ماشاء الله تبارك الله بنات شعري صار جنان الله يوفق صااحبة الخلطه

1. كيفكم شخباركم ان شااء الله بخير . .


2. فنجال عسل


3. بيضه واحده

مرحبا صباياا

كيفكم شخباركم ان شااء الله بخير . .

اليووم بحكي لكم قصتي مع شعري شي ماتتصوروونه حتى انا مااتوقعت هالنتيجه . .
قبل فتره نزلت مووضووع اشكي فيه من شعري :icon33: المهم حصلت موضووع للأخت ( *احبه حيل* ) وقريته وسجلته عندي في ملف الخلطات ونسيته طبعا . . شعري كان باهت متقصف جاف قاسي مادري وش اقوولكم صراحه :icon33: . . وكل من شافه يقول ليش شعرك خرب ليش شعرك كذا شعرك مو حلو اعتني فيه . . جربت المايونيز ماحسيته نفع خيسني على الفاضي . . جربت زيت زيتوون مع زيت عاافيه صار شعري حلو معها لاكن ثاني يوم رجع لحاالته . . جربت بارشووت العلبه الزرقاء الزيت حسيت بتغير بسيط . . المهم طلبو مني صديقااتي رجيم ورجعت افتح الملفاات الي عندي وحصلت كذا خلطه ورجيم ومن بينها خلطة الاخت . .
طبعتها ووزعتها على البنات وتركت لي وحده . . ( مابااقي الا اذكر الزمان والمكان خ ) تحملووني . . اليوم كنت فاضيه جدا وانا اقلب في اورااقي الا احصلها قلت ياابنت مااورااتس شي توكلي على الله وحووسي بشوويشتس واجهز الاغرااض واجهز العده واسمي بالله وابدأ في المعركه خ ( ماكذب عليكم لو قلت اني ابدا ماحطيت في بالي ان الخلطه بتضبط معي ابدا ) عقب اربع سااعات تروشت وتعالو شوفو لمعان مو طبيعي واحس شعري فيه حيويه موو طبيعيه حتى لوون شعري صار جنان :icon28: . . قلت يمكن اني اتوهم لاني ابي اقنع نفسي بالخلطه طيب او بالغصب . . لبست خلااقيني ورحت اسير على جدااني الكل سألني صاابغه شعرك ؟ معالجته ؟
وعاد انبسط واتشقق من الفرحه قلت لا هذا حنا قالو تسذبين << ماعندهم وقت خ
قعدت اقسم واحلف بغيت ابتسي الا شووي يالله صدقوو . . قالو عطينا طيب الخلطه نجرب قلت معصي << اردها لهم خ . .
قلت ماراح ابخل على خوااتي وبما اني استفدت منكم كثير قلت افيدكم بتجربتي
الخلطه هي كالتالي /
حنا مطحونه(الكميه تتحدد حسب طول شعرك)
فنجال محلب مطحون(المحلب غير الحلبه وتلقينه عند العطار لونه سكري على بيج)
فنجال حبه سوداء مطحونه(اللي هي حبة البركه)
ملعقه كبيره مسمار مطحون(اللي هو القرنفل)
ملعقه كبيره قرفه مطحونه
نصف علبة زبادي
ملعقه كبيره خل تفاح او خل ابيض
فنجال من اي زيت متوفر عندك ويفضل زيت زيتون او خروع اولوز او جوزهند

فنجال عسل

بيضه واحده

تعجنين الحناء اولا بماء دافي يميل للحراره(تتركين المويه تغلي وبعد ماتدفى شوي تعجنين بها الحنا)وبعدين تضيفين باقي المقادير وتخلطينها زين وتغطينها وتتركينها تخمر على الاقل ساعه كامله ويفضل تعجنيها في الليل وتحطينها في الصبح بس لاتخمرينها اكثر من ثمان ساعات
تقسمين شعرك اقسام صغيره وتحطين الخلطه من الجذور للاطراف وبعد ماتنتهين ارفعي شعرك لفوق ولفيه بسماط اوبورق التغليف البلاستك وبعدين لفي عليه شيله وخليه على شعرك زي ماذكرت على الاقل خمس ساعات وبعدين اغسليه ونظفيه بالشامبواي شامبو تستخدمينه ويفضل تزيتينه بعد يوم اويومين بأي زيت عندك
اللي يصبغون شعورهم ممكن يستفيدوا من الخلطه بس بدال الحنا سدر مطحون وبالتوفيق ياحبايب قلبي

• احبه حيل* / الله يوفقك وين مارحتي ويرزقك بالي تتمنيه كله ويوسع لك برزقك ويستر عليك

ويرزقك الجنه بغير حساب اللهم آآآآآآآآمين