معاناتي الوضع متأزم

آآآآآآآآآآآآآآآآآآآآآآآآآآآآه
وأأأأأأأأأأأأأأأأأأأأأأأأأأه وحده ثانية ..
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآىه ثالثه ..
وش اقولكم ؟ وش اخلي ؟
لي اسبوع افرفر في السوق ادور لي لبس للصيف وبالقوة امس شريت لي فستان ..
مو ذاك الزود بس يمشي الحال !!
وقسته اوري اهلي وطلعت عندهم وكلي ثقه اني جميله
ولكني صُدمت بضحك أهلي وشماتتهم علي .. لأني وبلا فخر املك جسم سمين
تخيلوا اني ما عندي شي اسمه ارداف ابدن ولا شي اسمه صدر ابدن ولا حتى شي اسمه كرشه ابدن وجسمي ما شاء الله لا يعلى عليه رشيقه بشكل لا يوصف !
والله العظيم ودي ابكي من امس بس جاني صدمة عصبية وردة فعل عكسية خلتني اضحك بشكل هستيري ..
المشكلة ان المناسبة يوم الخميس وما فيه اي لبس عندي / وما فيه امل اني اتبع حمية او استخدم خلطة تحفني خلال 4 ايام
طول السنة ابلع ابلع ويدي 24 ساعه في حلقي ولما اجي اشتري لبس افوق واصحى !
وكل من شافني يعطيني فوق عمري بكثير ..
عمري 16 سنة تخيلوا ان العام في الصيف صحبات اختي لما شافوني يقولوا لها اختك في الكليه ؟
ولا الطامه الكبرى وحده تسأل اختي اختك مدرسة ؟
متخيلين الوضع كيف متأزم
في شهر 2 سويت رجيم دشتي لمدة 3 اسابيع .. وكان فعال جداً نقصت 7 كيلو غير ان كل من شافني يقول وش مسويه بجسمك ؟ مره نحفت وتغير حتى مقاسي ,, انصحكم اللي بالها طويل تسويه ..
بس نفسي تعبت ورجعت للأكل بشراهه !
حتى وانا نايمه ما ارتاح ابداً احس اني اختنق ما اقدر اتنفس ودي امسك جسمي واحطه جنبي لين ما اصحى من النوم
وفوق كذا ما اخفيكم عندي حساد واعداء كثيرين ودي بس انحف واقهرهم اخ يا القهر ..
حتى امس جيت اقيس الحذيان
اللي تحي على طول الساق ، تخيلوا انها مو راضيه تتقفل ! مع اني كنت لابستها الصيف اللي راح ..
وضعي جالس يتدهور بشكل مو طبيعي ..
8
8
جزء بسيط جداً من معاناتي
اتمنى تعطوني نصائح او حميات معينة تنقصني على الاقل كيلو كل يوم ..
مستعده اتنازل عن كل المناسبات في هالصيف بس اكون عصقولة لأسبوع واحد بس ..
مع العلم ان وزني 64 كيلو وطولي 158 سم ..
طلبتكم وربي لأدعي للي تفيدني ليل ونهار ..
وربي ما انسى لها هالفضل ..