معكرونة على طريقتي بالصور

السلام عليكم ورحمة الله وبركاته
حبيت اورجيكم طريقتي بالمعكروونة وبتمنى انها تعجبكم
اول شي المقادير :
لحمة مفرومة
بصل مبروشة او مفرومة ناعم
زيت زيتون
ملح وفلفل وبهارات وقرفة (واكليل الجبل او زعتر او اوريجانو )
بندورة مبروشة
ذرة
بازيلاء
وممكن( جزر وفطر وفلفل رومي بس انا ما استخدمت في وصفتي اليوم)
معجون بندورة
جبنة موزاريلا
3 كوب ماء ساخن
معكرونة مسلووقة
اول شي بنحضّر خلطة اللحم والخضار
اول شي بصل مفروم مع زيت زيتون ونضيف اللحمة وشوية مي حتى يتسبّك
ولما تبدا اللحمة تستوي بنضيف بندورة مبرووشةوبازيلا وجزر مبروش وذرة وفطر ونغطي الطنجرة ونتركهاا تتسبّك
بهالوقت بنكون مجهزين المعكرونة المسلوقة
ولما تستوي خلطة اللحم والخضار
بنحط المعكرونة في صينية وفوقها اللحمة والخضار بهالشكل
بعدين بنضيف 4 ملاعق معجون بندورة في 3 كاسات ماء ساخن وممكن تزيدو على حسب الرغبة في المعجون
وبنصبه فوق الصينية
ونضيف الجبنة فوقها
وندخلها الفرن حتى تتحمر من فوق ومن تحت
وصحتين وعافية