تسوى علينا طلعة خلاص طلعنا ورجعنا وانتهى خلونا نفكر بالمصيبة اللي اللحين
رانية : أقول لشكشوك يضيعه
شموخ : لا تبيه يعلم علينا لاتفكري حتى تتكلمي
لميس : طيب شنسوي ؟؟؟؟
مايا : ولاشي خلوها وربكم يحلها
وقعدوا ساكتين وكل وحده تفكر لين وصلوا للعمارة
لجين : بنات هذا هو لسه ورانا شسوي
مايا : خلك طبيعية ولاكنه شي صاير وانزلي وخلاص
ويوم نزلوا البنات نزل عبدالله وقرب منهم
يوم شافته لجين قامت ترجف
عبدالله : بنات ممكن تاخذون الرقم ؟؟
دعد : اللحين متعني ولاحقنا عشان تعطينا رقم صدق انك ماتستحي
عبدالله : شوي شوي علي أعصابك ياقمر
مايا : بنات اصفطوه يلا نطلع
جلنار : خلاص يالجين شفيك خايفة كذا ما يسوى عليك
عبدالله : المملوحة اسمها لجين ياحلو الوجه والاسم والجسم
لجين : انتي هبله ليش قلتي اسمي صدق انك غبية
عبدالله : أقول خوذي الرقم شفيك انا ما اعض
وقبل مايردوا عليه
مساعد ( أخو جلنار) : ماما البنات جووا
عبدالله من سمعه ركض على سيارته وهو يقول : حنتقابل مره ثانية
وكل وحده اطلعت لشقتهم
طبعا اكلوا لهم تهزيئات محترمة والعقاب مثل ما اتوقعت شموخ حبس لمدة أسبوع
إلا دعد ما اتهزئت
في شقة دعد
أم دعد : ماشاالله رايحين للسوق ها ؟
شوفي أنا ماراح أهزئك اللحين بس بقول لك حاجة ترا خالك راح لأبوك اليوم وقلنا له انك موافقة على ولده فيصل وملكتك الشهر الجاي
دعد صرخت من الصدمة : خير مو بكيفكم انا قلت اني ماابي ذا الفيصل
أم دعد : ليه حاطه ببالك واحد ثاني
دعد : يعني لازم احط ببالي واحد ثاني عشان ماتزوجوه لي ترى النفس عايفته
أم دعد : والله احنا نعرف مصلحتك أكثر منك والولد يحبك شتبين أكثر من كذا
دعد : اذا بيحبني كيفه انا مالي دخل فيه بس ليه ماتفهموا اني ماابيه
أم دعد : عطيني سبب وانا بنفسي الغي ذا الزواج
دعد : ياربي
وقامت شالت عبايتها وجات طالعة
أم دعد : وين رايحة
دعد : المكان اللي بروحه
وطلعت وسكرت الباب وراها بقوة
×××××××××××××××××××××××××××××××××××××××××××××××××× ××

الب الثاني ارت
بعد ما طلعت دعد وهي تطلع دخاخين من فوقها من العصبية راحت لعند لميس ودقت الباب
فتحت أخت لميس أماني
دعد : وين لميس ؟؟؟
أماني : مدري
دعد : تستهبلين مع وجهك ؟؟
أماني : أقولك مدري
وافتحت الباب على مصراعيه ( حلوة على مصراعيه ) وكملت : أدخلي دوريها لو تبغي ،، أعوذ بالله صديقات مثل الهم
دعد : وخري بس
ودزتها ووقفت عند باب شقة اهل لميس وصارخت : لميس لميسوه ووجع
مسكينة لميس اخترعت وجات ركض
لميس : خير شصاير أحد مات أحد بالعناية أحد ولد أحد تزوج
دعد : وانتي بس اللي هامك بالدنيا الزواج صدق ما عندك سالفة انا بحترق وانتي ولا عليك انا الغلطانة اللي جايتك
أماني : هي شوي شوي على اختي شفيك عسى ما شر كلتيها بقشورها
دعد: انتي شب ولا كلمة ترى انا اكلم لميس
أماني : وانا أخت لميس يعني حنا واحد
دعد : شتبين انتي شتبين كلي تبن بس اف ناس لزقة كنك علق طبي
أماني : اللحين شدخل ذا بذا صدق انك فاصلة و مصفية
لميس ودها تضحك بس احترمت روحها : خلاص أماني ادخلي ،،، خير دعد شصاير ؟؟؟
دعد اسفهتها وراحت
أماني : شفيها صديقتك كن أحد كات عليها كيروسين شوي وتنفجر
لميس : شكله صايره لها مصيبة بروح أدق عليها اشوف
ودخلت لميس ودقت على جوال دعد
وبعد رنتين
دعد ردت وهي تصارخ : لا تدقين علي فاهمة باي
وسكرت بوجهها
لميس بعدت الجوال وهي مصدومة شصاير لدعد بس قالت أكيد شي تافه وهي مكبرته كعادتها وراحت نامت
أما دعد المسكينة فماكانت عارفة شو تسوي وهي حالفة ما تروح البيت فراحت عند رانية
بشقة رانية
رانية : دعد شفيك مو على بعضك شصاير ؟
دعد : ولاشي
رانية : بلا استهبال شصاير
دعد : هذا الاهبل فيصل ما كفاه يوم هزئته هذيك المرة رجع خطبني مره ثانية وهلي وافقوا وملكتي الشهر الجاي
فريال وهي تطلع من المطبخ وبيدها سندويشة جبن وعصير برتقال : لا على البركة كلويش
دعد اتفاجئت : انتي شتسوين هنا
فريال : ولا شي ما جاني نوم جيت أسولف مع رانية
دعد : طيب ترى أنا مو فرحانة بالموضوع عشن تباركي لي
رانية : أقول فريال ليه ما سويتي لي معك سندويشة
فريال : خدامة أبوك انا روحي سوي حق روحك ،،، إلا شسالفة التهزيئة وليش ما قلتوا لي ؟
دعد : ولا شي بس خطبني العام ودقيت عليه وعطيته هذيك التهزيئة اللي يحبها قلبك وقلت له انت ما تستحي خاطب وحده كبر أختك قام يضحك وقالي : شوفي با بنت عمتي تبين ولا ما تبين انتي حتكوني زوجتي يا قلبي
عاد أ انا سكرت بوجهه
فريال : يا كثر ما تسكرين بوجيه الناس بس فظيعة كبر أختك والله إنك هبله
رانية : من جد يعني طبيعي بتكونين كبر أخته
دعد : بعد هذا اللي طلع معي وقتها
رانية : عندي حل خلي الموضوع يمشي عادي اللحين وبعد ما تملكي طفشيه بحياته لين يطلقك
دعد بصدمة : وشو أتطلق ليه ؟
فريال : يا بنتي ما عرفنا لك تبيه ولا لا ؟
دعد : هو حلو يكون في أحد يحبك ويعزك بس انا مابيه
رانية : ايه عشان كذا خدودك حمرت
فريال : إلا صح انتي ليه ما تبغينه احسه فلة وحليو ... و
دعد : لا تمدحيه قدامي أغار تراني
رانية : ما عرفنا لك
دعد : شوفوا انا ما أكرهه ولا احبه بس ابد ما اتخيله زوج ابد ما يصلح لي يعني مواصفاته مهي مواصفات فارس أحلامي
فريال : طيب اوصفيه
دعد : هو طويل حلو مملوح صراحه كله على بعضه يهبل ياي بس انا ما ابيه كذا من الله و الأرواح جنود مجندة
رانية : يوم إنه يهبل وحلو وياي وكيوت ليه ما تبيه مع وجهك ؟
دعد : قلت لك الأرواح جنود مجندة ما تفهمين انتي ؟
فريال : طيب وشي مواصفاتك فارسك اللي حجيجك على حمار أوبس أقصد تيس لا أقصد حصان أبيض مدري رمادي
دعد : ادري تستهبلين بس مالي خلقك شوفي أنا ابيه ام تصدقين ما فكرت بمواصفات
فريال : والله انتي ما عندك سالفة ابد ضيعتي وقتي الثمين وقطعتي تلذذي بالسندويشة ...
دعد : هذا جزاتي أفضفض لكم ؟؟؟
فريال خزتها وقعدت تأكل
فريال : رانية وجع لا تطالعيني قومي افتحي الثلاجة وسوي لك
رانية : مابي كيفي عين وعيوني ...
وشوي قامت رانية تسحب السندويشة من فريال وفريال تسحب وصاروا يتهاوشوا على السندويشة المسكينة
دعد : شفيكم كنكم مو شايفيين خير ولا الدنيا مجاعة وانا مدري
فريال : مدري عنها سأليها ...رانية اتركيها حقتي
رانية : لا مابي ليش انتي تأكلي وأنا لا ؟؟؟
فريال : يعني انتي ما تبينها ؟؟؟
رانية : لا
فريال : يا خايسة اتركي انا جيعانة شوفي شلون بطني يطلع صوت
رانية : يا نصابة توك قبل ما تجي دعد ماكله كورن فليكس وحليب
فريال : والله انتي النصابة أصلا انا ما أشرب حليب
رانية : شوف اجل وشو الأبيض اللي كان مع الكورن فليكس
فريال : روب ( لبن زبادي )
رانية : وشلون صار سايل مثل الموية
فريال : حطيت له شوي مويه وقلبته بالملعقة
دعد صارخت : وشو وشو
رانية وفريال : شفيك ؟؟
دعد : كلتي الكورن فليكس مع الروب
فريال : ايه
دعد : نونونو اي مقدر أصدق
افطسوا عليها ضحك رانية وفريال
فريال : من الصدمة صار الإنجليزي عربي مهند
رانية اتسدحت على الأرض من الضحك
دعد : شفيكم انتوا مهبل كل شوي بحاله
رانية : لا ياقلبي احنا سوينا هذي الحركة عشن ننسيك موضوع فصفص شوي فهمتي ؟
دعد : يا خايسين وانا مصدقة وقاعدة اتابع هذا الهواش الغبي
رانية : يلا يلا انتي وياها قوموا شققكم فيني نومة تكفي الكرة الأرضية
فريال: يعني هذي طردة
رانية : بس اشرايك فيها مو محترمة ؟؟
دعد قامت باست رانية على خدها وقالت : مشكورين سويتي نسيتوني شوي
فريال : بس تراك ما عندك سالفة وافقي بلا هبل
دعد : تراهم وافقوا عني
رانية : يلا وعقبال ما نشوف عيالك درزن
دعد : ليه مكينة تفريخ
فريال: شدراك الحب وما يسوي
رانية تدفهم بره : يلا يلا بنام اطلعوا
وطلعوا دعد وفريال وكل وحده راحت في حال سبيلها إلى مصيرها
ومر اليوم بشكل عادي جدا وبارد وروتيني
،،،،،،،،،،،،،،،،،،،،،،،،،،،،،،،،،،،،،،،،،
اليوم الثاني بالصباح
البنات طالعين بيروحوا المدرسة وفي اللوبي وهم ينتظروا السواق يجي
وكلهم كانوا موجودين ما عدا رانية
جات لميس عند دعد : دعوده شفيك أمس
دعد : ولا شي ليه تسألي ؟
لميس : سبحان مغير الأحوال
دعد : خلاص انتهى الموضوع
لميس : طيب وشو الموضوع ؟؟؟؟
دعد قبل ما تتكلم نزلت رانية وهي تصارخ
رانية : بنات عندي لكم خبر بمليون مو لازم تحزروا بقول ترى دعد ملكتها الشهر الجاي
شموخ : أمانة
رغد : ومباركين عرس الأثنين
دعد : ترى لسه ما صار شي
رانية : لا لاتصدقوها امس جاتني تتشكى وواسيتها طبعا تعرفوني انا للمهمات الصعبة مافي مثلي
مايا : ومين سعيد الحظ ؟؟؟
فريال : فيصل
مايا : وناسة وأخيرا توجتوا قصة حبكم
دعد حمر وجهها : أي قصة حب ؟؟؟ انا متى حبيته
جلنار: اها اخيرا عرفت قصة حرف f اللي طول الوقت مكتوب على طاولتك
رانية : تقصين علينا ها مو فارس أحلامك وانتي العاشق المتيم
وقامت رانية تغني : انت بحري وانا اليم يقولون اللي يقولون انا بحبك متيم
وصاروا البنات يرقصوا وشموخ تدق على الدرابزين وتغني : ليك الواوا بوس الواوا
ورغد تغني : بيت العيلة يا بيتنا .. وهي مندمجة بالرقص
وصار اللوبي ديسكو على الصباح وقعدوا يحاولوا انهم يخلوا دعد ترقص بس هي مره مهي راضية
و شوي اللي يسمعوا صوت سعود( أخو لجين ) : عسى ماشر شصاير انهبلتوا على هالصبح
كاظم ( أخو دعد ) : يا خي ليش تكلمت كان خليتنا نتابع هذول السكارى صراحة فرصة ماتتكرر مرتين
ويوم لفوا البنات شافوا الشباب واقفين عند الأصنصير ولا بسين بجايمهم وأشكالهم عفسة أشكال ناس صاحية من النوم
عبد الرحمن ( أخو جلنار ) : إلا شصاير ؟؟؟
جلنار: دعد بتتزوج
عادل ( أخو مايا ) : ومين سعيد الحظ ؟
مايا : ولد خالها فيصل
كاظم : دعد وافقتي ليه محد قالي ؟؟؟؟
دعد : كنهم خلوني ..
قاطعها عبد المجيد ( أخو لجين ) وكنه تذكر شي : لا تقولون ... وكلم كاظم : كاظم فيصل ولد خالك هذاك الفلة هو اللي خاطبها ؟
كاظم : ايه هو ما غيره الخايس
عبد المجيد : أجل صرنا نسايب معاه مره كول ( للتوضيح : عبد المجيد مهو أخو كاظم بس قال كلمة صرنا نسايب عشانهم عايشين بنفس العمارة من 18 سنة وصايرين كنهم أخوان )
رغد تقول لدعد بإذنها : شوفي حتى الشباب مستانسين بالولد شكله مره فلاوي
دزتها دعد على خفيف
عبدالرحمن : على البركة ... يلا دقوا خلوني أرقص بهذه المناسبة و دقي يا مزيكا
والبنات رجعوا يدقوا بس بدون رقص
وصار عبدالرحمن وعبد المجيد و رائد ( أخو فريال ) وكاظم وعبد العزيز ( أخو شموخ ) وعادل يرقصوا وباقي الشباب تصفير و تصفيق
وصارت العمارة وناسة حلوة التصبيحة
دعد تصارخ عشان يسمعوا : يلا جاء السواق
فريال : ياربي انتي طول عمرك هادمة اللذات
شموخ : دعد ترى مره مو وقتك يلا تعالي معانا ترى كل هذا فرحة فيك
دعد : أقول لكم السواق جا يلا لا نتأخر ونكتب مخالفة
رغد : أف يا شين المدرسة
وطلعوا البنات للسيارة والشباب طلعوا يلبسوا
وبعد ماركبوا البنات للسيارة وبعد أول لفة بعد العمارة
جلنار شهقت : لجين
لجين تشرب كوفي : هم شصاير
جلنار : عبد الله ورانا
اشرقت لجين بالكوفي وانكب منه شوي على لميس
لميس تصارخ : اي ياغبية شفيك ترى حار
لجين : عبد الله ورانا ياربي شهالمصيبة لو إن واحد من أخواني طالع ورانا
رغد : ولو واحد من إخوانك طالع ورانا شدراه إنه يلاحقنا
لجين : مدري انا ليش بلشت روحي كله بسبب فريال
فريال : وانا شدخلني
لجين : انتي اللي قولتي نروح جيان
فريال : يلا مناك كني انا اللي قايلة لك اكشفي
مايا : مره مو وقته هذا العبدالله تونا مستانسين
شموخ فتحت عيونها : شصاير ايش هالصجة وصلنا
مايا : لا معجب لجين ورانا يلاحقنا
شموخ رجعت تكمل نومها : حسبت عندكم سالفة
لجين : صدق انكم مدري وشو أنا أحر ما عندي وانتوا أبرد ما عندكم
رانية : يعني ايش نسوي لك
لجين : آزروني نفسيا بس
رانية تستهبل : لجونة يا قلبي إن عقلي وقلبي وروحي معك للأبد
لجين : اف دعد قولي لي شسوي انتي دايم عندك حلول للمواقف الصعبة
ودعد سرحانة ولا كن حد يكلمها
لجين : دعد دعد دعد ووجع
دعد : ها شفيه
لميس : تركيها هذي رايحة هناك مع حبيب القلب
رغد : شوفي احنا قربنا وإذا وصلنا نشوف اذا نزل وجاء عندك هزئيه واذا ما نزل اصفطيه ولا كن شي صاير
لجين : طيب مع اني مدري شبقول له لو جاء
لميس : ما عليك هو الكلام يجي
ووصوا للمدرسة
جلنار : جاك الموت يا لجين ... يلا انزلي وحاربي
للجين : بلا استهبال
وفتحوا البنات الباب وبدأو ينزلوا
مايا : شموخ قومي
شموخ : هم شوي بس
مايا طقتها كف صاحي ومسكينة شموخ انتفضت
شموخ : خير
مايا بكل برود : قومي وصلنا
ونزلت وسكرت الباب وشموخ تصارخ وراها : والله لاوريك ...
