ماردت فعلك لوكنتي مكاني بكل امانه

مرحبا بنات انا صاري قدامي موقف من مده وضايقني مره جلست فتره افكر فيه بعدين نسيته حتى امس كنت بالسوبرماركت بقسم المكرونات وجالسه اطالع بالانواع حتى حسيت بحركه وهمس وراي خلاني التفت اشوف وش يصير انصدمت بالموقف الي قدامي رجال ماسك ايد زوجته بقوه وجالس يحكي بهمس وكان معصب مره انا سويت نفسي مومنتبها عشان ماحرجها الوضع طول الرجال مستمر بالهمس وشوي ويعلى الصوت وكان اغلبه سب فيها واهلها انا لتفت للمره الثانيه لاني خفت ولاعادعرفت وش كنت راح اشتري كنت ابغى اطلع من القسم باسرع وقت لاني حسيت ان الوضع يمكن يكون شبهه الا اخرالممر خادمه معاها طفلتين اعمارهم 4او5 سنوات وطفل بلاشهرشايلته على يدها وجالسه طالع الموقف واهي مبسوطه والبسمه شاقه وجها انا فرقعت بالمره طالعت فيها قلت خير انتي ليش واقفه هنا وين مدام فاشرت على الثنين الواقفين التفت علينا الرجال جلس يطالع وهومعصب ورجعل للحرمه الي معاه ومسكها من يدها ودفها بقوه على قدام هويقولها امشي لميتي علينا الناس الله يفشلك يا..... انا عيوني طارت خير وشوهذا وش قلت لاحترام هذي بعدين مهما صار اهي زوجتك ليش هذا كله عيب انا صراحه خوافه ولااحب الفت النظر اوالم الناس حولي احسه حركات سوقيه وحركات ناس مومتربين ابد بس ماقدرت ماارمي كلمه قلتها وناماشيه بسرعه قلت ادب وانعدام احترام للاخر امحق قدوه تعطيها لعيالك وقاحه انا خفت انه يعملي شي بس ربي ستر ولاقالي شي مشيت لاختي وانا مفرقعه منه الا اهوماشي معنا عند الكشير قلتلها شفتي هذا كان جالس يسب ويلوي يد زوجته ولاهامه العالم الي حوله اهي جلست طالع فيه وطالع بعياله بعدين التفتت علي وقالت ماعرفتيه انا بلمت فكري راح بعيد قلت لها لاتقولين من اهلنا عشان ماروح اذبحه قالت خير وش اهلنا بعدين ياغبيه ماراح تعرفينه ضحكت لاني كنت من جد معصبه ولاني قادره اجمع قلت لها مين قالت راعي الاشاره انا عيوني صارت عيون بومه من الروعه جلست اطالعهم واطالع اختي معقوله مستحيل اشلون سبحان الله تخيلو ان هذا الرجال نفسه الرجال كان عامل موقف قدام العالم خلاني متضايقه وسبب لي وسواس شنيع بعده الرجال هذا الله يطول بعماركم كان واقف عند اشارة العروبه الي يسارنا مركزالقرعاوي الي ساكنين بالرياض راح يعرفون الموقع المعروف ان هذي الاشاره زحمه وخصوصا الاوقات الموسميه تخيلو ايام العيد وزحمت لاشاره واصله الى التخصصي كان من جهتي سياره فيها طفل شكله ماشالله مره كيوت يجنن تلعبه شغاله ومعاهم بنتين جالسين ساكتين انا متنحه فيهم السيارات تمشي بشويش وتوقف وانا اطالعم وانا بعالم ثاني انتبه لحركه خلتني اصرخ خلت كل الي معاي يرتاعون قلت طالعو هالمجنون الرجال بدون اي مقدمات التفت على الحرمه الي جنبه وجلس يضرب فيها كفوف وبعدين مسك راسها وضربه بالشباك ورجع يضربها على وجها بشكل يخوف انا جالسه اصارخ اقولهم اعملو شي هذا مجنون لما فتحت الاشاره ومشت السيارات وقف وكمل يسوق لما وقفت فينا الاشاره مره ثانيه رجع يلوي يدها بقوه ويضربها على وجها وحده من البنتين حاولت تفكهم وجلست تضرب فيه عشان يفكها تخيلو وش كانت ردت فعله التفت عليها واهوزي الوحش وضربها كف ودفها باقوى ماعنده البنت طارت الى مارجعت تطيح على وجها البنت الثانيه خافت وجلست تبكي والشغاله مسكت البنت واهي متشققه من الوناسه تخيلو انها كانت تضحك بشماته انا بغيت انجن من القهر اقولهم تصرفو هذا حيوان متخلف امي قالت ولا كلمه ماعلينا منهم لكم ان تتخيلو ان الوضع استمر حتى تعدولاشاره اهم راحويمين واحنا رحنا على طول مهما كان الشي الي اهي عملته ماتستاهل انها تتعامل بهاطريقه خير وين احنا فيه انا لماتذكرته حسيت كل قهر الدنيا فيني حقدت عليه من كل قلبي استنيت لما نخلص من المحاسبه وانا كل هالوقت اغلي من جوالما خلصنا طالعت بشوف اهم خلصو ولالسه الى اهم عندباب الخروج قربت الى ماصرت قريبه من الحرمه والتفت عليها وانا ماادري من وين جتني هالاجرائه وين راح خوفي بس حسيت اني اتكلم من غير شعوري قلت لها وش الي يحدك على واحد مريض نفسي تعشين معاه وتعقدين عمرك وعيالك اذا انتي ماخفتي على نفسك خوفي على هالمساكين الي بذمتك وراح تسالين عنهم يوم القيامه انتي وهالمتخلف الي جنبك وانت اتق الله اما امساك بمعروف اوتسريح باحسان الرسول قال ادبوهم بس موبالطريقه هذي تتوقعون ايش قال بكل بروده انتي وش دخلك بعدين لواني مكفخه كلها لويت يد انا سكت صراحه مافي كلام يسعفني عشان ارد عليه طالعت فيه وقلت له بكل برود قدرت اني اصطنعه مواول مره اشوفك فيها تضربها اهوارتاع حتى اهي قالت انتي مين تعرفينا قلت لها لا انا مااعرفك بس انا شفتكم من فتره وكان يضربك بالاشاره وبكل برود يرجع يكمل السواقه كانه موعامل شي اهي احسها انصدمت قلت لها انا نصيحه لوجه الله اذا ماعندك سند في شي اسمه حقوق الانسان فيه محاكم فيه مراكز متخصصه انها تستقبل مثل هالشكاوي وراح تساعدك ولا قولي لاهلك لان مافيه اهل بخلو بنتهم تعيش بالوضع هذا مهما كانوهذا اذا هم عايشين ومشيت واهو ماقعد سبه في الدنيا ماقاله لي واختي كانت خايفه تقول لايسوي لنا شي شوفي شلون يطالع قلت لها بقلعته يده الي مايطوله بيده يوصله برجله ...
وش رايكم بالشي هذا هاليرضيكم اذا كنتم مكاني في كلا الموقفين وش كانت ردت فعلكم هل انا تصرفت بطريقه صحيحه ام تدخلت بشي مايعنيني؟؟!!!<<<<<<<<<<<<<<<منقهره بقوه حاسه انها الي نضربت