لفائف التوست بحشوة الدجاج من مطبخي بالصور

فجر الشمري

27-11-2022 - 04:33 am

إستغفر الله وأتوب إليه
سبحان الله وبحمده سبحان الله العظيم
بسم الله الرحمن الرحيم
السلام عليكم ورحمة الله وبركاته
جايبه لكم أكله بسيطه ولذيذه
واللي بتجربها أكيد بتدمنها مثلي
وتصلح عشوه بسيطه للي مالها خلق تطبخ
أول شي المقاديير...
توست منزوع الأطراف
حشوة دجاج << اللي إنتي معتمدتها عندك وتضبط معاك
قشطه
جبن كاسات
مايونيز
حلقات طماطم
صينية بايركس<<إحلفي
الطريقه...
نجيب الصينيه ونصف فيها حلقاات الطماطم
ونجيب شريحة التوست ونحط بطرفها من حشوة الدجاج
وتلف بشكل روول
وترص فوق حلقات الطماطم
ونكمل مع باقي التوست
ثم نخلط الجبن مع القشطه والمايونيز نخفقه عدل مدل<< الكميه نظريه اللي تحب الخليط كثير مثلي تكثر
واللي تبيه خفيف تحط كميه قليله..
ويوضع على لفائف التوست نغطي الوجه بالتساوي
نغطي الصينيه بقصدير ونضعها بالفرن ل5 -10 دقايق على حسب حرارة فرنك
ثم نشيل القصدير حتى التوست ياخذ لون بسيط من فوق
ويقدم بالعافيه مع العصير أو الشاي
وتمتعو بأحلى عشوه بسيطه وماتاخذ وقت أبدا ُ
وهذي الصور ....
عذرا ُ ماأخذت غير هالصورتين ..
بس وربي الطعم جنان
وبألف عافيه
وكل اللي ينوروني ويزوروني بمواضيعي ماننحرمش يارب...
مع حبي / أم البنات
..

التعليقات (8)