مايا : أعلى مافي خيلك اركبيه
يوم قربت لجين من باب المدرسة سمعت احد يناديها
عبدالله : لجين
عاد هي بدل ما تسفهه لفت
عبدالله وشكله مره تعبان كنه مو نايم أسبوع
عبدالله بصوت تعبان : وقفي شوي بس بطلب منك طلب
لجين : نعم
عبدالله : خذي الرقم
لجين : صدق انك ما تستحي وخر بسرعة
عبدالله : يابنت الناس تراك هبلتي بي طول امس مو قادر أنام
لجين : وانا شسوي لك طيب
عبدالله : بس خذي الرقم وريحيني
لجين : صدق ما عندك سالفة وخر
ومشت ودخلت المدرسة والبنات كانوا ينتظروها في الساحة
رغد : ها شصار ؟
لجين : ولا شي إلا يبيني أخذ الرقم وانا عييت
رغد : وبعدين هزئتيه
لجين : لا
رغد : ليه ؟
لجين : مالي خلق على هالصباح
لميس : شفيه مسكين شكله مره تعبان
لجين : يقول مو قادر ينام من أمس يفكر فيني
جلنار : حركتات ... بس بنات بالأمانة مو حلو
دعد : أنا لا تسألوني أنا على ذمة رجل
مايا : يه دعد ما عندك سالفة ... بس تراه مو بس حلو إلا يخقق
لجين : تراه مغازلجي
جلنار : واحلى مغازلجي
لجين : انتوا جد منتهين من يوم صحيتوا وانا وراي اختبار ماراح استفيد شي من قعدتي معاكم
ودخلت لجين لفصلها
جلنار: شفيها زعلت ؟
رغد : ما فيها شي بس شكلنا مصخناها
رانية : بنات يلا ندخل لانتأخر عن الطابور
فريال : يلا
ودخلوا لفصولهم ودرسوا 3 حصص وبالفسحة
رانية جات معاها بنت
رانية : بنات بعرفكم على صديقتي الجديدة اسمها شوق ،،، شوق هذول صديقاتي وخواتي وكل شي بالنسبة لي
شوق بغرور : هاي بنات ،،، ولفت على رانية وقالت : رانية تجين معي بروح اشتري
رانية : ايه يلا
وراحوا شوق ورانية
مايا : ايش هذا رانية كل يوم عليها صديقات مثل وجهها
جلنار: ايه من جد البنت شكلها ابد مو مريح احسها مدري شلون
شموخ : تحسينها كنها مدمنة صح ؟؟
جلنار : ايه بالضبط
رغد : بنات خلاص لا تحشون كيفها رانية تصاحب اللي تبي هي كبيرة وحره بنفسها ويمكن احنا قاعدين نظلم البنت
دعد : صح ايه ماقلت لكم سالفة ...
وقعدوا البنات سوالف لين خلصت الفسحة وبعدين كملوا دراسة لين خلص الدوام
وقت الصرفة ( يعني ع البيت )
خرجوا البنات وقبل مايركبوا للسيارة شافوا عبدالله واقف بين أولياء الأمور
لجين : لا إله إلا الله هذا شيبي ؟
وعبدالله أول ما شاف لجين أشر لها ويوم جا بيقرب منها راحت ركض للسيارة
دعد : صدق السالفة مصخت هذا شكله بيفضحك
لجين : مدري شسالفته
جلنار : لايكون حبك من أول نظرة
فريال : شكله كذا
وقعدوا يضحكوا
لجين : بنات صدق مالكم داعي إذا ماعندكم سالفة اسكتوا أحسن بعدين وين رانية ترى مره اتأخرت
شموخ : مدري عنها مو من عوايدها تتأخر
ماكملت شموخ جملتها إلا ورانية تفتح الباب
مايا : الطيب عند ذكره
رانية : بنات بتجي شوق معانا اليوم عشن تبغى تنام بشقتي اليوم
لميس : ليه الدنيا سايبة ؟
دزتها لجين عشان تسكت
فريال تكلم مايا بإذنها : أوف يا شين اللزقة
ركبت رانية ومدت يدها لشوق عشان تركب
رانية : يلا شوق اركبي
وركبت شوق السيارة
×××××××××××××××××××××××××××××××××××××××××

الب الثالث ارت
بعد أسبوع من الأحداث الماضية
وبالتحديد يوم الأربعاء
البنات كانوا جايين من المدرسة وكل وحده حدها تعبانة
فريال كانت توها بدت تدخل بالنوم وكانت نايمة ع السرير بالعكس يعني رجولها ع المخدة وراسها مكان الرجول
وتوها نامت إلا رن جوالها وكان محطوط ع الكمدينة فكان لازم تقوم وتعدل نومتها عشان توصل للجوال
فريال : أوف من ذا المزعج اللي يدق هالوقت
وقامت وهي مغمضة وحطت راسها ع المخدة ورفعت الجوال وفتحت عينها اليسار فتحة صغيرة عشان لايطير النوم وضطت ع زر الرد بدون ما تشوف مين المتصل
فريال بصوت اتعمدت يوضح فيه النوم : آلو
دعد : هلا رفاييلا
فريال عصبت : ووجع إن شاء الله دعد كم مره قلت لك لا تناديني رفاييلا يختي أكره هذا الاسم ما احبه يسبب لي تقزز وتحسس بالجلد
دعد : خلاص طيب كلتيني بقشوري
فريال : أقول لا تتفلسفين أخلصي علي ابي انام
دعد : يعني وشو ؟
فريال : يعني قولي شتبين ولا بسكر
دعد : أعوذ بالله حشا ايش هذا المهم بغيت استشيرك بشي
فريال : وشو ؟
دعد : اليوم بيجي فيصل عندنا يبغى يتفق مع ابوي على أشياء خاصة بالملكة
فريال : وانا شدخلني بكل هذا يجي حياه الله البيت وبيتكم انتوا
دعد : طيب انا ما ابغاه
فريال : يا ذا النشبة اللحين احد قلك إني مستشارة إجتماعية خلاص قولي له انا ما ابغاك
دعد : شهالحل البايخ والغبي زييك صدق هبله
فريال افتحت عيونها من الصدمة
فرريال : اللحين انا بايخة وهبله وغبية اصلا مو منك مني انا اللي معطيتك وجه وانتي ما تستاهلي يلا بس ضفي وجهك مع السلامة بسكر مع السلامة مع السلامة
دعد : لحظة أمزح معك شفيك انتي
فريال : وهذا وقت مزح مع وجهك
دعد : المهم عطيني حل عشان اضف وجهي على قولك
فريال تأفف بداخلها : أقول إذا جاء كبي عليه مويه وهو بيضطر يرجع عشان يغير وبالتالي ماراح يقابل أبوك
دعد : أوك حبيتي مشكورة اامواه يلا باي
وسكرت الخط
فريال تكلم روحها : اف ما بغت تسكر
ورجعت تنام
//////////
بنفس الوقت و في مكان ثاني من العمارة
لميس ورانية وجلنار ورغد ولجين كانوا قاعدين بشقة رغد
ورغد سوت لهم تركش كوفي وكل وحده جالسة تشرب ومندمجين في السوالف
رغد : بنات مو خاطركم تحبون لكم واحد ؟
جلنار : إلا والله انا مره خاطري بهالشي أحسه إحساس حلو إنك تحبين واحد وهو يحبك
وقعدوا البنات سوالف ووناسة وضحك
وشوي رن جوال جلنار
جلنار شافت الرقم وبعدين ردت : آلو هلا والله حبيبتي ... أسمعي شوي وأدق عليك اوك
وسكرت
لميس : يعني انا بفهم يا جلنار انتي ليش تلعبي ع البنات شاللي حادك يصير عندك خويات لا ويمكن فوق العشرة حشى
جلنار : يوه وانتي شدخلك ها ؟؟ عادي خليني استمتع بحياتي وطالما مبادئ ولا تربيتي مايسمحون لي اكلم شباب خليني أكلم بنات واستانس ترى احنا مو مأخذيين من الدنيا شي
لميس رفعت حواجبها بإستغراب : ايش هذا المبدأ العجيب ؟؟؟
جلنار : أقول خليني أروح أكلم البنت لا أتأخر عليها يلا انا بروح بنات باي
وطلعت جلنار من الشقة وراحت بيتهم
لميس تهز راسها : الله يهديها ووبس
لجين : آمين
رغد وكأنها تذكرت شي : إلا صح رانية شصار يوم جاتك شوق ما عاد سمعناك طريتيها ؟
رانية ترفع كتوفها : ولا شي جات وكذا حسيتها من البنات اللي عندهم حركات نص كم فصرفتها وبس
رغد : حتى احنا كلنا حسيناها مو مريحة
رانية : اقول ما علينا منها تراها موضوع وانتهى
وكملوا سوالفهم
*********************************
جلنار يوم طلعت من شقة رغد راحت علطول لشقتهم ودخلت غرفتها ودقت على منى خويتها
جلنار : هلا والله بحبيبتي
منى تضحك بغنج : ههه هلا والله اشتقت لك
جلنار : وانا اكثر يا قلبي ها قولي لي شصار يوم رحتي الحفلة أمس ؟
منى بمياعة : ياي يا جلنار الحفلة مرة مرة كانت جنان الدي جي والمكان وكلو كان حلو مرة اتمنيتك تكوني معايا هناك
جلنار : أهم شي انتي انبسطتي هناك وطالما انتي كنتي مبسوطة انا اعتبر نفسي رحت وانبسطت كمان
منى : يا عمري انتي .. أنا قررت أسوي حفلة على شرفك في بيتنا وبعزم فيها الكل لأن كل صديقاتي وقريباتي خاطرهم يشوفوكي .
جلنار : لا مو لازم ماله داعي لا يشوفوني ولا اشوفهم انا اهم شي عندي في الدنيا هو انتي وبس ..
منى : والله ؟
جلنار : أكيد ولا عندك شك ..
منى : ياربي أذوب أنا ويلوموني في حبك ... أحبك يا جلنار والله أحبك ...
جلنار ضحكت ضحكة غرور وإستمتاع
منى : أقول جلنار ..
جلنار : آمريني وتدللي يا بعد هلي كلهم ...
منى : انتي ليش ما تقولي لي انك تحبيني ولا عمري سمعت منك كلمة احبك
جلنار رفعت حواجبها بإستنكار وبعدبن ضحكت وقالت : وانتي ليش مستعجلة ترى كل شي بوقته حلو ..
منى بخيبة أمل : خلاص انتظر وأشوف ..
