مكرونه فوتشيني روععه من قلب

صدقوني تراها تجن
انا مره قالت لي عنها صديقتي وقالت انها لما ودتها للبنات كلهم انهبلو عليها بس انا كنت مستغربه الاسم شوي
ومره في النت لقيت وحده منزله موضوع عنها قلت يابنت وش بيضرك جربيها
ورحت لسبورماركت شريت اغراضها مره رخيصه
وسويت امس على العشا تجن ماتقدرين تقاومينه وكان باقي شوي في الثلاجه رحت سخنته واكلته <<==عارفه مسختها بس اوصف لكم قد ايش هي لذيذه عشان ماتستهينون بها مثلي
ندخل في لب الموضوع
المقادير
مكرونه لزانيا شرايط
بصل شرائح كثير نوعاً ما
ثوم مهروس
دجاج مقطع طولي صغيره > مقاس طول عود الكبريت
جزر مبشور
بطاطس مبشور
كوسه مبشوره
فلفل بارد الوان طوال وسخاف زي اعواد الكبريت
وملفوف مقطع زي اعواد الكبريت واذا عندك ملفوف بنفسجي حطيه بس انا ماكان عندي
ذره ..
بهارات ..( ملح _ ماجي _ اعشاب ايطاليه _ اوريغانو_ ورق الطرخون_فلفل اسود _ رشه من البهارات المشكله )
الطريق
اسلقي المكرونه بمويه وملح وزيت
في قدر واسع او مقلاه كبيره نضع ..
زيت الزيتون والثوم ونقلبه لحد ماياخذ الزيت طعم الثوم ثم نضيف البصل ونحركه لحد مايذبل ويتغير لونه شوي بس مايحترق
ثم نحط الدجاج لحد ماتستوي ماراح طرل بس دقايق ثم اضيفي الباقي الخضار لحد ماتستوي
اذا استوى الدجاج ونشفت المويه ونضجت الخضار > ماراح تاخذ معاك وقت .. مجرد دقائق ,, حطي بهاراتك
كلها وماجي.. وحركي حركي حركي .. الحين ضيفي من 3 الى 4 ملاعق من كريمة الخفق الى الدجاج وحركي حطي
الذره عليها وحركي ..
ضيفي المكرونه ع الدجاج والخضار وحركيهم .. الين يختلط تمام .. اضيفي باقي كريمة الخفق .. ثم حركي ..
انا بس سويتها كذا وهي حطت المكرونه في صينه وحطت عليها موزريلا ودخلتها الفرن بس انا ما احب
الموزيرليا
ملاحظات
لابد ان تكون كيمة المكرونه مساويه لكميه الدجاج والخضار ..

• البهارات لابد ان تكون هي دون نقصان ممكن تضيفين زياده كركم واللي تبين بس نقصان لا .. هي الاساس .

.

• الكريمه تكون بعد ماتضيفينها للمكرونه والخضار مبلله نسبياً انتبهي لا تخلينها تتقاطر لا خليها تتشبع كل

شريطه مكرونه بالكريمه ووقت ماتصبين المكرونه في الصينيه تحسين فيه قطرات تنزل ..

• تذوقي الملح بعد ماتحطين الكريمه على المكرونه اذا تحتاج زيدي

وسلام
دعواتكم غالياتي بظهر الغيب