مشروع زراعة قرعاتنا بدون ريحةو بنتاايج جنان

1. المهم يا حلوات بدون طواالة


2. 3- الكثيرا


3. 5- حبوب فيتامينات للشعر .. انا استخدم vitamins for hair

يا بنات يا حلوات بدخل في الموضووع على طول
حبيت نسوي قروب نتجمع كلنا و كل وحدة تشجع الثاانية >>

المهم يا حلوات بدون طواالة

الساالفة و ما فيها ان لازم نزرع قرعااتنا بطريقة سهلة و برنامج بدوون ريحة للمتزوجات و لغير المتزوجات لان ما في وحدة تحب تنطرد من البيت و طبعا لازم يكون برناامج مضمون 10000%
طبعا هالبرنامج انا تعباانة عليه و من منتدى لمنتدى و اشوف النتاايج عند البناات المجرباات و كلها ان شاء الله مضموونة 100% و انا ياا بنات ترااني باادية فيها من اسبوعين تقريبا و لاحظت تغير فظيع في قرعتي و الله ان الشعر بداا يغزر بس حبيت افتح هالموضوع عشاان تشجعووني و اشجعكم
نجي للبرناامج الحلو
1- و هذاا مادحه الدكتور القحطاني
تاخذيين زعتر بلدي مجفف تلاقينه عند العطار .. 2 ملعقة زعتر + 2 كاس ماي و تغليينه على النار
و تخلينه لما يبرد و تحطين منه كل يوم على شعرك .. بخييه على الشعر كل يوم
الفاايدة؟؟؟
يخلي الشعر ما يطييح و ينبت القرعة ... طبعا لا تقولي فيه ريحة .. ريحته ابد ما تبين و انا احطه و اروح الجامعة
2- زيت الخروع يا بنات و الله جنان
اي وقت من الاسبوع حطيه في شعرك لمدة ساعة .. اول ما تحطينه على الاماكن القرعة و تدلكينها خمس دقاايق و تغسلينه بعد السااعة ... لا تقولي ثقيل ترااه و الله يجنن و يروح من الشعر بسرعة بعد الغسل

3- الكثيرا

طبعا هذا بعد من عند العطاار.. شكلها مثل الاظاافر و احسنها البيضا.. تاخذين قطعتين منه و تخلين عليه فنجانين مااي سااخن لمدة 24 ساعة و بيصير لك مثل المهلبية
و تخلين منه في الامااكن القرعة و ترااه مفيد جدا جدا في انبات الشعر .. و لا تقولين فيه مواد مسرطنه او مادري ايش .. انا سألت دكتورة و قالت لي مرة زين و ما منه ضرر و ترااه يستخدمونه في ايراان بكثررة و شعورهم تجنن ما شاء الله
طبعا كل ما تخلص الكمية تسوين مثل الطريقة و تقدري تخلينه في الثلاجة اسبوع بس و كل اسبوع سوي غيره
الي شعرها جااف تخلط معاه شوي من زيت باراشوت
4- زيت باراشووت .. يا بنات لا تستهينون فيه ابدا ابدا انا مجربته و الله يخلي الشعر قوي و ما يطيح و يطوله

5- حبوب فيتامينات للشعر .. انا استخدم vitamins for hair

من شركة nature's bounty و هذا علبته وردية و انا استشرت اختي قبل ما آخذه لانها دكتورة و قالت لي انه ما منه اي ضرر و جدا مفيد للشعر خصووصا مادة حمض البانتوثين الفعالة للشعر و حتى في المواقع الاجنبية مادحيينه
الحين البرنامج كيف؟؟
منقوع الزعتر كل يوم في اي وقت تحبين رشي منه
زيت الخروع مرتين الى 3 في الاسبوع قبل بساعة من غسل الشعر
زيت باراشوت اي وقت تحبين و هذا يكون نص ساعة قبل الغسل
الكثيرا مرتين بالاسبوع و تخلينها في شعرك 3 ساعات و ما لها اي ريحة
يا بناات انا صار لي اسبوعين على هالبرناامج و احلف لكم بالله ان شعري متغير و حتى اشووف شعر صغاار نابت لي بين الشعر الطويل و بدااوم عليه لما احس ان شعري كثيف جدا
اي سؤال انا حااضرة