جلنار : لا تخافين حيجي يوم وتسمعيها
جلنار بخاطرها : ايه ومحا تسمعيها إلا على جثتي
وهي قاعدة تكلم نفسها جاها خط ثاني
جلنار : أوك قلبو منى أكلمك وقت ثاني مشغولة أنا اللحين طيب ؟
منى : خلاص حبي بس لا تطولي علي وإذا دقيت عليك لا تطنشيني أوك ؟؟
جلنار : طيب يلا باي
منى : طيب قولي كلمة حلوة
جلنار تأفف بداخلها : باي عمري
وسكرت الخط بدون ما تسمع رد منى
جلنار : أعوذ بالله نشبة .. خلني أرد ع الخط الثاني قبل ما يقفل
وردت وكانت المتصلة بدور خويتها الثانية
جلنار : آلو
بدور : هلا وغلا بالقاطعة
جلنار : أهلين بدور وأنا أقول ليش جوالي منور اليوم
بدور : ايه نصبي علي المهم أخبارك يا عسل زمان عنك
جلنار : والله انا تمام انتي اخبارك وعلومك ؟
بدور : تمام .. ها شلون حالتك النفسية اللحين ؟؟
جلنار : لا أحسن من قبل
بدور : إيه ما شاء الله واضح من الصوت
جلنار ضحكت بنعومة : تسلمي يا قلبي
بدور : عارفة جلنار
جلنار : ام
بدور : خاطري مره أشوفك
جلنار : ليه صوتي ما يكفيك
بدور : يا حلو صوتك كنه صوت وحده ......... ( مشفر)..ي
جلنار ضحكت ضحكة عالية بغنج : يعني هذي مدحة ولا ذمة ؟؟؟؟
بدور : ههه بعد عمري انتي اختاري اللي يعجبك
جلنار : خلاص بعتبرها مدحة ولو إنها أقرب للذمة
بدور : أفا وتتوقعي إني حيجي يوم وأذم روحي ؟
جلنار : يمكن مدري عنك
بدور : ترى ازعل ليش تظنين فيني كذا
جلنار : يؤيؤيؤ لا تزعلي ترى امزح معك
بدور : وانا أقدر أزعل
جلنار: المهم قلبي بدور معليه بس بسكر لأن فيني نوم
بدور : اوك قلبي نوم العوافي
جلنار : الله يعافيك يلا مع السلامة
بدور : مع السلامة
( فاصل : خلني أعطيكم نبذة عن خويات جلنار ،،،، جلنار مخاوية ثلاث بنات الاولى منى وحده نشبة هي اللي جات وتعرفت على جلنار ولزقت فيها ما تخليها لا تقعد مع صديقاتها
ولا شي وجلنار مره تتضايق منها وتحاول تتهرب منها قد ما تقدر بس منى ما تخليها إتصالات وإيميلات ومسجات يعني بإختصار إنسانة حدها مملة وتجيب الكآبة وجلنار بطبيعتها ما تقدر تجرح أحد فعشان كذا
هي للآن متحملتها إلى يومنا هذا ،،،، أما الخوية الثانية فهي بدور واتعرفت عليها جلنار عن طريق وحده من صديقاتها وللآن ما قد شافتها هذي عاد قصة ثانية الله يسلمها جلنار قاصة عليها وقايلة لها إنها مريضة وحالتها حالة
وابو النصب فعشان كذا صايرة بدور تراعي جلنار وطبعا بدور صارت تحب جلنار وجلنار ما تحبها لكنها تعتبرها صديقة كأي صديقة ،،، أما الخوية الثالثة نخليها لوقتها )
**************
بعد المغرب
رانية وخواتها كانوا رايحين لبيت جيرانهم في العمارة اللي جنبهم وبيت الجيران هذا ماشاءالله مليان بنات عندهم 7 بنات وولدين وطبعا كلهم يخققون يسدحوا وكل البنات أساميهم بحرف النون
ندى : هلا والله يا حيا الله من جانا
عهود ( أخت رانية ) : حياك ربي
ندى : اتفضلوا
عهود : زاد فضلك
ودخلوا رانية وخواتها للمجلس
ندى : ها شتشربون عصير ولا قهوة ؟
عهود : أنا وفرح ( أخت رانية ) جيبي لنا عصير
ندى : وانتي يا رانية ؟
رانية : بعد عصير
ندى : اوك من عيوني دقايق وعصير الطباخة ندى واصلكم
ضحكوا البنات وراحت ندى تجيب العصير والضيافة
وشوي دخلوا باقي خواتها اللي بسن رانية وخواتها وهم نوف ونهى ونوال
نهى : وانا أقول ليش بيتنا منور
وسلمت وسلموا وراها نوال ونوف
وجلسوا ونوف عشانها قد رانية جلست جنبها
ندى دخلت بعد دقيقة : هذي الضيافة وصلت
وضيفت رانية وخواتها وبدوا البنات سوالف ورقص وضحك ووناسة وحركات عزايم البنات
نوف : أقول رنو شخبارك من زمان عنك يختي وحشتيني
رانية : اللحين بعد ما خلصنا سوالف تسأليني شخباري ؟
نوف : شفت نفسنا سكتنا قلت افتح سالفة
ضحكت رانية وقالت : أنا بخير وصحة وسهالة وعلومي تمام
نوف : ها وشخبار قلبك ؟؟
رانية : شفيه قلبي ؟؟؟
نوف : يعني ما حب وما كره ما أعجب بأحد
رانية : لاا يا عيوني أنا مو مثلكم خليني كذا عذراء المشاعر
اتسدحت نوف من الضحك على كلمة عذراء المشاعر وقالت : أهم شي عذراء المشاعر المهم قومي معي للغرفة أبغى أوريك روايات جديدة من اللي يحبهم قلبك توني شاريتهم
رانية : قصدك روايات عبير
نوف : وهو فيه غيرها
رانية : يلا قومي بسرعة
نوف : أوك يلا .... وكملت وهي تكلم باقي الموجودات : بنات عن إذنكم بنروح أنا ورانية الغرفة شوي
الكل : إذنكم معكم
نوف : أكيد بنأخذ إذننا أجل بنخليها لكم
نوال : هيهيهي سخيفة
وراحوا نوف ورانية لغرفة نوف ونوال
رانية : واو نوف غرفتكم مره تجنن متى غيرتوا الستايل حقها
نوف وهي تحوس بالمكتب وتطلع روايات : يعني صار لها حول شهر
رانية : ماشاءالله مره مره كيوت
نوف : يسلمو .... ام شوفي هذي الروايات اللي شاريتها تو
وقعدت رانية تشوفها وشوي انتبهت على نوف وهي لا زالت تحوس بالدرج
رانية : نوف شتسوين ؟؟؟
نوف : فيه رواية وحده فيهم مدري وين راحت المشكله هي احلى وحده
ووقفت نوف كإنها تفكر بعدبن قالت : لا يكون نهى لاطشتها لأنها دايم تسويها بروح أشوف بغرفتها ... خليك هنا شوي طيب ؟؟؟
رانية : طيب
وراحت نوف واتأخرت لها يمكن حق نص ساعة ورانية ملت بروحها ومهي قادرة ترجع للمجلس لانها تخاف ابو نوف يكون جالس بالصالة
رانية تكلم روحها : وين طست هذي الخايسة ؟ اف
وهي قاعدة تتحلطم انفتح باب الغرفة ودخل واحد
قصي : اقول نوف ما شفت ..... وقطع جملته يوم شاف رانية أما رانية مسكينة عينها اطلعت لا تحسبون من الرعب اطلعت عيونها من هالولد اللي يخقق ويطيح الطير من السما وحتى هو مسكين إتفاجأ
قصي : ما عليه رانية سوري ما كنت أدري إنك هنا ( طبعا قصي يعرف رانية من هم صغار )
رانية ابتسمت له بنعومة ( إن كيدهن عظيم ) وقالت : لاعادي خذ راحتك
قصي رفع حاجب مستغرب : عادي أخذ راحتي ؟؟؟؟
رانية حست على دمها : هي انت شفيك سكر الباب ترى قالوا النظرة الأولى حلال مب التأمل
وقامت سكرت الباب بوجهه " قوية البنت "
وسمعت اصوات بره
نوف : قصي شتسوي هنا لا يكون دخلت الغرفة ؟
قصي : ايه دخلت وانتوا ليه ما تقولوا إن فيه ضيوف عندنا
نوف : شين وقواة عين بعد
قصي بغرور : كل هذا الجمال وشين افا عليك بس
نوف : يلا روح بلا غرور زايد
قصي : أوه انتي بعد ما يكفي رانيوه سكرت الباب بوجهي
نوف : كفو والله رانية وبعدبن ترى اسمها رانية مو رانيوه تراها مهي بأصغر عيالك ...
قصي : فكينا زين .. ايه صح ترى البنت مره احلوت كبرت واتدورت وصارت انثى صراحة مره دخلت مزاجي
نوف فتحت عيونها : امداك قزيتها حشى مو عيون عليك .
قصي : قولي ما شاء الله
نوف : أقول تراك زودتها حبتين يلا استحي على وجهك ورح من هنا
قصي : واذا قلت مب رايح ؟؟
نوف : كيفك ... ودخلت نوف للغرفة وسكرت الباب بوجهه
قصي عصب : انا قصي ولد ابوي يتسكر الباب بوجهي مرتين هين يا نويف
نوف تصارخ من داخل الغرفة : ترى ابوك هو ابوي بعد
ولفت نوف لرانية لقتها خاقة وقعدت تحرك يدها قدام وجهها
نوف : رانية عسى ما شر .. رانية .. رانية ...رانية وصمخ
رانية : ها شفيه شصاير ؟؟
نوف : انتي اللي شصاير لك ؟؟
رانية : تبين الصراحة أخوك يخقق يهبل آآآآآآآآآخ لو اتزوج واحد مثله
قصي من بره الغرفه كان يتسمع عليهم : ما يحتاج تتحلمين انا موجود
رانية وجهها طاح ونوف من جد عصبت
نوف : والله يا قصي لو ما رحت من هنا إني لا أعلم أبوي اللحين
قصي : خلاص اصلا انا رايح بس سمعت اسمي ووقفت
نوف صارخت : قصي تراني حلفت
قصي : طيب طيب هذاني رحت
وشوي إلا خوات رانية نادوها عشان بيرحوا للبيت وراحت لهم وسلموا ع البنات وطلعوا
وأول ما وصلوا للعمارة رانية راحت ركض لشقة شموخ لأنهم كانوا متفقين هي وشموخ أول ما ترجع رانية من بيت جيرانهم تروح لشموخ
ودقت الجرس وفتحت لها شموخ
رانية وهي تحضن شموخ : واي يا شموخة شفت واحد جنان يجنن يخقق ويطيح الطير من السما
شموخ : ليه شفتي مين ؟
رانية : قصي ...
شموخ : قصي المغرور ما غيره ؟؟؟
رانية : إيه يجنن يا شموخ يجنن لا وبعد يتذكرني للآن وقال عني كلام محرج
وحمر وجه رانية
شموخ : شقال ؟؟؟
رانية : سر
شموخ : اهم شي إنه سر خلاص مو لازم تقولي بسأل نوف ... إلا صح شصار ؟؟؟
رانية كانت خاقة فما ردت على شموخ
شموخ تهز رانية : رانية حشى كنك مو شايفة إنسان شفيك كذا مره وحده خقيتي ؟
رانية : يجنن آآآآآآآآآآآآآآآآآآه ياقلبي
شموخ : أوه اوه شكلك طحتي ولا حدا سمى عليك
رانية : شكلي كذا
شموخ : أقول أدخلي لين متى بنتم واقفين عند الباب ؟؟؟
××××××××××××××××××××××××××××××××××××××
بنفس الوقت
رغد تدق على فريال
فريال بصوت كله نوم : آلو
رغد تصارخ : فريال قومي قامت عليك طوفة
فريال فزت : نعم خير شصاير وبعدين الناس يقولوا نامت عليك طوفة مو قامت
رغد : هذا مو موضوعنا ... قولي لي انتي شمسويه ؟؟
فريال : شسويت ما سويت شي اصلا ما امداني توني صاحية
رغد : ومين اللي قايل لدعد تكب مويه على فيصل
فريال بسرعة : ولا يكون كبت عليه الخبلة
رغد : ايه كبت والرجال طلع معصب ومره زعلان
فريال : الخبلة انا كنت استهبل عليها بس عشان اصرفها شفيها ذي ما تفكر ؟؟؟
رغد : وانا شدراني عنك وعنها ؟؟؟
فريال : المهم انتوا وين ؟
رغد : حنا بالسطح
فريال : اوك ابدل واجيكم
وبدلت فريال بسرعة وراحت للسطح وكانوا فيه رغد ودعد ولجين ولميس
فريال : شصاير ؟
رغد : شرفتي ست الحسن ... ما صار شي غير إن دعد نفذت إقتراحك الغبي
فريال تكلم دعد : دعد انتي من جدك كابه عليه ماي
دعد وهي ميته ضحك : ايه وفاتك شكله واي ماني قادرة ابطل ضحك
فريال : طيب وليش انتي معصبة يا رغد ما دام صاحبة الشأن بتموت من الضحك ؟
رغد : اف منكم والله يوم حتروحوا في داهية
فريال : إذا جاء هاليوم يصير خير ... ولفت على البنات وكلمت : ها بنات حكوني شصار ودي أضحك
وقعدوا البنات يحكوها كيف كبوا عليه الماي وكيف شهق من الروعة ورجع وهو معصب ويتحلطم وضحكت فريال معاهم وشوي إلا انضمت لهم رغد بالضحك

الب الرابع ارت
البنات بعد ما خلصوا ضحك وطنازة على فيصل وعلى شكله نزلوا من السطح وهما نازلين كانت دعد قدام ووراها باقي البنات وتوهم ما امداهم خلصوا الدرج الا انكب عليهم سطل موية باردة طبعا اكثر وحده اتبللت دعد وقامت تتنافض وأول شي ما استوعبت مين اللي كاب عليها بعدين يوم شافت مين انصدمت .
دعد وعينها اطلعت من الصدمة : فيصل .
فيصل وهو ميت ضحك وملابسه لا زلت مبللة : هلا والله بقلب فيصل ههه
دعد عصبت من قلب : ليه كذا تسوي فيني ؟؟؟
فيصل وهو لا زال يضحك : اسألي روحك والبادي اظلم ..
دعد قامت تصارخ وتهاوش : ياللي ما تستحي على وجهك ،، خير وين شايف عمرك ها ببيتنا وتغلط علي ( قصدها بالغلط يوم كب عليها الماي ) ،، لا ترى انا ما اسمح لك ،،، صدق قليل أدب وتربية وأخلاق ،، إذا اهلك ما يعرفوا يربوا ويأدبوا عيالهم و ما ربوك انا اربيك يا قليل التربي ....
وما كملت جملتها إلا وعطاها فيصل هذاك الكف الصاحي اللي يبرد القلب .
البنات اللي كانوا يحاولوا يسكتوا دعد وهي تتكلم مره انصدموا من حركة فيصل وبلموا ودعد حطت يدها على خدها من الصدمة
فيصل تكلم بصوت واطي بس الشرار كان يطلع من عيونه وواصل حده من العصبية : شوفي يا بنت عمتي صدق اني احبك ومييت عليك بس ترى اللي يغلط على اهلي ادفنه بالتراب فاهمة ولا تتوقعي اني من كثر ما رفضتيني وذليتيني بقعد أحبك لا يا قلب فيصل انا متمسك فيك للآن لأن خاطري اذلك واعلمك إن مو فيصل اللي ينرد ولا ينرفض له طلب وبتشوفين ان ما نزلت راسك للأرض ما أكون فيصل ولد أبوي ،، وتراني كنت جاي اليوم بأجل الملكة لين تخلص السنة بس الظاهر إنك ما تستاهلي ومن اللحين بقولك جهزي خلاقينك بعد أسبوعين بنملك والملكة أبغاها بالمحكمة لأن انتي مو وجه واحد يخسر عليك ويسوي لك حفلة ويلا باي ..
وطلع وخلاهم والبنات لا زالوا مصدومين من قوة الكلام اللي انقال ومن الصدمة لجين انفجرت ضحك ودعد حرارة الكف راحت مع الكلام اللي سمعته واول ما راح قطت نفسها على حضن رغد لأنها كانت وراها وقامت تصيح من قلب
دعد وكلامها مقطع من الصياح : سمعتوا ... اي .. ش .. قال ... ؟؟؟
وما قدرت تكمل من الصياح
رغد تحاول تهديها : خلااص خلاص دعد اسكتي ...
ودعد كل مالها تزيد صياح
فريال يا زعم بتهديها : اقول دعد انتي لاتزعلي من الكلام نفسه انظري للموضوع من وجهة نظر إيجابيه تراه قالك من ضمن الكلام يا قلب فيصل وهذا دليل إنه للآن يحبك وبعدين انتي مو ما تبغيه خلاص اتعادلتوا حتى هو اللحين ما يبغاك
دعد خزت فريال وقامت وراحت لشقتهم علطول وهي تصيح
لميس : ليش يا فريال قلتي لها هالكلام حرام عليك ... وانتي يا لجين ايش اللي يضحك لهالدرجة ..
لجين مو قادرة تتكلم من الضحك وفريال رفعت كتوفها بلا مبالاة كأن الموضوع ما يهمها
فريال : اللحين هذي جزاتي اني بهديها .. وبعدين ليش تزعل تراها غلطانة
رغد : لا احلفي انتي بس كإ ن مو انتي اللي مقترحة عليها تكب الموية
فريال: اوف منكم كل شي تقطوه علي ليه هي ما عندها عقل تفكر ولا لساتها بيبي ،، مدري ليش كل شي ترجعوه علي كإني انا السبب موضوع دعد اللحين رجع علي وحتى موضوع لجين مع عبدالله رجع علي يوم انكم كذا ليه تسمعوا اقتراحاتي من اصله .
خلصت فريال كلامها وتركت البنات وراحت على شقتهم ،،،
رغد : ياربيه شهاذا ما عندها تفاهم ، وانتي يا لجين غريب شاللي سكتك ... لجين ... لجين
لجين من سمعت طاري عبدالله سكتت وتذكرت مصيبتها معه وشوي إلا قامت وتركت البنات بدون ولا كلمة
لميس : اقول رغد حنا شاللي مقعدنا كلهم راحوا خلينا حنا بعد نرجع لبيوتنا .
وانتهى اليوم نهاية كئيبة
*****************
بالصباح كانت رانية فاتحة محادثة في المسن مع فريال وكانوا فريال ورانية كل ويكند يقوموا بدري عشان فيه مسلسل يجيبوه مره وحده بالأسبوع بس يوم الجمعة ع الإم بي سي فور فكانوا يقوموا عشان يتفرجوه يعلقوا عليه بالمسن بدل ما وحده منهم تتنازل وتروح شقة الثانية << ابو الكسل
فريال = يضرب الحب شو بيزل : رانيه شوفي شوفي أبوهم ايش هذا مره خكري .
رانية = صدفة ومن بين كل الناس علقني : ايه مره ( وحطت فيس قرفان ) ..
