مقلوبتي الخاصه تأكلين اصابعك وراها

سلام يا احلى صبايا
جبتلكم اليوم طريقة مقلوبه لذيذه وسهله
وع فكره كل مره راح تضبط معاك احسن من قبل...
نبدأ بسم الله***
اولا تسلقين اللحمه او الدجاج ومعاه شوي ملح وبهارات
وممكن تسوينها بالتونه بس تضيفينها ع الخلطه بعد ماتستوي مو قبل مثل اللحم والدجاج
ثانيا تنقعين الرز في قليل من الماء الحار والملح وشوي زبيب وكثري الزيت
واذا شرب الرز ماء النقع حطيه ع نار هادئه وغطي القدر عشان يستوي ع البخار ولاتفكين الغطاء كل شوي عشان لايروح البخار
ثالثا خلطة المقلوبه
1 كشني البصل والثوم ف قليل من الزيت
2 اضيفي اللحم او الدجاج المسلوقه
3 اضيفي البهارات الناعمه + والفلفل الاسود المطحون + والبهارات الكبيره(قرفه* قرنفل* فلفل اسود* ورق غار* هيل)
4 اضيفي الخضار التاليه مقطعه قطع صغيره ( طماطم* بطاطس *كوسه *جزر* فلفل رومي* حبه فلفل اخضر)
حركي المقادير التاليه الى ان تتجانس وتذوب.....
5 اضيفي المنكهات ( قطعة زنجبيل * قطعة قشر برتقال *)
6 ثم اضيفي شوية معجون طماطم وبعدين اضيفي الماء الحار بس الي يغطي الخضار بأصبعين
7 غطي القدر وارخي النار تحته وخلي الخضار تستوي ع مهلها
اذا خلاص استوت طبعا تكون المرقه قلت مو نشفت يعني يبقى مقدار فنجان منها
8 حطي الرز المطبوخ عليها واضغطيها
9 وصبي فوقها (غطاء ماء كادي مذاب فيه شويه صبغة الزعفران)
0غطي القدر وخليه النار زي الشمعه لين ماتنشف المقلوبه ودخليه الملعقه داخل واتأكدي ان الخلطه نشفت تماما
1طفي النار وخليه اقل شي نص ساعه بعدين اغرفي
وبالهناء والعافيه
دمتم بحب
ام الطعمونه