مليتي من الطبخ تعالي شوفي اطباقي سهله وخفيفه

السلام عليكم
مباركم عليكم العشر وتقبل الله منا ومنكم سائر الاعمال
تعرفون مع نهايه رمضان يطفش الواحد من الطبخات والقهر تطبخي ولاياكلون
بس بالنهايه نحتسب الاجر في كل شي
عاد قلت اساعد فروشاتي باطباق خفيفه مره وسهله
بعضها منكم الله يعطيكم العافيه وبعضها من مخيخي وابتكاراتي خ
اولا
هذي مثلثات التوفي (من فروحه الامارات ) ماشاء الله اطباقها تعجبني وتضبط معي
طعمها يمي يمي وخفيفه
اصابع الكيري والله ناسيه اخذتها من مين ! اعذروني
بس من وحده مشاكه فمسابقه دلع وسنع
ومره جنان وسهله
تلفين السويتز بالكيري وعلى طول تقفليها بعجين (ماء+طحين) وحتى الفتحات الجانبيه تقفلينها كامل بالعجينه وبس تقلينها وتغمسينها فالشيره وفستق على الاطراف
سمبوسك بالخضار الكل يسألني عنها مره حلوه
طريقة العجينه من كتاب منال العالم
والحشوه:
بطاطس وجزر مسلوقه بعدين نحمس بصل وماجي +نضيف الخضار المسلوقه وبعدين
+الشبت والبقدونس اذا تحبيه+ وكركم وملح وبهاراتك الخاصه
فطايربدون فرن ولاقلي اخذتهامن هنا بالمنتدى
اعجني فطايرك اي طريقه افرديها وقطعيها اقراص وحطيها بالحماصه اذا تحمرت
احشيها باي حشوه
اناهنا حشيتها مثل الشاورما
تمر محشي
هذا من اختراعي طبعا ه موجوده بالنت ب س انا اخترعت من عندي الوصفه
1-تجيبين تمر سكري اي نوع وتشيلين النواه
2-تطحنين بسكوت داجيستف +قشطه +حليب مركز (طبعا الكميه اللي تناسبك )
وذوقي اذا تحبين السكر اضيفي حليب مركز
3-احشي التمر
4- الصوص >>ذوبي شوكلاته نوتيلا فالمكرويف +اضيفي ملعقه قشطه واذا حبيتي شوكلاته هرشي
وحطيها في طبق (طبعا الكميه اللي تحبين بدون مقادير خ)
وحطي الصوص فالنص وصفي التمرات حواليها
او تغمسين التمر في الصوص وتصفينه في طبق
فطائر فلافل
هذي فطاير سويتها من راسي
كورتها كذا 8 مثل الصوره بعدين ضغطتها شوي وصارت مثل الاقراص ودهنتها بيض من فوق
وخبزتها
بعدين فتحتها وحشيتها فلافل
طبعا الحشوه سهله
1- اخلطي صوص تحبيه اي شي (انا حطيت شوي قشطه شوي طحينه وشوي مايونيز وكمون وملح)
2- اضيفي على الصوص مكعبات طماطم وخس وخيار مخلل ونعناع وفتتي الفلافل واخلطيها على بعضها واحشي الفطاير
وهذا شكلها وبالعافيه
وه تعبت
اتمنى تعجبكم ولاتحرموني من الدعاء بالذريه لي ولاختي ولجميع المسلمات