يضرب الحب شو بيزل : لا ما يصير .. ( فيس غاضب ) ..
صدفة ومن بين كل الناس علقني : خ شعليك خليه يبوسها
يضرب الحب شو بيزل : قهر يضيع جماله ع وحدة مثل هذي
صدفة ومن بين كل الناس علقني : أقول تراني مليت من هالمسلسل خلنا نسولف احسن
يضرب الحب شو بيزل : أوك .. يلا سولفي .. ولو ما عندك سالفة تراني برجع للمسلسل
صدفة ومن بين كل الناس علقني : طيب لا تذليني ... إلا صح سمعت من جلنار إن فيه سالفة صارت لدعد مع فيصل بس ما كنت مركزة معها .... ايش صار ؟؟؟
يضرب الحب شو بيزل : ايه صح بقولك .. وقالت لها كل السالفة
صدفة ومن بين كل الناس علقني : أوف ... مره قوية حركته شفيه مو صاحي هو ؟
يضرب الحب شو بيزل : تراهم كلهم غلطانين .. وانا بعد ( فيس يناقز وابتسامته شكبرها ) ..
صدفة ومن بين كل الناس علقني : زين والله إنك اعترفتي بغلطك واخيرا ..
يضرب الحب شو بيزل : أقول لا تقعدي انتي بعد تسوي لي مثلهم .. ترى إذا تبغي تهزئيني قولي لي وانا اطلع من المحادثة
صدفة ومن بين كل الناس علقني : طيب خلاص ماراح أجيب سيرتك .
يضرب الحب شو بيزل : أيوه خلك كذا ( فيس يصفق ) ...
وقبل ما ترد عليها رانية جاتها إضافة من إيميل وقبلت الإضافة وطلعت لها محادثة
(( الكاسر )) : هاي
صدفة ومن بين الناس علقني : هايات .. يلا بسرعة مين انت ؟ .. ومن وين جبت إيميلي .. وايش تبغى ,, رد بسرعة ولا ترى بصكك ببلوك ودليت ..
(( الكاسر )) : شوي شوي لايكون تبيني أرد على هذولا كلهم ؟
صدفة ومن بين كل الناس علقني : اي بسرعة اخلص ..
(( الكاسر )) : ما ينفع اجاوب على واحد بس
صدفة ومن بين كل الناس علقني : طبعا لا ...
(( الكاسر )) : اوك ياحلوة ترى انا قصي
رانية من الصدمة عيونها وصلت لشاشة الاب توب <<< خ اشك انها عيون
صدفة ومن بين كل الناس علقني : خير .. شتبي ؟؟؟
(( الكاسر )) : ولاشي بس أنا احب احصل على كل شي يعجبني
صدفة ومن بين كل الناس علقني : وليه أحد قالك إني بضاعة بالسوق
(( الكاسر )) : لا يا عمري منتي بضاعة انتي شي ما اقدر اوصفه
صدفة ومن بين كل الناس علقني : ستوب لا تقعد تتغزل فيني ...
(( الكاسر )) : هي انتي ترى اشوفك فرحانة بعمرك .. قولي لي وين تغزلت فيك ها ؟
صدفة ومن بين كل الناس علقني : اقرى اللي كتبته فوق .
(( الكاسر )) : حمدالله والشكر هذي ترى طنازة (فيس ينسدح ع الأرض من الضحك )) ..
فريال ملت بروحها
فريال : ياربي شفيها هذي سكتت ؟؟ خلني ارسل لها تنبيه
يضرب الحب شو بيزل : يرسل لك تنبيه
صدفة ومن بين كل الناس علقني : ها شتبين ؟؟
يضرب الحب شو بيزل : وين رحتي ؟
صدفة ومن بين كل الناس علقني : هنا قريب .. بس فيه واحد سوى لي إضافة وتخيلي قاعد يتطنز علي ..
يضرب الحب شو بيزل : مين ؟؟؟
صدفة ومن بين كل الناس علقني : استعدي للصدمة ... إللي أضافني هو ...
يضرب الحب شو بيزل : ايه مين بسرعة
صدفة ومن بين كل الناس علقني : قصي
يضرب الحب شو بيزل : ( فيس مصدوم ) قصي ما غيره
صدفة ومن بين كل الناس علقني : ايه قصي ما غيره
يضرب الحب شو بيزل : حركتات يجي منك يا رانيوه
صدفة ومن بين كل الناس علقني : ههه
يضرب الحب شو بيزل : خ شكلها روحة هذيك المرة مأثرة عليكم انتوا الاثنين
صدفة ومن بين كل الناس علقني : يؤيؤيؤ وانتي مين قالك ؟
يضرب الحب شو بيزل : مين يعني أكيد اللي قلتي له
صدفة ومن بين كل الناس علقني : شموخوه الخايسة .. صدق انتوا ما ينبل بفمكم فولة
يضرب الحب شو بيزل : ليه ما تبغيها تقول لي ؟
صدفة ومن بين كل الناس علقني : لا انا اللي كنت ابغى اقولك بنفسي
يضرب الحب شو بيزل: خلاص حصل خير ... عارفة أكثر شي ضحكني يوم قالك انك صرتي انثى
صدفة ومن بين الكل الناس علقني : ايه قليل الأدب لو انه قدامي كان عطيته بوكس طير سنونه
يضرب الحب شو بيزل : أعصابك يا محمد كلاي ... إلا صح هو شلون يتطنز عليك
صدفة ومن بين كل الناس علقني : ذكرتيني خليني أروح وارد عليه الخايس
يضرب الحب شو بيزل : ههه احلفي انه خايس
صدفة ومن بين كل الناس علقني : يوه فريال ( فيس مستحي ) ..
يضرب الحب شو بيزل : اقول حمستيني روحي له وقولي لي كل شي تقولوه
صدفة ومن بين كل الناس علقني : وليه إن شاء الله ؟
يضرب الحب شو بيزل : علشان أوجهك للصح
صدفة ومن بين كل الناس علقني : أمحق توجيه
يضرب الحب شو بيزل : أقول روحي للولد شكله مل من كثر التنبيهات
صدفة ومن بين كل الناس علقني : ايه من جد صرت احس الشاشة حقتي كنها شوربة
ورجعت رانية لقصي وكل شوي تنقل الكلام لفريال << صدق حريم
*************************
بعد العصر جلنار كانت طالعة من شقتهم وهي لابسة عبايتها وقابلتها لميس
لميس : وين رايحة مدرسة الفيزيا شوي وجاية
جلنار : ايه انتي والمدرسة هذي مالي خلقها ومو لازم أحضر الحصة .. وترى عندي موعد مع منى
لميس : تطورات لين صرنا نطلع مواعيد بس مو كنك كارهه هالبنت
جلنار: شسوي فيها مهي راضية تفهم إني ما اطيقها وعاد عزمتني وقلت خلني أجبر بخاطرها وألبي دعوتها
لميس : علينا قولي لي شاللي مخططه له ؟.
جلنار : ولاشي بس ناوية اخسرها فلوسها لاأكثر ولا أقل
لميس : تفكيرك يعجبني يابت بس ما قلتي لي وين الموعد ؟
جلنار : بكوستا كوفي
لميس : والله انكم خطيرين ويلا روحي لا تتأخري
جلنار : اسمعي ابغى منك طلب
لميس : وشو ؟
جلنار : لو اعطيتك رنة ابغاك تدقي علي وتتكلمي كنك امي اوك
لميس : خلاص تم
جلنار تلبس شيلتها ونقابها : يلا سي يو
لميس : سي يو
وطلعت جلنار وراحت لكوستا كوفي واول ما وصلت دقت على منى
جلنار : الو منى وينك
منى : هلا قلبي شوفيني قدامك ع اخر طاولة بالزاوية اللي باليمين
جلنار : اوك
وراحت جلنار لمنى ومنى أول ما شافتها وقفت لها وحضنتها وباستها ع خدها وجلسوا
منى كانت حاطة على وجهها فل ميك اب كنها رايحة زواج وكان المكياج حده خايس كانت حاطة شدو أحمر وداخلة عليه اخضرتفاحي وبرتقالي وشوي ازرق وجلتر ذهبي ومركبة رموش ست امتار قدام ولابسه عدسات ازرق فاتح مخليتها كنها قطوة وحاطه بلشر مره كثير وروج فوشي عليه جلوس احمر يعني شكلها بالعربي قمة التحطيم
وجلنار بس تطالع فيها وهي شوي وتنفجر ضحك
منى : شفيك تطالعيني كذا عجبتك ولا غلبتك ؟
جلنار : انتي مو عجبتيني إلا تجنني صراحة خققتيني
منى شوي وتذوب من المستحى : تسلمي يا قلبي هذا كلو من ذوقك
جلنار بخاطرها : اي ذوق الله يفشلك
جلنار : مشكورة يا بعدي
منى : اوك يلا خلني انادي الويتر
واشرت له منى بيدها وبهالوقت حبت جلنار تسوي اكشن قامت مسكت يد منى وباستها وقالت : منى صراحة مني قادرة اعبر لك عن شعوري بهاللحظة الروعة
وقبل ما تكمل كلامها تنحنح الويتر عشان ينبههم لوجوده وكان يطالعمه بإشمئزاز وهم يوم انتبهوا له بدوا يعطوه طلباتهم
وجلنار ما بقت شي بالمنيو ما قالته ومنى شوي وتطلع عيونها وأول ما وصل الطلبات اعطت جلنار رنة للميس بدون ما تحس منى
وشوي إلا رن جوال جلنار
جلنار : آلو
...............................
جلنار : هلا يمه آمري
........................................
جلنار : زين زين اللحين بجيك يلا مع السلامة
وسكرت
منى : ها مين المتصل ووين بتروحين ؟
جلنار : هذي امي تبين أرجع للبيت اللحين
منى : طيب وهاللي طلبناه مين بيأكله ؟
جلنار وهي تقوم : سوري منى مره ثانية ولا تزعلي مني ياروحي
منى بحسرة واضحة : وأنا أقدر يلا أشوفك بالمدرسة
وطلعت جلنار وراحت منى تدفع الحساب وطلع فوق 400 ومره تحسفت انها عزمت جلنار ووعددت عمرها انها ماتعزمها مره ثانية وما كان معاها إلا مية وخمسين على بالها انهم بس بيطلبون كوفي وبيقعدون يسولفون بس خاب ظنها واضطرت تدق على اخوها عشان يجي ويكمل لها الحساب وهو يحليله ما جاء إلا بعد ساعتين وطول الوقت ومنى تغلي
***************
بعد كم يوم لجين كانت طالعة مع اهلها للكورنيش
وأول ما وصلوا لفت لجين لورى وشافت سيارة عبدالله موقفة وراهم وحست إن قلبها خلاص وصل لبطنها من الروعة
لجين بخاطرها : ياربي والله بموت شيبي هذا وصلت فيه المواصيل يلحقني وانا مع هلي الله لا يوفقه إن شاء الله
وانتبهت على أخوها سعود وهو يطالع في عبدالله وهو عاقد حواجبه
لجين بخاطرها :يا ويلي هذا سعود يطالع فيه ياربي شكلي بروح وطي اليوم
بس خاب ظنها لأن سعود راح لعبدالله وهو يهلي
سعود : هلا والله بعبيد أخبارك يالقاطع من زمان عنك ... يعني بس عشان تخرجنا من الثانوي خلاص نتفرق صدق إنك ما تستحي
عبدالله : ياخي كلتني بقشوري وهذا انت ليش ما تسأل ولا شي ؟
سعود : يلا ولا تزعل كلنا قاطعين .. إلا شخبارك وكيف جوك ؟
عبدالله : والله انا تمام وعال العال بس انت شتسوي هنا خبري بك تكره الكورنيش ؟
سعود : لا شيخ للآن أكرهه بس جايب الأهل يتمشون شوي مدري شاللي محببهم فيه احسه شي ماصل
عبدالله : افا واحد يعاف مكان جنب البحر هبة نسيم توسع الخاطر
سعود : لااحد يسمعك بس ويصدق إلا قل رطوبة تخلي الواحد يكره عمره
عبدالله : أوكي يالحبيب ما أطول عليك رح أجلس مع هلك
سعود : ايه صح ذكرتني فيهم بس عطني رقمك ودي أمرك انت والشباب مشتاق لكم يا خي
عبدالله عطاه الرقم : هذا رقمي وعاد ما وصيك لا تقطع وترى انتظرك انا والشباب
سعود : خلاص اشوفك بعدين يلا سي يو
وراح سعود لأهله
عبدالله وهو واقف ويكلم روحه : حلو أجل يالجين طلعتي اخت سعيدان والله وسهلت لي المهمه
ياترى شالي كان يفكر فيه عبدالله ؟
أم لجين : أقول يا سعود من ذا اللي كنت واقف معه ؟
سعود : هذا عبدالله رفيقي من أيام الثانوي
أم لجين : شكله مسنع وراعي واجب
سعود : ايه يمه في ذي صدقتي
لجين بخاطرها : الله والسنع عاد بلاك ما دريت بسواياه مع اختك
سعود : لجين صبي لي قهوة
لجين : طيب
وصبت له القهوة وجلسووا يتقههوا
********************
يوم الجمعة العصر وكالعادة مافي أحد بالبيت غير البنات
وكانوا قاعدين باللوبي ولجين تقولهم السالفة اللي صارت مع عبدالله بالكورنيش
شموخ : أنا ودي افهم هالإنسان ليش ما يستحي على وجهه والمصيبة يلحقك مع هلك
رانية : ينطبق عليه المثل القائل ومن الحب ما جنن
رغد : لا بالله عن الهبل عاد
دعد بهدوء: بنات تصدقون إن مالي خلق شي ابد هاليومين
جلنار : وليه لا يكون عشان فيصلوه الخايس ترى ما يسوى
دعد : ما يسوى عندك لأنك مو انتي اللي مبتلشة
رغد : تصدقين دعد انا اول مره اشوف واحد ووحده يحبون بعض وكذا يسوون ببعض
دعد : أجل ما شفتي شي ... المهم بنات ترى اليوم مالي خلق سهرة الجمعة وماراح اجي
لجين : من جد حتى انا مالي خلقها
فريال : أجل خلاص نكنسلها هالأسبوع إلا صدق وين لميس ؟
لجين : رايحة بيت عمها اليوم الغدى عندهم
فريال : اها
وكملوا البنات سوالفهم لين قرب المغرب
وفجأة دخلت لميس وهي تركض ودموعها سيول على خدها وكلهم انصدموا
وقاموا يسألوها شفيها بس هي سفهتهم وراحت على شقتهم علطول
شموخ : غريبة شفيها لميس خلنا نروح نشوفها
رغد : لا خلوها هي ان كانت متضايقة ما تحب احد يكلمها
فريال : لا والأغرب إنها جاية بروحها عسى بس ما صار لأهلها شي
شموخ : لا تفاولين ... بس من جد شي عجيب

الب الخامس ارت
رانية كانت قاعدة ع النت وسمعت صوت جوالها يرن باالغرفة وعلطول فزت وراحت له ركض
رانية : آلو
قصي : هلا بهالصوت وراعيته
رانية : هلا بك
قصي : أخبارك تفاحتي ؟
رانية : انا تمام انت اخبارك ؟
قصي : دوم وأخباري تمام وعال العال
رانية : ام قصي ممكن سؤال ؟
قصي : اسألي لو تبين مليون سؤال بعد
رانية ضحكت على خفيف : ههه تسلم ،، بسألك انت ليه دايم تقولي تفاحتي
قصي : أقولك وما تزعلين
رانية : ما راح أزعل
قصي : أول ما شفتك شبهتك بالتفاحة عارفة ليه ؟
رانية : ليه ؟
قصي بجرئة : يعني انتي مثل التفاحة كذا حمرره وتهبلين وتغرين وكمان تشهين وزيادة على كذا فيك شي يجذب الواحد وفيك فتنة غريبة
رانية وجهها صار احمر من جرئة قصي وما عرفت بإيش ترد عليه
قصي حس بإحراجها : رانية انتي معي ؟
رانية وصوتها يالله يطلع : ايه معك
قصي : احرجتك صح ودي اشوفك وانتي محمرة
رانية : قصي خلاص ولا ترى بسكر
قصي : يا حبي لك كلك على بعضك تهبلين
رانية بنعومة ودلع : قصي قلبي خلاص
قصي هنا ذاب : أموت انا ع الكلام الحلو بليز عيديها
رانية : قلبي انت
قصي راح فييها : انا لو جاتني سكتة قلبية الحين عادي
رانية : اسم الله عليك في عدوينك إن شاء الله
قبل ما يرد عليها قصي انطق باب غرفته
قصي : أعوذ بالله من هالإزعاج نعم خير مين اللي يطق ؟
نوف : انا يعني مين غيري
قصي : اف منك شتبين
نوف : قوم بس ابوي يبيك ولاأنا شبي فيك انت
قصي : انزين قولي له جاي
ورجع قصي لرانية اللي كانت تضحك على الحوار
قصي : لأ لأ لأ انا هالضحكة تموتني
رانية : يوه وانت ما عندك إلا سيرة الموت والمرض ؟
قصي : تخافين علي ؟
رانية تضيع الموضوع : إلا شتبي نوف
قصي : أووه ذكرتيني والله مدري شيصير فيني لا كلمتك اخق وانسى كل العالم
رانية : قوم ابوك يبيك
قصي : يوم انك سمعتي ليش تسألي بس ما اقدر انا على اللي يستحون ويضيعون الموضوع
رانية : انا بسكر يلا باي
قصي ضحك : اوك باي
رانية بعد ما سكرت : ياربي هالإنسان يخققني وه بس
( خلني أوصف لكم قصي : قصي شاب طوويل رزة ومغرور وجرئ ومره فلة وفرفوش يعني شخصيته مناسبة لشخصية رانية وأكبر من رانية بثلاث سنين يعني عمره 21 سنة ومملوح ومو بس مملوح إلا وسيم بمعنى
رانية صار لها تقريبا حول الأسبوعين وهي تكلم قصي واثنينهم اتعلقوا ببعض وكل يوم يزيد تعلقهم عن اليوم اللي قبله ومع إن مبدأها كان إنها ماتحب احد إلا اللي راح تتزوجه لكنها من غير شعور اتعلقت مع قصي ومكالماتهم انتقلت للجوال مع إنها كانت معارضة لهذا الشي وطبعا محد كان يدري بهذا الشي إلا فريال اللي حاولت اكثر من مرة تنصحها بس لا حياة لمن تنادي رانية خلاص قلبها ما صار ملكها ولا مشاعرها صارت بيدها
فريال تكلم رانية : هلا رنو
رانية : أهلين فيفي
فريال : من أول ادق جوالك ليه مشغول
رانية : يعني أكيد كنت أكلم ولا شلون بيصير مشغول من جد سؤال غبي
فريال : لا يكون كنتي تكلمين قصي
رانية : ام يعني
فريال : هو ولا لا ؟
رانية : ايه كنت أكلمه هو
فريال بعصبية : ياربي مو معقول انتي حتجننيني يعني الكلام اللي كنت اقوله لك طول الوقت ما فاد فيك
رانية : والله والله انه مو بيدي غصب عني والله حاولت ما اكلمه بس ما أقدر
فريال : وشو اللي حدك توصلين لهالمرحلة
رانية ما ردت
فريال : يعني انا مدري وين عقلك كل يوم نسمع عن وحده اغتصبوها أو وحده طلعت من خويها وانفضحت وغيره كثير ورغم كل هذا تكلمين لك واحد
رانية : أول شي قصي مو خويي وثاني ش .
