مسالا دجاج على طريقتي الخاصه لذيذه وراح تشهدون بذلك

رونق الأمل

26-09-2022 - 10:57 pm

السلالالالالالالام عليكم
اخواتي الفراشات حبيت اعطيكم وصفة المسالا الدجاج على طريقتي الخاصه ان شاء الله تعجبكم ....
المقادير :
دجاجة ونص او دجاجتين حسب الكمية الاشخاص ومقطع الى مربعات
بصلتين صغار تقطع مربعات ومعهن فصتين ثوم وفلفل اخضر كبير حسب الرغبه وجزر مبشور حسب الرغبه برضوه والبهارات (معلقة فلفل اسود معلقة فلفل احمر معلقة بهارات مخلوطه ومعلقة ملح ) والصوص حسب الرغبه او ليمون
و2 روب المراعي تبع الاكل مو تبع الشرب
ومشروم مقطع
الطريقة :
تخلط بالخلاطه الكهربائية الروب مع بصله وفصة ثوم ونص معلقه من كل البهاارات الموجوده والصوص والليمون
بعدها نغمس الدجاج بهالخلطه ونخليهم لمدة ربع ساعه او نص ساعه وبعدين نسخن شوية زيت ونحط البصل ونحمره شوية ونضيف عليه البهاارات الباقيه والثوم والفلفل الاخضر والجزر والمشروم بتطلع الريحه واو وبعدين نضيف الدجاج المغمس بالروب ونقلبهم لين يستوي الدجاج عندنا وبعدها نجيب صلصه ونحطها مع ربع كاسة مويه انا احيانا احط ورقه ونص صلصه مع الملح طبعا ونضيفهم للطبخه وبعد ماتستوي عندنا نطلعها طبعا هي شويه حاره هالاكله بس مع الخبز او الارز شي روعه احم ونزين الطبق بشوية خس او شرائح الليمون او الطماطم حسب الرغبه ... وبالهنا والشفاء ادعولي يابنات ...
والسلالالالالالالام خير ختام ....

التعليقات (8)