مقلوبتي وصلت سهله ولذيذه لاتفوتكم

كيفكم صبايا ....اتمنى تكونوا بأحسن حال
بإختصار جبت لكم مقولبتي اللذيذه يمي يمي ماعليكم الا تجربوها سهله مرره مرره وطعمها واو ....
نبدأ بالصورة للتحميس
إيش رأيكم فيها ...................
والطريقة كالتالي .....
أولا نسلق الدجاج عادي فماء وزيت وحبه هيل وحبه قرنفل وملح وكمون ....
ولما ننتهي نخليه على جنب وبمرق الدجاج نسلق الرز ...
والحين نجي للخلطه ( الصوص ) وهي عباره عن بصل نكشنه بالزيت ونضيف عليه طماطم مطحونه ومعجون طماطم وحبه ماجي والبهارات والملح ونتركها تتسبك ....
وآخيرا الخضار / حلقات بطاطس نقليها بالزيت + حلقات باذنجان ايضا نقليها بالزيت أما حلقات البصل والفلفل الرومي نحطها بالصينيه على طول ....
والحين نجي للترتيب في الصينية ....
آولا نحط البصل + الفلفل الرومي وبعده حلقات البطاطس والباذنجان وبعدين الدجاج ونسكب فوقه الصوص الين نغطيه وكل ماكان الصوص كميته كبيره كل ماكان افضل وآخر شئ نحط الرز ونساويه بالصينية ونغلفها بالقصدير ونحطها بالفرن نص ساعه تقريبا وبعدين نزليها واقلبيها واقتحميها وبالعافيه
شفتوا كيف سهله مره ...صح !!!
ان شاءالله تكون عجبتكم ..... وانتظروني بأطباق آخرى ...