قاطعتها فريال : بالله وشو يصير لو مو خوييك قاعدة تستهبلي
رانية : شوفي فريال هذا شي خاص فيني يعني سوري على هالكلام بس انا ادرى بمصلحتي وراح اسوي اللي يعجبني وانتي مالك دخل
فريال : حلو والله حلو يعني انا مالي دخل طيب بنشوف ويلا باي
رانية : لحظة لايكون زعلتي وبعدين ليش داقة شعندك ؟
فريال : وليش أزعل أنا دخلت نفسي بشي ما يخصني وهذا جزاء لقافتي وخلاص هونت مابي منك شي يلا باي
رانية : براحتك باي
رانية حست إنها غلطت على فريال بس قالت بخاطرها : يوه شكلي غلطت عليها بس لا هي تستاهل ما حد قال لها تتدخل باللي ما يخصها ولا وبعد تسوي عمرها شريفة
وعند فريال كانت تكلم روحها وتقول : انا استاهل اللي انصح ناس ما تفهم واصلا محد قالي اتدخل بس انا صديقتها ولازم انصحها عموما انا سويت اللي علي ولاراح اتناقش معها في هالشي لو تموت ولو تجيني زحف
وفي هاللحظة بدأ شرخ العلاقة بين رانية وفريال وبدأ الحاجز ينمو بينهم
××××××××××××××××××
يوم الأربعاء قبل ملكة دعد بيوم البنات كانوا متجمعين في شقة جلنار ماعدا دعد اللي كانت نفسيتها زفت ومايا ولميس
جلنار : بنات تدرون ليش جمعتكم هنا اليوم ؟
البنات : لا
جلنار : انا اتفقت مع شموخ اننا نسوي لدعد حفلة ملكة وتكون حفلة صغيرة على قدنا لانكم عارفين إن فيصل الخايس قال ما راح يسوي لها شي
رغد : والله فكرة حلوة بس وين بنسوي الحفلة
شموخ : احنا قلنا نسويها في مقرنا الدائم اللي هو السطح
فريال : ام حلو بس يبيلنا وقت واليوم الأربعا
جلنار : لا بيمدينا انا وشموخ فكرنا بكل شي بس باقي التنفيذ اللي بنشترك فيه كلنا
رانية : كذا حلو يالله قولوا لنا شبنسوي عشان نقدر نخلص كل شي
لجين : لحظة بنات قبل لا نبدأ تراني اول مره ادري إن فيه ملك تصير بالمحكمة خبري إن هذي الملك تكون لو واحد مواطن تزوج وحده مو من جنسيته يسووا الملكة بالمحكمة
شموخ : لا عادي مو لازم حتى لو كان واحد مواطن تزوج وحده مواطنة ومن نفس جنسيته عادي لو سووها بالمحكمة وانتي عارفة فيه عوائل فيها مشاكل مثل يكونوا الأهل مو راضيين عن الزواج بس البنت وأبوها وأمها راضيين أو يكون الأبو مو راضي يزوج البنت للرجال الكفؤ أو تكون البنت محجوزة لواحد من أهلها وغيره كثيير
لجين : اها توني أعرف هذا كله
شموخ : المهم هذا مو موضوعنا يلا نبدأ التجهيز
وبدأووا البنات تجهيز وتخطيط للحفلة
وبعد ما خلصوا قالت رانية : بنات وين لميس ليه ما جات تجهز معانا ؟؟
جلنار : انا قلت لها وقالت انها تعبانة
رغد : إلا صح هي شفيها من يوم الجمعة وهي مطنشتنا وطول الأسبوع ما جات المدرسة
شموخ : هي من ذاك اليوم وهي ماتكلم أحد طول وقتها تبكي
فريال : أكيد صار لها شي خطير بس مصيرنا بنعرف المهم حرصوا عليها تجي بكره للحفلة مو ما تجي وتفشلنا
******************
بعده بيوم يعني يوم الخميس
صارت الملكة بالمحكمة بالصباح الساعة عشر بشكل عادي جدا
ودعد كانت نفستها دمار مافي إهانة ممكن يهينها إياها فيصل أكثر من كذا وأول ما وصلت هي وأبوها للعمارة دخلت على شقتهم وعلطول ركض لغرفتها وجلست تصيح وطنشت كل اللي كانوا يبغوا يباركوا لها سواء أخوانها أو أهلها أو كل اللي دقوا عليها جوال وبالأخير قفلت جوالها
أما فيصل اول ما تمت الملكة راح طيران على جدة ولا كلم دعد ولا كلمة وحتى هو طنش أهله كلهم ولا أحد كان يدري هو ليش راح جدة ولا يدروا وين راح بجدة أصلا ويوم سألوا عمله قالوا إنه أخذ إجازة مفتوحة بدون راتب
وأكيد الناس ما يخلووا فرصة طلعوا عنهم إشاعات وأنهم مغصوبين وأشياء مثل كذا
**************
بالليل الساعة 12 راحوا البنات لشقة دعد ونادوها ومع إن ما كان لها خاطر بس جبرت بخاطرهم وراحت معهم للسطح واتفاجأت باللي كانو مسوينه بالمكان
كانوا البنات مسووين المكان غير
نثروا بالأرض بلونات أسود وذهبي وفضي كثيرة وحطوا ع الجدار أوراق زباله وورق كرتون أسود وكتبوا عليها بالبخاخات الذهبي والفضي عبارات تهنئة لدعد وكلام كثير وشخابيط مالها معنى وحطوا لمبات ديسكو وخلوا الإضاءات صفرة عشان المكان يصير رومنسي وبنفس الوقت فيه أكشن ونثروا على الأرض خداديات لونها أسود وذهبي وشروا شبيسات أنواع كثيرة حطوها بصحون فضية وجابوا عصير بلو كوكتيل وحطوه بكاسات شفافة ومع الإضاءة صارت ألوانها روعة وشروا معجنات وحلويات وشكولاتات وجابوا كيكة كبيرة بالشوكلاتة خلو المحل يسووي فيها ديكور على شكل خاتم زواج طبعا كله بالحلاوة وزينة الكيك وكتبوا عليها مبروك يا أول فرحة بشلتنا
وجهزوا أغاني للرقص يعني مافي أغاني سلو كلها أغاني رجة وهبال
واول ما دخلت دعد شغلت لميس زفة وقالوا لها إنها إهداء منهم كلهم دعد بدون شعورها نزلت منها دمعة إمتنان لصديقاتها
فريال : يؤيؤيؤ ليش الدموع
شموخ : يلا يا بت مسحي دموعك وخلينا نهيص
دعد : بنات انا ما ادري شقول بس من جد خجلتوني
رانية بدفاشة : لا تقولي شي مو لازم ويلا بس بلا دلع يلا نرقص يلا نآكل يلا نستانس
ضحكوا البنات على حماس رانية وبدأو الفلة وفلوها من جد ورقصوا على كثير أغاني وأكلوا وشربوا واستهبلوا
وعلى الساعة ثنتين خلصوا البنات وجاء وقت النوم
جلنار : خلاص انتهى الوقت يلا انصراف
وجا وقت المفاجأة الثانية كل وحده طلعت هدية جابتها لدعد
لميس عطتها هديتها : يلا مبروك قلبي
لجين عطتها الهدية : congratulation sweety
رانية عطتها وقالت : مبروك حبيبتي عقبال ما نأكل كيكة العرس
رغد عطتها : يلا نتمنى لك السعادة والهناء مع ابو الفص
شموخ : خ اهم شي أبو الفص .. مبروك دعودة وعطتها الهدية
جلنار : مبروك وعقبالي وعطتها الهدية
فريال : يختي البنات قالوا كل عبارات التهنئة بس أنا ببوسك
وباستها على خدها وعطتها الهدية
دعد شكرت البنات كلهم وماكانت قادرة تعبر وفجأة تذكرت شي
دعد : بنات وين مايا من زمان ما شفتها ولا بالمدرسة ترى صار لنا حول الشهر ما شفناها
فريال : يحليكم والله توكم تسئلون
دعد : لابس من زمان خاطري أسأل بس دايم يجي شي أو سالفة وانسى
شموخ : ايه من جد حتى انا من زمان فاقدتها
فريال : يا حلوين ترى مايا ابوها جاته بعثة ع بريطانيا وسافروا الشهر الماضي
رغد : كذابة وكذا تروح بدون ما تقول لنا
فريال : والله مدري عنها هي قالت ما ودها تقول لنا عشان لا نقعد نصيح ونسوي لها مناحة
لميس : وليش قالت لك انتي ؟
فريال : ما قالت لي دريت بالصدفة
دعد : طيب شلون نتواصل معاها
فريال : ما عطتني شي قالت هي بتكلمنا لو فضت
لجين : صراحة سخيفة بمعنى الكلمة
لميس : من جد وبقوة كمان
وراحوا البنات على شققهم وهم شايلين على مايا بقوة وبس ينتظروها تتصل عشان يهزئوها

الب السادس ارت
في مكان بعيد عن الشرقية في جدة أرض الرخا والشدة كان فيصل جالس الشقة اللي مستأجرها ودخل عليه حمد صديقه ولقاه متسند على يده وهو سرحان ويفكر وكن هموم الدنيا كلها على راسه
حمد : ياخي حالك كذا ما يصير شو كيف وجهك مصفر وذبلان ورايح فيها
فيصل طنشه ومارد عليه
حمد : وترى ما يصير كذا شوف كم صار لك وانت مملك ع البنت وللآن مطنشها ولاكلمة ماقلت لها حتى رسالة مارسلت حتى رقم جوالها ما تعرفه
فيصل : وانت ايش دخلك ؟
حمد : ياخي حرام عليك اللي قاعد تسويه بروحك وبعدين لين متى بتم هنا يعني لين يفصلوك من عملك
فيصل بملل وطفش : اقول حمود ليش ما تحل عني ترى جد مالي خلقك
حمد : لا موب رايح خلني أكمل كلامي
فيصل : بليز اسكت ترى اللي فيني مكفيني
حمد بسخرية : ليه شو اللي فيك يا حسرة ؟ وبعدين بسألك لين متى بتظل كذا وحتى فلوسك بعد فترة راح تخلص ولو ظليت تسحب من البطاقة اهلك بزيارة وحده للبنك حيعرفوا انت فين وانت على قولك ما تبغاهم يعرفوا شي
فيصل قام واقف : اف منك اف انا بطلع وبخلي لك المكان كله
وطلع وصفق الباب وراه
حمد : الله يهديه نفسي بس اعرف شو اللي يفكر فيه
فيصل راح للبحر يشكي له وهو جالس على الرمل وساند راسه على ركبه كان يفكر
فيصل بخاطره : ياربي رحمتك احس حتى البحر على كبره ووسعه ما يقدر يشيل همومي نفسي افضفض لحد بس مو لاقي احد والكل قاعد يلومني يتوقعوني غلطان بحق دعد آآآآآآآآه يا دعد قد ايش خبلتي فيني والله اني ما استاهلك لكن وربي مو بيدي لو بيدي جيتك ركض وضميتك لصدري محتاجك يادعد محتاجك
********
نرجع للشرقية بس في مكان يختلف عن العمارة في بيت منى
منى كانت جالسة بغرفتها تلعب بشعرها وتفكر : مدري ليه جلناري صايرة متغيرة علي وفجأة تغيرت ملامح وجهها للخوف وقالت : لايكون كلام نورة صح وانها صارت تحب وحده غيري
( للتوضيح : نورة صديقة منى )
منى تكمل تفكير : لا لا أكيد كلام نورة غلط لأن مستحيل جانر تفكر بغيري هي اصلا تحبني بس مدري شفيها ام لازم اخليها ما تفكر بغيري بس شلون ام عرفت بروح اقول لأمي توديني السوق بشتري لها هدية بس لو سألتني شو المناسبة ايش بقول ؟ يلا لذاك الوقت بفكر
وقامت وطلعت ركض من غرفتها وراحت الصالة لأمها
أم منى : شطاري منى تكرمتي ونزلتي من غرفتك ؟
منى : يؤيؤيؤ وانا اقدر ما أقعد مع قمر مثلك
أم منى : أقول لايكثر اخلصي علي شتبين ؟
منى : ابغى اروح السوق
أم منى : لا خليها وقت ثاني انا تعبانة
منى : مامي بليز
أم منى : وليه إن شاء الله تبين تروحين ؟
منى بكذب : صديقتي مسويه عمليه وخاطري اودي لها هديه
أم منى : طيب روحي البسي بسرعة وانا بكلم السواق وبلبس عباتي
منى : مشكورة يا أحلى أم بالدنيا
أم منى : ايه حق المصلحة أصير أحلى أم يالله عجلي لا أهون
راحت منى ركض لغرفتها وبدلت ونزلت وراحت مع امها السوق
منى علاقتها في أمها مره سطحية وكانوا نادرا ما يجلسوا مع بعض والغلط مو من ام منى بالعكس هي حاولت كثير مع بنتها وانها تكون قريبة منها بس منى ما كان همها إلا نفسها وبس وهذا الشي كان دايم يحز بخاطر امها
****************
يوم دراسي جديد << هالكلمة لها ذكريات
جاووا البنات للمدرسة وامتلت الفصول وبدوا العالم الحصة الأولى وجات وراها الثانية وعقبها الثالثة وجات الفسحة
وعاد وقت الفسحة يوم يطلعوا البنات يحسسوا الإنسان كنهم كانوا بعلبة سردين وانفتحت البنات كانوا بكل مكان يركضون واللي يشترون واللي تروح تقابل صديقاتها لأنهم ياإما ما يكونوا معاها بالفصل أو يكونوا بمرحلة ثانية
وعند بنات الشلة كانوا توهم طالعين من الفصل وتعبانين من 3 حصص رياضيات ورا بعض
فريال : أوف واخيرا اعتقوا سراحنا كننا بمعتقل
لميس : صدقتي يا أخية
فريال : إلا صدق لميس شطاري عليك جاية المدرسة اليوم
لميس : كذا قررت اجي ثم جيت
فريال : احلفي انتي بس
لميس : والله
وكملوا مشيهم لين وصلوا لمكانهم المعتاد وراحت لجين وشموخ يشتروا للباقيين
وشو إلا جات منى
منى بدلع ماصخ وكانت ماسكه كيسه بيدها : جلنار ممكن أكلمك شوي ؟
جلنار تأففت بصوت منخفض وكانت دعد بجنبها فسمعتها
جلنار قامت : اوك بجيك
دعد مسكت يد جلنار وكانت دعد صار لها فترة متضايقة من فيصل وحبت تفش خلقها في منى
دعد تكلم جلنار : على وين
منى بلقافة : يعني انتي ايش شايفة ؟؟ اكيد تبغى تجي تكلمني
دعد : اكرمينا بسكوتك انا ما أكلمك
منى : وإذا ما أكرمتك ايش بتسوين ...
