مشكلتي مع زوجي وفارق السن

1. بنات كلمته جرحتني كثير اهانتني قتلتني صدمتني

يسسعد مسساكم وصباحكم صبايا
يً رب يجعل ايامكم سسعآده ورآححه
ترددت انزل الموضوع لكن مالقيت احد افضفض له الا هنآ لعل وعسى القى حل او دعوه تريحني
أنا عمري 21 سنه بالجامعه زوجي عمره 33 سنه متزوجين لنا 9 شهوور ..
مشكلتي كان زواجي تقليدي زوجي يقرب لابوي وخطبني ونصحني ابوي ووافق عليه وماكان قدامي اي قرار الا اني اوافق من القهر
بيني وبينكم انا كنت احب ولد خالتي والكل كان يعرف هالشي وهو كان يحبني وخطبني من ابوي لكن للاسف رفض لانه ماديته شوي ضعيفه وقتها كان يدرس بجد كان حلم كل بنت اخلاق وروح حلوه ومرحه
وقلب ابيض ونظيف طاهر لايعرف الغدر ولاالنفاق لكن ابوي يفكر اكثر شي بالمستقبل وكيف بعيش معه رغم ان ابوي يحبه لكن كان يبي لي واحد متهيأ لزواج
طبعا ولد خالتي بنفس عمري وبينا كان ذكريات ححلوه كان الاخ والصديق والحبيب ومن رفضه ابوي بدا ينسحب من حياتي ويترك لي مسجات بالايميل طبعا كل شي كان مسن نهائيا مافكر يدق علي او اقابله كان يخاف علي كثير وعلى سمعتي ..
امي وخالاتي وخوالي يدرون بحبه لي لكن مثل ماتعرفون هالدنيا ماتجمع الحبايب دوم تفرق
صدق ان الحب موجع والفراق يذبح وبنفس الوقت يقتل كل شي حلو فيك
كان يوصل لي اخباره خاالي اقرب انسان لي ولولد خالتي خالي بكى كثير لما درى انا افترقنا
ولد خالتي انسحب من حياتي لما سمع ان فلان بيخطبني وابوي موافق عليه ارسلي مسج وقال استخيري ويمكن فراقنا خيره لك
اه يابنات الفراق عذاب تختنق رووحك ومحد يحس فيك صرت وححيده من بعده ميت احساسي كنت اترجاه يرجع بس اشوفه مسن كان يخبر خالي بمسجاتي وتعب كثير وخالي مثل المرسال بيني وبينه انتهت سعادتي من رحل عني ..
مرت سنه على فراقنا وكلن راح فطريق انا احتري بس لحظة لقاه افضفض له مثل قبل ويرجع لي سعادتي اللي فقدتها بس ماكان يبغى اتعلق فيه اكثر من كذا وهو مقهور من اللي صار ..
طبعا بعد سنه صارت الملكه ونهائيا ماقابلت زوجي ولاحتى مكالمات بيننا نوعه من الدقه القديمه
كنت احس ان مابينا اي توافق وخايفه من ايامي معه
قرب الزواج ومرت ايامي بهدوء معه حتى شهر العسل كان جدا عادي
لاتقولون لانك تفكرين بولد خالتك بالعكس الفتره اللي راحت حاولت اشيله من بالي
لكن انصدمت بواقع اول مره اعيششه حسيت ان ايام العسل كانت مجاملات
هو صدق ان طيب واخلاق كويسه لكن يقط نغزات تفكيره جدا متحجر وفيه نوع من الشك
جوالي اذا دق لازم ياخذه يشوف مين و مسجاتي يقراها قبلي بدون استأذان حتى سواليف صحباتي لازم يقراها
اسلوب جاف جدا والادهى من ذلكك الفلوس مايطلعها الا بعد مااموت وانقهر واكره الحاجه اللي بشريها بعدها يجيب اللي ابيه وربي يابنات احس اني طراره قدامه مية ريال اشحدها منه مايطلعها الا بعد ايشش
تحملت وقلت يمكن يتتغير لكن كل ماله يزيد استحي اخذه معي للسوق لانه يفشلني بالمحل واحبس دموعي واطلع
اتهرب منه واروح مع اهلي عشان مايزعجني ويفشلني
اليوم بكيت وانهرت قدامه كم شهر وانا اكتم بقلبي واحبس بدموعي واقول ماهو كفو ينزل دمعتي لكن ماتحملت اليوم وبكيت وجلست اشاهق وابكي مثل الصغار وربي يابنات ماتحرك فيه ساكن
يتريق علي ويقول قلبتي بزر لعنبو دارك شف وش سويت فيني وكلامك اللي يجرح ومع هذا يقول وش اثر فيك ياحساسه
كنت رايحه محل ديكورات بشتري تحف لان بيجوني ضيوف وقلت بزين فبيتي ماحطيت فيه شي ودخلت المحل متفقه اشتري لاني عارفه بيسوي لي سالفه بالمحل ولما عجبني منظر<
قلت بشتريه قال يالله قدامي للسياره حسيت كل شي فيني تجمد وانكسر قلت بشتريه وسعره سخيف مره 135 ريال اقسم بالله اني اخذته بس كذا لاني لوباخذ واحد غالي اعرف بيطردني من المحل من زود بخله قال غالي يلا امششي صاحب المحل سعودي تفشلت وانقهرت قال فر السوق كله بتلقاهم على 800 و900
قلت ماراح احصل ارخص منها قال يالله السياره ومشيت وانا ودي اصيح بالشارع وارمي نفسي قدام سياره يمكن افتك منه وارتاح حاولت اكتم بقلبي بس ماقدرت وجلست ابكي بالسياره وفجرت كل شي فيني
ليه كل شي اطلبه وربي رازقك بالفلوس ماتعطينياه ماطلبت المستحيل اتفه شي وارخص شي اطلبه وخواتي يسألوني وش هالشرا غريبه رخيص وشسالفتك وانا اقول بقلبي ماتدرون اني طحت بمصيبه وعند واحد بخيل
انا صاحبة الماركات واللبس الغالي صرت ارخص شي اشتريه انا ماقصدي اتكلم عن قيمه او شي رخيص او غالي ماهمني لكن طبعه يقهرني يذبحني اي حاجه اشتريها يهاوشني عليها اقسم بالله ويشهد علي الله اني ماقد طلبت منه فلوس الا عصب علي
سولفت مع امي وقالت كنت حاسه انه بخيل مثل ابوه رغم ان ربي رازقهم بالفلوس لكن الحياه معهم تعيسه جدا تعبت معه كثير لاجيته بالطيب مانفع كلمت خالي من قبل قال اتركيه وربي يعوضك غيره قررت اتركه رفضت امي قالت بدري الرجال يمكن يتغير
يابنات فكرت بالطلاق وعطتني امي حبوب منع حمل اذ ماتعدل اسلوبه وطبعه الشين اتركه
وامي الحين تسألني عنه واقول زين ماعليه تعبتها معي من كثر ماتفكر فيني
وش اسووي معه تعبت منه ومن اسلوبه هو كبير وتفكيره مثل الشياب فرق كبير بيني وبينه بالتفكير وبكل شي
اليوم مقهوره حيل منه ويقول اني حقووده ويقط كلام انقهرت وقلت لودريت ان هذا طبعك ماوافقت عليك
قال انا مااخذتك الا عششان ....... افهموها
يعني بس هالشي اللي يبيه مني ؟؟؟يعني هذا مفهوم الزواج عنده ؟؟

