مكرونه سهلة وطعمها جنان أعرضها لكم من مطبخي وتصويري المتواضع

السلام عليكم ورحمة الله وبركاته
أولاً أرحب وأهلي بأخواتي الفراشات
وثانياً بما أني شيفه ماهره<<< من جد واثقه
فقلت أستحي على وجهي وأنزل موضوع بطبخه من طبخاتي الرهيبه<<< حلوة الثقه بالنفس
وبصراحه أنا ماودي أطول عليكم
وذاك اليوم الله يسلمكم مالي نفس أطبخ فقلت ليه ما أسوي طبق واحد
اللي هو مكرونه بالدجاج مع خلطة الجبن والقشطه
طبعا أكيد الأغلبيه يعرفونها بس اللي مايعرفونه أن طريقتي أحلى وأسهل
فأنا بصراحه ودي أبدأ بالمقادير على طول<<< على طول وإلا على عرض ههه
المهم المقادير هي:-
وطبعا المقادير لشخصين أو ثلاثه وإذا تبين أكثر دبلي المقدار
1-نص علبة مكرونه
2-صدور دجاج
3-جبن سائل طبعا 3ملاعق كبيره
4-قشطة
5-جزر مبشور
6-بقدونس مفرومه
7 ولا تنسون البهارات والفلفل الأسود والملح مو لازم أصورها
طبعا نسلق المكرونه في مويه وشوي ملح وزيت
وفي هذه الأثناء نقطع الدجاج ونضعه في قدر صغير
ونضع فوقه ملعقه صغيره من البهارات ورشة ملح ورشة فلفل أسود
مثل ماهو مبين بالصوره التاليه:
وبعد ما تنتهي المكرونه من السلق نصفيها من باقي الماء
ونضعها على جنب إلى أن ننتهي من تحضير الدجاج
وبعد كذا نجيب صينيه بايركس
ونسكب المكرونه
والدجاج
والجزر
والبقدونس
بهذا الشكل:-
ونقلب نقلب نقلب نقلب نقلب....خلاص خلاص
والحين نحضر الصلصلة البيضاء المكونه من
الجبن والقشطة
ونضعها فوق المكرونه
ونحركها شوي
وأخيراً وليس آخراً
ندخلها الفرن بس علشان تتحمى يعني 10دقايق أو ربع ساعه مو أكثر
وصحه وعافية
وعلشانكم قلت أتعب وأصور لكم الطريقه خطوة بخطوة
وتعبكم راحه
وإن شاء الله أكون وصلت لكم الطريقه زين
ولاتنسون جربوها
ودعواتكم