ومسكت منى يد جلنار الثانية وسحبتها وقالت : يلا جلنار تعالي ابيك بسرعة
دعد في هاللحظة مره عصبت ووقفت : اقول جلنار اقعدي بلا هم زايد عالقلب وانتي يا منى ليه ما تفهمي ترى البنت ما تواطنك تعرفي ايش يعني ما تواطنك يعني مو بس ما تحبك هي تكرهك فاهمة تكرهك
منى بصدمة : كذابة
دعد : وليه اكذب لا وكمان على وحده مثلك شوفي عيوني احنا سكتنا لك كثير بس خلاص يكفي لاتقعدي تقطي وجهك ع البنت خلاص زهقتينا كل يوم الثاني ناطه لنا يختي استحي على وجهك انتي عندك مرض يخليك تحبين بنات بالله حنا وين قاعدين ها ؟ والله قلة أدب
منى : وليه جلنار ما تقولي هالكلام بنفسها ولا انتي ناطق رسمي عنها
دعد لفت على جلنار وقالت : قولي لها ... قولي ليش ساكته انطقي
جلنار ما حبت تجرح منى فما تكلمت
منى : شفتي هي ما تكلمت يعني انتي تكذبين
دعد بصراخ : أنا أكذب شوفي جلنار لو ما تكلمتي اللحين انسي انك عرفتي بيوم وحده اسمها دعد
جلنار بهاللحظة انحطت بموقف لا تحيد عليه هي ما تحب تكسر خاطر أحد وبنفس اللحظة صديقاتها اهم شي بالنسبة لها وقعد يدور داخلها صراع بين منى ودعد بس بالأخير انتصرت دعد
وطبعا الكل كان ينتظر جلنار تتكلم وماله داعي اقول لكم ان البنات تجمعوا ما يصدقوا فيه هوشة تغير الروتين بالمدرسة
جلنار بعد صمت طويل ع الكل : منى ترى دعد صادقة صح اني ما اكرهك لكني ما احبك
منى تجمعت الدموع بعيونها : وليه قصيتي علي ليه ؟
جلنار: انا ما قصيت عليك انتي اللي جيتيني واتعرفتي علي وانا ما حبيت اكسر بخاطرك
منى بدت تبكي : بس بس ليه كذا والله حرام
جلنار بهدوء : لا تحرمين من عندك وترى انتي بالنسبة لي زميلة مثل اي وحده
طاحت الكيسة من يد منى لما سمعت هالكلام وسمعوا صوت شي يتكسر وشموا ريحة عطر سينما << ياي احبه هالعطر
منى جلست على ركبها وهي ودها تبوس رجل جلنار كانت تصيح من قلب
البنات كلهم انصدموا من الحركة
نورة انصدمت وعطت منى كف : مو صاحية انتي كل هذا عشان بنت فوقي يا منى لاه انتي مخك صاير له شي أكيد انا لازم اقول حق امك
دعد سحبت جلنار وراحوا الفصل ولحقوهم باقي الشلة
جلنار وهي تبكي : ليه يا دعد كسرتي بخاطر البنت ليه
دعد : أشوف عاجبك الوضع مره شفتي وين وصلك لعبك بالبنت كانت تبغى تبوس رجلك
جلنار: بس انا اعتبرها صديقتي
دعد :يكفي كذب يكفي كلكم تكذبون كلكم مافي أحد يقول الصدق
وبدت دعد تصيح من قوة الضغط النفسي اللي عليها اللي سببه الأول فيصل وبعده سالفة منى
وصاروا البنات يهدووا فيها وفي جلنار
*********************
نفس اليوم وفي المغرب كانوا البنات متجمعين بشقة فريال ماعدا رانية اللي فريال ما قالت لها تجي
شموخ : ها دعد شلون نفسيتك اللحين
دعد : لا احسن من قبل بكثير
شموخ : ايه الحمدلله
وصاروا البنات سوالف وضحك وفلة
فريال تسكتهم : بنات ستوب كلام يكفي
لجين : وليه نسكت ؟
فريال : لأن في هذه اللحظة وبما إننا صديقات منذ الطفولة لميس راح تتحدث وتقول شو فيها من أسبوع أرجوا توجيه الأنظار إاليها
البنات كلهم طالعوا بلميس ينتظروها تتكلم
لميس بإرتباك : لا تطالعوني كذا ما كان فيني شي بش خلقي كان ضايق
البنات عرفوا انها كذابه وتموا يطالعوا فيه وهم ساكتين
لميس من النوع اللي يرتبك لو كانت النظرات مسلطه عليها نزلت عيونها وقالت : خلاص بقول بس لا احد يقاطعني وما ابغى تعليقات
رغد : ايوه خلك كذا يلا تحدثي كلنا آذان صاغية
لميس : كل السالفة إني أحب ولد عمي مشعل من يوم إني بسادس إبتدائي كبرت وتربيت على حبه وكنت كل سنة احتفل بذكرى حبي له لوحدي وكل سنه يزيد عشقي وحبي وشوقي له وكنت كل ما طلعنا طلعات عائلية اشوف نظراته لي غير حسسني أنه يحبني وهالشي خلاني الأسبوع اللي راح يوم رحنا بيتهم اعترف له بحبي ويوم قلت له احبك طالع فيني بإستهتار واستحقار وقال : انا احبك انتي ليه قلوا البنات بالدنيا صدق ما عندك سالفة وقعد يضحك بصوت عالي أنا مع كل كلمة من كلماته مع كل ضحكة كنت اتقطع داخلي وابكي هالحب اللي عطيته لواحد مثله آآآآه يا قلبي المسكين وبس اول ما تكلمت معه رجعت للبيت بعد ما استأذنت من أمي وهذي كل السالفة
طبعا البنات كانت ملامحهم تتقلب حسب الكلام من صدمة لشفقة لإستغراب لإنفعالات كثيرة وما قدروا يعلقوا
لميس بدت تبكي : ادري ما عندكم تعليق بس والله اني تعبانة من هالسالفة احس اني ذليت نفسي لواحد ما يستاهل
ضمتها لجين وقالت : انتي قلتيها ما يستاهل ولايسوى ظفر من أظافرك
قامت لميس تبكي بحضن لجين
رغد : بس انا مستغربة من شي اللحين انتي الهادية اللي مالك صوت تصيرين كذا جريئة فجأة
شموخ : ياما تحت السواهي دواهي
فريال: أفا بس يا لميس كيف تسوي أكشن وانا مو وجودة
ابتسمت لميس على خبال فريال
وبين ما البنات كانوا يهدووا في لميس والحزن طاغي على الجو على حال صديقتهم رون جوال رغد
رغد : آلو
رانية : هلا وينكم فيه زهقانة انا وابي اجي عند وحده منكم
رغد : احنا ببت فريال
رانية : اوك ثواني وجايتكم
وقفلت رغد
دعد : مين اللي بيجي
رغد : رانية
فريال تأففت والكل سمعها بس قبل ا يعلقوا دق الجرس وقامت تشوف الباب
فريال : مين
رانية : انا رانية
فريال فتحت الباب بس مو كله واتسندت هي عليه
فريال : نعم خير شتبين ؟
رانية : يعني بتم عند الباب ؟؟ وليه تتجمعوا وما تقولوا لي صدق خيانة
فريال بهدوء استفزازي : سوري قلبي بس بيتنا يتعذرك
البنات كانوا جالسين بالصالة وسمعوا الحوار اللي دار بين فريال ورانية وكلهم انصدموا
رانية : انا يا فريال بيتكم يتعذرني
فريال بإصرار : ايه انتي ولا نسيتي كلامك قبل كم يوم
رانية : بس انتي غلطانة
فريال : انا ما غلطت وسوري بس أمثالك ( وتأشر عليها كنها حثالة ) ما بيهم يطبون بيتنا
البنات قاموا عند الباب عشان يهدووا الوضع
لجين : فريال أكيد تمزحين شفيكم ؟
فريال : شايفة وجهي كني أمزح
لجين : يوه شفيك فريال تراها رانية
فريال: وعشانها رانية ماراح تدخل
لجين : من جدك انتي ليه هي شمسويه
فريال : لو لها وجه ولا بقايا حيا خليها تقول ( ووجهت كلامها لرانية ) ولا تبغيني انا اقول
رانية لفت ورجعت لبيتهم وآثار الصدمة لازلت على وجوه البنات
لميس : فريال ليه كذا ؟؟؟؟
فريال قالت :
***************

الب السابع ارت
الفصل الأول : عودة للماضي (1)
خلينا نرجع للماضي كم سنة بالنسبة لبطلتين من بطلات قصتنا
قبل سنتين
بنات شلتنا تقريبا كانت اعمارهم حول 16 سنة وهذا العمر يكون عمر الهبل الزايد على كامل اصوله
لجين : بنات وربي زهق غير شكل
رانية : ماجبتي شي جديد هو كل يوم زهق
لجين : لا بس اليوم زايد عن حده
رغد : طيب ايش نسوي لك ؟
لجين : ابغى اطلع من البيت
رغد : إن شاءالله وين نروح اللحين ترانا بنص الليل
لجين : طيب يعني حتى الأحلام حرام وبعدين توها الساعة 2 ونص
رغد : وليه 2ونص مو متأخر ؟
لجين : لا لاننا بالإجازة
دعد : بنات خلاص عورتوا راسنا ترى
وبعد فترة صمت
شموخ : بنات جاتني فكرة
لجين بحماس : يلا قولي بسرعة
شموخ : شرايكم نروح السوبر ماركت اللحين
قاطعتها دعد : اللحين هذي الفكرة ؟ مدري ليش احس انها من تأثيرات فريال
فريال : خير مالي دخل انا لوسمحتي لا تدخليني في الموضوع
شموخ : اووف منكم مثل توم وجيري خلوني ع الأقل اكمل كلامي
لجين : يلا كملي واتحفينا
شموخ : خلونا نروح للسوبر ماركت بس بدون عبايات ولا تقولوا شعورنا ومدري وشو اللي شعرها طويل تلبس كاب والبسوا بلايز واسعة
فريال : تصدقي هذي الفكرة احسها من تأثيراتي
شموخ : بس شرايك فيها ؟
فريال : أكيد تجنن ولا شرايكم بنات ؟
لجين ورانية وجلنار وافقوا
بس رغد قالت : لاعاد ادري إننا مهبل ومخنا فاصل بس ما توصل لكذا سوري بس انا مو رايحة
دعد : ولا انا
مايا : انا صراحة خوافة وما اقدر اروح ولا بفضحكم
لميس : حتى انا خوافة ولو رحت بفضحكم
لجين رفعت كتوفها بلا مبالاة : صج معقدين كيفكم خلوا الأكشن يفوتكم ( ولفت على البنات اللي بيروحوا ) يلا بنات نروح
وقاموا شموخ وفريال ولجين ورانية وجلنار وراحوا غرفة جلنار يبدلوا عشان جلنار عندها اخو اصغر منهم بسنة فطبيعي ملابسه حتناسبهم
شموخ : ما اوصيكم بنات خلوا عنكم النعومة الزايدة وخشنوا حالكم حتى مشيتكم عدلوها
جلنار : ولا يهمك يالقائد
ولبسوا البنات وخرجوا وراحوا للسويرماركت اللي تحت العمارة
دخلوا البنات وبدووا يشتروا وهم يضحكوا ومستانسين حدهم
رانية : خلاص جلنار يكفي كل هذا بنشتريه ؟
جلنار : ما عليك منتي بدافعة شين من جيبك
رانية : بس حتى لو واصلا وين حنودي هذا كله ؟؟
جلنار : ياعمي خلي عنك الثقل وفليها وخلصنا
لجين : بنات خلاص يلا نرجع يكفي
فريال : ما رأيك ايها القائد؟
شموخ : حسنا هذا يكفي هيا بنا
وضحكوا البنات ودفوا العربية عشان يروحوا للكاشير
وقبل ما يوصلوا دخلت شلة شباب للسوبرماركت وهم مسووين إزعاج وصراخ وحالتهم حالة
جلنار : بنات شوفوا شلة الشباب هذول حمدالله والشكر بس
لجين : وع شوفي أشكالهم همج
رانية : ولا شوفي هذاك كيف يدخن الله لا يبلانا
فريال : بس بنات قولوا الصدق مو حلوين خاصة ذاك اللي بالنص ياي يهبل
لجين : في ذي صدقتي
فريال كانت ماسكة يد شموخ وفجأة حستها تصلبت استغربت فريال وسألتها : شموخ شفيك ؟
شموخ بهمس : عبادي
فريال : مين عبادي ؟
شموخ : ولد عمتي
فريال ابتسمت ابتسامة غبية ولفت ع البنات
رانية : سكري فمك شفيك
فريال ما ردت
رانية : يوه شفيك فيفي ؟
فريال : هذاك الحلو اللي يدخن
رانية : شفيه
فريال : ولد عمة شموخة
جلنار : احلفي
شموخ : والله
جلنار : اجل ابشروا بعزكم ترانا رحنا وطي
لجين : اقول خلونا نرجع ورا عشان ما يشوفونا ولو راحوا نطلع
وبدون ولا كلمة لفوا البنات عشان يرجعوا ورا في السوبرماركت واول ما لفوا شهقت شموخ وبغى يغمى عليها
لأن عبادي كان واقف وراهم ومتسند على رف الحلويات بشكل حلو
عبادي وابتسامته شكبرها : هاي شموخة
شموخ بغت تموت وسوت نفسها ما سمعت وكملت بتمشي والبنات وراها بس عبادي سد عليهم الطريق
عبادي : اقول بنت خالي شمطلعك من البيت تالي الليل
شموخ ما ردت
عبادي وهو يصر أسنانه وبهدوء عشان ما يسمعوه اصدقائه : بسرعة قدامي ع السيارة اوصلكم
البنات بدون ولا كلمة لفوا وراحوا لسيارة عبادي اللي كانت بورش كحلي
عبادي : يلا اركبوا
وركبوا البنات وركب عبادي واول ما ركب رن جواله
عبادي : هلا جسوم
جاسم : وينك يابو الشباب اختفيت ؟
عبادي : لاجاني مشوار مهم للاهل واضطريت اطلع بس اسبقوني للاستراحة وجايكم انا
جاسم : اوك سي يو
وسكر عبادي والتفت للبنات
عبادي : ها يا حلوات شمطلعكم بالليل
ولا وحده ردت
عبادي صرخ : ردووا
شموخ : يعني شهالسؤال الغبي اكيد طلعنا عشان نشتري
عبادي : ووين عبيكم
شموخ : بالبيت
عبادي : بالله توني ادري
وكانوا واصلين للعمارة