بنات كلمته جرحتني كثير اهانتني قتلتني صدمتني

مجرووحه حيل منه ومع هذا يقول انا وش سويت لك؟؟؟ ياناس وش يحس هو فيه وربي عديم احساس
اليوم بس عرفت انه اكبر غلطه بحياتي ندمانه حيل يابنات حيل اه بس لو ارجع لاايام زمان عند امي وابوي واعيش بسعاده اه بس لو ارجع تحت رجول ابوي اللي بحياتي من عشت عنده ماسمعت كلمه منه تجرح لو حتى طلبت منه فلوس عطانيها بهدوء بدون دعوه علي او عصبيه او اطرها منه
اخ بسس تعبت منه وانا الحين حامل ومتورطه كيف بعيش معه هالعمر هذا كله مع اسلوبه المتحجر وبخله كيف بيعيشون اولادي معه وطبع ابوهم كذا ؟؟؟
لمتى اجلس اطر منه فلوس وغيري لوطلبوه طار لهم وعطاهم وانا اجللس اسبوع احن واترجى
كل شي فيه يقهرني مايحس فيني اهم شي عنده وقت النووم بس وربي مو حاسه بطعم السعاده معه اي زواج واي حب بعد الزواج اللي يتكلمون عنه اه بس انخدعت بكلام الناس لما قالو لي اذا صار فرق العمر بينكم كبير بتكون حياتكم سعيده هه وانا اشوفها تعيسه مامن سعاده
تعبانه منه حيل وهو مو حاس فيني حتى تعب الحمل مو حاس فيه ولاهمه
مادري وش اقولكم بس عن جد اتمنى احد يشور علي وش اسوي معه اتبعت كل الطرق معه مافادت لارومنسيه ولاشي