ياحريم ويابنوتات تعالو شوي واصله قمة الإنهيار من شعري تعالو وتعرفون ليه

السلام عليكم ورحمة الله وبركاتة :
والله إني واصلة قمة الإنهيار
هذي قصتي
والله ورب السماء والأرض إني ما أبالغ لو قلت لكم عن حالة شعري من ولادتي إلى عمر 17 سنة
والله ماكنت ألاقي شيء أمسكة فية من كثرتة (ماشاء الله تبارك الله) , كان
أسود وطويل وناعم , وكل الناس ميتين علية وعلى نعومتة..
وماكنت أحط علية ولا شيء (لا حناء ولا زيوت ولا أي شيء من هالنوع )
و وصلت ثاني ثانوي وإنفجعت بوفاة صاحبتي مع أهلها كلهم في حادث , وراح شعري
الأسود كلة ((شيب))
وأنا لسة صغيرة..
تساقط بشكل غزير _والله الشاهد علي ما أكذب_ كان من بصيلة الشعر من دون ما أحس فية ..
وقصيت شعري إلى نصف الكتف , وأنا أبكي بدموع تحرق قلب كل من شافني !!
وزاد التساقط ,,
وقصيته كاريه في ثالث ثانوي ,,
ولا زال يتساقط ,,
(قالو لي الصدمة أثرت فيك من وفاتها وخلت شعرك (آآآآآآآآه يروح)
والحين أنا بالجامعة و والله لي ثلاث سنوات نفسيتي تجنن ماشاء الله ومبسوطة ؟؟؟؟؟؟
بس شعري راح
والله والله إن حالة شعري إلى وقتنا الحالي يحرق قلبي ..
طال إلى نصف الكتف **بس مايجي 50 شعرة**
ويتساقط بغزارة من خمس سنين لا نفع معاي زيوت ولا قراءات .. والحمدلله على كل حال..>>> أدري طولت عليكم بس أنا هاللحظة حابة اتحدى نفسي وبإذن الله راح أرجعه أحسن من أول
ومش عارفه أجرب أي زيوت أو خلطات مضمونه..
فأسألكم بالله فرجو كربتي ولم ولن أنساكن من الدعاء ماحييت !!
أتمنى أي وحدة تكتب خلطه هي مجربتها لنفسها وإذا ماعندها بس أتمنى تدعي لي ..
شاكره لكم سلفا..
وقبل لا أنسى أنا طبيعة شعري حاليا (مقصف , جاف , مصبوغ باللو البني الغامق لإخفاء الشيب اللي
شكلة مستمر معاي إلى يوم وفاتي **بس ترى عمري حاليا 22 سنه لاتفكرون إني عجوز من قصتي
)
في أمان الله ..