عبادي : انزلوا كلكم ماعدا انتي يا شموخ
شموخ : وليه ؟
عبادي : كذا بكلمك
شموخ : انا ما ابغى اكلمك
عبادي : اوك انزلي وثواني الخبر عند اخوك
خافوا البنات ونزلوا وظلت شموخ واول ما نزلوا البنات راحووا علطول لباقي الشلة يحكوهم شصار
وعند شموخ وعبادي
شموخ : نعم ايش تبغى ؟
عبادي : اول شي ليش طالعة بدوع عباية
شموخ : كذا بس مغامرة
عبادي فطس من الضحك : يحليلكم يالبنات هبلان
شموخ : احترم حالك وقول ايش تبغى بسرعة ترى مو حلوة احد يشوفنا سوا
عبادي ولع سيجارة وقبل ما يتكلم قالت شموخ : عبادي تدخن ؟؟؟؟
عبادي : ايه نعم
شموخ : وتظن هذي رجولة ؟
عبادي : والله عاد انتي مالك خص بهذا الشي ام ولا تقاطعيني ولا ما تبغيني اقول ايش كنت ابغى ؟
شموخ : يلا قول وخلصني
عبادي بعد ما سحب نفس من السيجارة
شموخ قالت : وجع كتمتني
عبادي : يابنت اسكتي شوي خليني اتكلم
شموخ : يلا اتكلم
عبادي : شوفي يا بنت الخال انتي بنت حلوة وجذابة و انا ابغى ثمن لسكوتي ع اللي سويتيه اليوم
شموخ فتحت عيونها بصدمة : ايا النذل بنت خالك انا
عبادي : طيب وإذا ؟
شموخ : يعني شرفك يالدلخ
عبادي : والله هالكلام ما يأكل عيش .. وانا بصراحة ابغى اضمن مصلحتي
شموخ بخاطرها : ايش هذي الورطة بس خلني أجاريه واشوف ايش يبغى
شموخ : اوك بس ايش تبغى ثمن لسكوتك ( قالتها بتهكم )
عبادي قرب من أذن شموخ وقال بهمس : أبيك تحبيني مثل ما انا احبك
شموخ عيونها طلعت من الصدمة واذنها حمرت
شموخ : طيب وخر عني عشان استوعب
عبادي وخر وقال : هذاني وخرت بس اقدر استأمن قلبي عندك
شموخ حمرت وصفرت وخضرت من الكلام وقالت بصوت منخفض: اصلا انا اعشقك
عبادي فرح : عيدي ما سمعت عدل
شموخ فتحت باب السيارة : يلا انا بنزل خلاص روح
مسك عبادي يدها وقال : من جدك تحبيني ؟
شموخ رخت راسها وقالت : ايه
عبادي قرب وباسها على خدها وشموخ هنا ذابت من الحيا ونزلت من السيارة ركض
عبادي يضحك : احبك وربي احبك
وحرك السيارة ومشى
شموخ اول ما دخلت العمارة كانوا البنات منتظرينها وشافوها حمرا
دعد : ها شصار سوى لك شي أو اشتكى عليك
شموخ : لا ما سوى شي بس هاوشني
مايا : ايه عشان كذا وجهك احمر صح ؟
شموخ ما ردت وحاولوا البنات معاها تقول ايش صار بس هي ما رضت
*************************

الفصل الثاني : العودة للماضي (2 )
قبل خمس سنين
طلع الدكتور من الغرفة وقال : سوينا اللي علينا بس اللي ربكم كاتبه لازم يصير ادعوا لها بالرحمة
صراخ وناس تبكي وناس طاحت وناس اغمى عليها وصار الجو بالمستشفى كئيب
ايام العزا دايم تكون اسوء الأيام بكل مكان الحزن يكون منتشر والسواد يغطي الأجواء
كانوا الناس يمشوا ويعزوها وهي ولا كنها تسمع وبالأخير دخلت غرفة جدتها وسكرت الباب عليها وقامت تصيح وتصيح وتصيح لين غلب عليها النوم وهي نايمة حلمت بانها معاها يوم هم صغار وكانوا يلعبوا سوى ويضحكوا
نور : ههه خلاص يكفي يكفي لا تدغدغيني أكثر ترى بزعل وأموت
الشخص الثاني : لو مت بزعل كثير مره وحأبكي كل يوم
نور : خلاص بطلت محا اموت يلا نعلب بالمرجيحة بس انتي تدفيني
الشخص الثاني : طيب
وراحوا لعبوا بالمرجيحة واستناسوا
نور : دفيني بشوييش لا ههه
صحت من النوم على صوت طق الباب
الأم : يمه قومي جات صديقتك شموخ
الشخص الثاني : يمه مابي مابي اكلم احد خليها تروح
الأم بحزم : يوم اقولك افتحي افتحي
فتحت الباب وعلطول ضمتها شموخ وهي بدت تصيح
شموخ : خلاص خلاص فيفي لاتبكي إن شاءالله تكون بالجنة بس انتي ادعي لها
فريال وهي تبكي : خلاص راحت راحت ولا راح اشوفها ثاني راحت نور ماتت نور وبقيت انا لوحدي ماتت أختي ماتت صاحبتي راحت وخلتني الغالية وبقيت انا لوحدي
شموخ : لا تقولي كذا شوفي حنا حوالينك وبعدين منتي لوحدك شوفي إخوانك الباقيين
فريال : بس هي غير هي غير آآآآآآه يانور آآآآآآه ليش ليش متي ليتني انا ولا انتي
شموخ : لاتفاولين على عمرك وادعي لها
فريال : تراك مو حاسه فيني منتي حاسه باللي احسه هذي اختي وربي اختي اللي كل شي كنا فيه سوا وكل شي مع بعض ما كنا نفترق إلا وقت النوم والمدرسة ياربي رحمتك
شموخ : وحنا وين رحنا انا والبنات وين رحنا ؟
فريال انسدحت ع السرير : شموخ انا تعبانة خلاص روحي بنام وياليت ما توصل السالفة لولا وحده من الشلة
شموخ: انا اموت واعرف ليه ما تبغيهم يعرفوا ان اختك ماتت ولا إن لك اخت اصلا
فريال عطتها ظهرها : كذا بس روحي بليز روحي
وقعدت تبكي
شموخ طلعت وقالت انها بترجع لها وقت ثاني
اللي مايعرفوه بنات الشلة إن لفريال اخت اكبر منها بسنة ومن يوم هي عمرها ست سنوات مرضت وصارت حياتها كلها بالمستشفيات والأدوية وتعذبت كثير طول ثمان سنوات ويوم صار عمها 14 سنة قرروا لها عملية بس كانت نسبة نجاحها ضئيلة واحتمال موتها كبير بس نور اقنعت اهلها وقالت لو ماتت هي سوت اللي تبغاه بحياتها وخلاص وحتى لو مت اهلها ما قصروا وراح تموت وهي مرتاحة وسووا العملية وماتت نور
ومن هذاك اليوم انقلبت حالة فريال فوق تحت وماحد كان يدري شفيها عدا شموخ
*****************
نهاية البارت

الب الثامن ارت
نرجع للحاضر وقت ما البنات كانوا مصدومين من فريال لمن طردت رانية من بيتهم
لميس : فريال ليه كذا ؟؟؟
فريال : بس كذا
البنات قاموا يناظرون بعض ومليون علامة استفهام على رووسهم وكل وحده تهز كتوفها بمعنى مدري شصاير
بعد فنرة صمت تكلمت شموخ : بنات ممكن تخلوني مع فريال بروحنا
رغد : اوك يلا بنات
وطلعوا البنات كل وحده لشقتهم وخلوا شموخ وفريال بروحهم
فريال : شتبين شموخ ليش خليتيهم يروحوا
شموخ : لآنو وبكل بساطة لو قعدوا كان اتهاوشتي معهم هم بعد
فريال : مين قال أصلآ ما كنت بتهاوش مع أحد
شموخ : توك متهاوشة مع رانية
فريال : بس رانية غير
شموخ : اها وعشانها غير ليش اتهاوشتي معها
فريال وهي رافعة حاجب : يووه وانتي طاردتهم عشان تحققي معي
شموخ : انا ما طردتهم وبعدين لو سألتك قدامهم كان عطيتيني كلام يسم البدن
فريال : ليش يعني ايش فرقك عنهم يوم اتوقعتي اني بقول لك وما بقول لهم
شموخ : اقول انتي اعصابك مدري شفيها ثايرة اجلسي هنا وانا بروح المطبخ اجيب لك عصير ليمون يهدي أعصابك
ودزتها ع الكنبة وراحت المطبخ
وبعد خمس دقايق رجعت شموخ من المطبخ وبيدها كاستين عصير ليمون عطت فريال وحده وخذت هي وحده وجلست مقابلها
شموخ : اشربي شفيك تناظرين الكاس ؟
فريال : اخاف حاطه لي فيه شي
شموخ : ايش بحط مثلا مخدرات ؟ اقول اشربي بلا شكك زايد
وشربت فريال نص الكاس
شموخ : يلا تكلمي
فريال : اتكلم ايش اقول ؟
شموخ : قولي ليش اتصرفتي مع رانية كذا ؟
فريال : مدري ليش بس هي قالت لي كلام يقهر
شموخ : لدرجة تطرديها من بيتكم ؟
فريال : تبين الصدق لا
شموخ : فريال ممكن اسألك سؤال ؟
فريال : اسألي
شموخ : انتي شفيك هاليومين مو على بعضك صاير لك شي ؟
فريال : لا
شموخ : اجل شفيك ؟
فريال : مافيني شي هذاني طبيعية أكل واشرب وانام
شموخ : ايه قصي علي بكلمتين
فريال : جد ما فيني شي
شموخ : إلا فيك
فريال : مافيني
شموخ : طيب الموضوع له علاقة بنور ؟
فريال سكتت
شموخ حطت كاسها ع الطاولة وقالت : سمعيني يا فريال مو معنى ان اختك ماتت خلاص توقف الدنيا أو تقعدين تفشين خلقك بالناس ترى الدنيا ماشية وهذا شي الله قدره عليها شوفي كم سنة صاير لك متغيرة لين متى يعني ؟ انا ادري انك مفتقدتها ومو لاقية احد يجي بمكانها بس انتي متوقعة لو كانت عايشة حترضى باللي انتي جالسة تسويه بعمرك وباللي حولك لأنك من جد صايره انسانة لا تطاقين ولو تميتي كذا كل اللي حولك حيتركوكي
سكتت شموخ وكانت فريال منزلة راسها وهي ماسكة الكاس بقوة وتبكي
قامت لها شموخ وحضنتها : خلاص يا فريال يكفي بكاء والله ما كان قصدي
فريال : لاعادي كلامك صح
شموخ : اجل خلاص امسحي هالدموع
فريال مسحت دموعها : بس عشان خاطرك
شموخ : طيب ابتسمي
ابتسمت فريال
شموخ : ياحلو هالضحكة من بؤك
فريال : ترى كلها ابتسامة لين سويتيها ضحكة
شموخ : مو ابتسامة الزعلان وناسه
فريال : ول عليك شوفي شلون قلبتي المثل
شموخ : يعني تبغي اقولك نوم الظالم عبادة بعدين ليش الأمثال موجودة عشان نحطها بالكلام
فريال : صح بس مو عشان نألف فيها
شموخ : بابنتي فكينا المهم قولي لي خلاص رضيتي على رانية
فريال بوزت : لا انا ما غلطت عليها هي الغلطانة ولو عرفت غلطها بروحها حتجي
شموخ : يعني مافي مجال انتي تتنازلي
فريال : اقول فكينا من هالطاري وغيري الموضوع
شموخ : اوك بس اهم شي ما تزعلي بس بشو تبغينا نتكلم ؟
فريال : ام بخاطري سؤال من زمان
شموخ : تفضلي
فريال : تذكري قبل كم سنة يوم رحنا السوبرماركت وحنا لابسين ملابس عيال وقابلنا عبادي ورجعنا للبيت وانتي جلستي معاه شوي ويوم نزلتي وجهك كان احمر شصار بينكم ؟
شموخ : ولاشي بس كان حر
فريال بنص عين : علينا هذا والمكيف كان صاقع فينا
شموخ : وانتي ما تنسي شي ؟
فريال : تبغي تحسديني قل اعوذ برب الفلق
شموخ : ياربي عليك ملقوفة ولحوحة بس يلا بقولك عشان افتك من لسانك وقالت شموخ السالفة
شموخ : وهذا كل اللي صار
فريال السالفة ما كانت عاجبتها : طيب وبعدين صار شي بينكم ؟
شموخ : لا وين اصلا من ذاك اليوم ماعاد شفته
فريال : عشانك صديقتي واعرفك تحبين تلعبين بسألك انتي صدق تحبينه
شموخ : اكيد لا
فريال : اجل ليش قصيتي عليه ؟
شموخ : مدري شفت واحد يحبني قلت يلا خل أمثل عليه
فريال : طيب كذا مو حرام ؟
شموخ : كيفه مو مهم المهم انتي لا تقولي السالفة حق احد ويلا انا اتأخرت بروح بيتنا
فريال : براحتك بس تأكدي ترى عبادي مو من النوع اللي يخلي الوحده بحالها
شموخ : وانتي شدراك ؟ يا شيخة خلينا نستمتع بمراهقتنا
فريال تهز راسها : مدري وين حتودينا مراهقتنا
شموخ : اقول لا تطولينها وهي قصيرة ويلا مع السلامة
فريال : مع السلامة
وطلعت شموخ وسكرت الباب وراها
×××××××××××××××××××
في نفس الوقت اللي كانت فيه شموخ عند فريال كانوا أبطال قصتنا كل بطل جالسة بغرفته ويفكر خلنا نشوف بشو يفكرون
دعد كانت متربعة ع السرير ومسندة راسها ع يدينها
دعد : اللحين انا صار لي فترة من ملكت على هذا اللي ما يتسمى فيصل وللآن مدري عنه ولا شي لا اتصل وسأل اصلا اشك لو اني كنت هامته طيب يوم اني مو هامته ليش ملك علي ولو كان يحبني على قولة فريال ما قطني هالقطة الخايسة مدري شفيه قلب كياني وراح وخلاني يعني هو يدري اني احبه ما تسوى علي كلمتين قلتهم واصلا تعصيبته هذي اللي عصبها اشك انها عشان الكلام اللي قلته مليون بالميه مستحيل طيب لو ما كان عصب عشان كلامي اكيد فيه شي لايكون عاد صدق فيه شي انا لازم اعرف بس شلون ام ايه بدق عليه و بكره بأخذ رقمه من جوال امي وادق عليه لازم اتطمن عليه وهذا من حقي لأني زوجته وهو لو ما دق انا بدق
وتمت دعد تهوجس بروحها
وعند لجين كانت راقدة ع السرير ومتغطية كلها ماعدا راسها
لجين : مدري انا ذا العبدالله شيبي فيني طين لي عيشتي الله ياخذه حتى قمت أخاف مدري شبيسوي تالي لا وهذا انا أخت صديقه ولا أخوي ذا العلة اللي طاير فيه للسما قال ايش أخلاق وادب ومدري وشو لكن ياما تحت السواهي دواهي انا لازم اقول حق سعود لازم بس أخاف ما يصدقني لكن أكيد بيصدقني لان البنات بيوقفون بصفي بس خلني اصبر عليه شوي من يوم الكورنيش ما سوى لي شي بخليه لو سوى لي شي ثاني علطول بقول حق سعود أو عبود
جلنار كانت منسدحة على بطنها ع السرير ورافعة رجولها فوق ومسنده راسها على يدها وباليد الثانية تلعب بشعرها
جلنار : يوه أحس بفراغ مره كبير بعد منى مع إني ما كنت أحبها ولا أواطنها بس شعور غير يوم الإنسان يحس إن فيه أحد يهتم فيه لكن هي صراحة مدري شلون تفكر ولا فيه بنت تحب بنت عكس الفطرة الله لا يبلانا بس وهذي بدور حتى هي من زمان عنها صدق انها إنسانة عجيبة مره فلة عايشة حياتها بالطول والعرض تحب كل بنات خلق الله خ مهي صاحية وإن شاء الله بكره يوم أشحن جوالي هي اول وحده بدق عليها اشتقت لها موت يا حلو صداقتها والله خفيفة على قلبي زي البالون إلا صح شدخل البالون بالسالفة والله إني فاصلة
رانية كانت راقدة وراسها ع المخده ويدها تحت راسها
رانية : ابد ما اتوقعت ان فريال تزعل لهالدرجة من كلامي انا خبري فيها ما تزعل بسرعة مدري شفيها وحتى لو كان مالها دخل بس انا مره زودتها وهي كانت تبغى تنصحني انا ادري اني غلطانة يوم اكلم قصي بس موبيدي احبه اموت فيه اعشقه وشكله صار الهوى اللي اتنفسه وانا مدري ياحبي له يجنن يخق يذوب الله يخليه لي يارب
لميس أم الرومانسية كانت منسدحة ع الكنبة اللي بزاوية غرفتها ومشغلة موسيقة حزينة وجايبة مناديل حمرا وتبكي
لميس : انا ايش اللي خلاني اذل نفسي لواحد ما يسوى مثل مشعل ياربي شاللي خلاني اتهور واقول له عن حبي له مدري شقد أنا غبية يعني انا الهادية اللي ما ينسمع لي صوت اجي بالأخير وأكون أكثر وحده متهورة في الشلة كلها وقعدت تبكي وتمسح بالمناديل الحمرا
وعند عبادي اللي عايش جوه بقوة ولابس فنيلة وهذاك السروال الأبيض الطويل اللي يلبسونه تحت الثوب وكان قاعد يلعب بسكسوكته
عبادي : ياإني مشتاق لشموخ أفا يا ذا العلم انا رجال بلحيتي وأشتاق لبنية ما هقيتها مني بس شسوي الحب ذباح خاطري أتزوج هالشموخ وأروح فيها للصحرا أوريها البعارين والنوق والمعز والبقر هذا إذا حصلنا بقر وأوريها الديرة السنعة كيف ترابها ذهبي واصفر ولا العشب اللي متناثر ويرد الروح بعدي والله بعدي فيني ثم اخذها وأوديها للزريبة حقتي وتشم ريحة المواشي اللي تنعنش آآآآآه ياحبي لذا الريح << وينك يا شموخ تسمعي اللي يحبك
لكن إن شاء الله إني بخطبها بعد ما تخلص ذي الثانوية اللي راجتنا بها وأتزوجها بعدها بشهر
( عبادي شاب مثل ما قلنا قبل وسيم وحلو ومزيون بس عيبه إنه عربجي حده مره العربجة عامله عمايلها معاه وترى اسمه الحقيقي × بدر ×بس هو يسمي نفسه عبادي لزوم العربجة ويقول ان اسم بدر ما يصلح للرجال الرجال لازم اسمه رنان << تفكيره مقلوب ،،، ومافي احد من اخوان عبادي او اهله مثله فاهم الرجوله على كيفه وكل اهله بس يبون يزوجونه يقولون يمكن يصطلح حاله )
×××××××××××××××××××××××××
بعد يومين في الصباح
لجين كانت تلبس وتستعد للمدرسه
لجين تكلم روحها بصوت عالي : أوف ما ابغى اروح اليوم حدي تعبانة وفيني نوم ياربي عذاب الدراسه
نجوى ( أخت لجين ) : تستاهلين محد قالك امس اسهري على mbc2
لجين : صراحة فيلم امس ماكان يتفوت
نجوى تستخف دمها : خلاص خلي الفيلم يدوام بدالك
خزتها لجين : يا سخفك وربي الكلام معك منتهى الغباء
دخلت سهى للغرفة وقالت : لجين سوي شعري
لجين : اوف اوف ومافي احد غيري يسويه لك
سهى : ماما تقول انتي واصلا انتي طول الوقت ما تسوي شي بس جالسه
لجين : أعوذ بالله شوفي شقد صغرك ولسانك شقد طوله شكله اطول منك
سهى : قولي ما شاءالله لا تحسديني ويصير لساني صغير قد النملة
لجين : اللهم طولك ياروح على هالصبح اقول امشي بس خل اسويلك وارتاح
نجوى : اللي يشوفك يقول بتسوين ذبيحة كلها ربطة شعر تربطين فيها الشعر وخلصنا
لجين : لو سمحتي أكرمينا بسكوتك
نجوى وهي تطلع من الغرفة : ياشينك طول الوقت نفسك بخشمك
لجين رتبت لسهى شعرها ويوم خلصت سألتها : سهى وشو فطور اليوم
سهى : بيض مسلوق وجبن وحليب
لجين : ليش بيض كنهم ما يدرون إني ما أحب البيض وخاصة المسلوق
سهى : وانا شدراني ؟؟
لجين : انا مدري ليش هاليوم من بدايته كذا كئيب
سهى : يووه انتي من كل شي تتذمرين ؟؟ انا بنزل لأن لو تميت معك بتأخر
طلعت سهى وتركت لجين تتحلطم بروحها ويوم شافت إن مافي أحد سمعها اخذت جاكيتها وشنطتها ويوم جات بتطلع من الغرفة رن جوالها
لجين : اوف مين بعد يتصل في الصباح لا وبعد المتصل رقم ما اعرفه بس برد عشان اهزء اللي فكر يتصل علي
لجين ردت : آلو
المتصل : هلا والله بالألو وراعيتها
لجين بخاطرها : هذا اللي ناقص واحد يغازل بالصبح
لجين : نعم خير غلطان ولا عندك شي ؟
المتصل : افا ما عرفتيني يا لجين
لجين بخاطرها : وبعد يعرف اسمي
لجين : لأ ما عرفتك اخلص علي وقول انت مين
المتصل : يؤ مين اللي مزعل الحلو
لجين : يا ثقل دمك انت مع هالصوت إللي كنه كابتشينو معفن
المتصل : ههه
لجين : وشو اللي يضحك ؟
المتصل : شكلك جيعانة وما فطروك عدل
لجين : ما يخصك اصلا انا مدري ليش قاعدة أخذ واعطي معك يلا باي
المتصل : لحظة ما تبغي تعرفيني
لجين : تصدق عاد ان هذا شي مو مهم بالنسبة لي يلا باي
المتصل : شهالنفس الخايسة على الصبح عموما انا عبدالله
لجين من الصدمة راح صوتها وقالت بهمس : عبدالله
عبدالله : ايه عبدالله
لجين بخاطرها : اكملت على ذا الصبح
لجين : و من وين جبت رقمي ؟
عبدالله : من الطير الأخضر
لجين : هيهيهي سخيف
عبدالله : ها ها ها مو اسخف منك
لجين : يلا باي
وسكرت الخط بوجهه ورجع عبدالله اتصل مره ثانية بس لجين ما ردت وقعد يتصل ويتصل بس لجين ما ردت وقام رسل لها مسج مكتوب فيه : "" مره ثانية لا تسكرين الخط بوجهي لأن مو عبدالله اللي يتسكر الخط بوجهه وبتشوفين يا أخت سعود ""
لجين قرت المسج وانفجرت ضحك بصوت عالي لين امها ارتاعت وجات تشوفها
أم لجين : خير شفيك صاير لك شي ؟
لجين : لاابد بس مستانسه
أم لجين : يلا تراك اتأخرتي
لجين : يووه مامي مابي اروح اليوم
وانسدحت لجين ع السرير
أم لجين : بس هالمره برضى لأن شكلك مو طبيعية اليوم
لجين : يسلمو مام
وقامت باستها أمها على خدها وفصخت ملابسها ورجعت لبست البيجامة وتلحفت ورقدت
لجين : وربي ذا العبدالله أكشن مدري مين شايف عمره بس إن شاء الله لو جا سعود اليوم بقوله اللي صار
طبعا لجين من داخلها كانت ميتة خوف بس سوت نفسها قوية والله عالم بالحروب اللي كانت تصير داخلها من الرعب
وفي السيارة
رغد وهي تشوف ساعتها : يوه وينها لجين كل يوم تأخرنا كذا
جلنار : نجو وينها لجين ما جات للحين
نجوى : مدري عنها بس ترى نفسها بخشمها عشانها ما نامت بدري
رغد : ياسلام هي ما تنام وحنا نتأخر
وهم في نقاشهم رن جوال السواق
أم لجين : آلو شكشوك
شكشوك : نعم مدام
أم لجين : خلاص انتا روح لجين مافي يجي اليوم
شكشوك : طيب مدام انا في روح الحين
رانية : شكشوك مين اتصل ؟
شكشوك : هذا ماما لجين في قول لجين مافي روح مدرسة اليوم
رانية : والله ذي البنت ما تستحي نقعد ننتظرها بالأخير ما تجي اسمحي لي يا نجوى بس اختك سخيفة
نجوى : اوه هي من زمان سخيفة
××××××××××××××××××××××
في الظهر بعد ما رجعوا البنات من المدرسة دعد اخذت جوال امها عشان تاخذ رقم فيصل
أم دعد : ها دعد شتسوين بجوالي ؟
دعد ارتبكت : لا ولاشي بس ادور ع مسج حلو
أم دعد : ايه ياحظه فيصل تدورين مسجات علشانه
دعد : تمزحين يمه كنك ما تدرين انه من يوم الملكة مختفي
أم دعد : والله هذا اللي مقطع قلبي عليك ومخليني اتحسف قد شعر راسي ان غصبتك عليه
دعد تنهدت: يمه خلاص هذا الموضوع منتهي والحين هو زوجي
أم دعد : حسبي الله عليه دامه حارق قلبي عليك
دعد : يمه قلت لك تراه زوجي الحين لا تدعين عليه
أم دعد : تحبينه ؟؟؟
دعد : مدري صراحة قمت اشك المهم يمه بروح غرفتي اريح شوي
أم دعد : والغدا ؟
دعد : مو جيعانة خليه بعدين
أم دعد : براحتك يمه
دخل عليهم كاظم : السلام عليكم
الكل : وعليكم السلام
كاظم : أخبارك يمه ؟
أم دعد : بخير
كاظم : ودعد الحلوة اخبارك
دعد : على حطة يدك .. شخبار الجامعة معك ؟
كاظم : بخير وتسلم عليك وتقول متى راح تجيني دعد ...الا يمه وين غداكم تراني ميت جوع ؟
أم دعد : ما حطيناه ابوكم ما بعد جا ودعد قالت ما ودها الحين تعبانة
كاظم : وانتي كله تعبانة يا دعد لكن تدرين شخاطري فيه ؟
دعد : وشو ؟
كاظم : ودي امسك ذا الفيصل واذبحه
دعد : ليه لا يكون ماكل حلالك ؟
كاظم : لا بس من يوم خذاك وانتي متغيرة علينا حشى ما يسوى عليك ياخذك ويقطك كنك قوطي بيبسي هع هع هع
دعد : اروح انام ابرك من القعدة معك وتراني ما ارضى عليه
كاظم : اموت انا ع الحب اجل لو هو يعاملك مثل المخطوبين كان اتبريتي منا صح ؟
دعد قامت : اوف ياشينك يا اخي
وخلتهم وراحت غرفتها وتسبحت وبعدين جلست على السرير
دعد : ادق عليه الحين ولا انام ولمن اصحى ادق ... اقول خلني ادق الحين وخير البر عاجله
ودقت دعد ورن الجوال ومع كل رنة قلب دعد تزيد دقاته واستمر الجوال يرن فترة طويلة لين رد فيصل
فيصل بصوت تعبان : نعم
دعد بخاطرها : ليش كذا يرد بنفس خايسة بس صوته شكله تعبان وإحساسي صدق ياعمري عليه ليتني معه اخفف عنه
استغرب فيصل محد رد : آلو فيه احد ع الخط
دعد بصوت ناعم من الحيا : شخبارك فيصل ؟
فيصل قلبه مستحيل يغلطه بالصوت وقال بخاطره : آآآه يا دعد كنك حاسه فيني لي فترة مقفل الجوال واول ما فتحته انتي اول شخص اتصل
دعد بخاطرها : شفيه ساكت لهالدرجة سؤالي صعب لكن انا بعد بسكت و بنتظره لين يتكلم
بعد فترة صمت من الطرفين وكل منهم سابح في افكاره تكلم فيصل وقال : انا بخيير بس ليش داقة ؟
دعد بخاطرها : شهالأسلوب الله لا يبلانا
دعد : ابد بس داقة اسلم واشوف اخبارك؟
فيصل : وعرفتيها الحين ؟
دعد : فيصل فيك شي او مريض ؟
فيصل : ما فيني شي
دعد : متأكد
فيصل : ايه متأكد
دعد : بس إحساسي ما يقول كذا
فيصل : اقول خلي الاحساس لك تراني مو فاضي للخرابيط ولاتدقي مرة ثانية ويلا مع السلامة
دعد : بس لحظة
لكن فيصل ما انتظرها تكمل وسكر الخط بوجهها
دعد بتحدي : والله لا ارجع محبته لي مثل قبل وما اكون دعد لو ما سويتها
وعند فيصل كان يفكر : ليش يا دعد دقيتي وقلبتي المواجع علي ليش ياربي ارحمني والله اني ما استاهلها
×××××××××××××××××××××
نهاية البارت