ممكن تساعدوني ياطباخات

برااااءة طفلة

23-03-2022 - 01:12 am

السلام عليكم ورحمة الله وبركاته
حبيباتي ..واخواتي ..
وانا ودي اتعلم الطبخ واصير طباخة فنانه ..وبصراحة من شدة اني ما اتمنى هالشيء دخلت قسم اقتصاد لاتعلم الطبخ ..بس مشكلتهم مصارية الي يعلمونا ..واكثر من 3طبخات في المحاضرة الواحدة فما يمديني اشوف وش قاعدين البنات يسوون ..ومافاد معي هالشيء ..حاولت اتعلم في البيت بس فشلت ..وامي صارت تكره تعلمني لانها تطفش من اسئلتي ..وانا صرت ماحب اسئلها
تكفون يابنات ساعدوني ..قلولي من فين ابدا ..ووش الاصناف الي ابدا بها عشان اتعلم
واذا معليكم كلافة اذكرولي الطبخة مع الطريقة ..وانا بابدا اسويها ..واذا صعب علي شيءباسئلكم في المنتدى ..الله يوفقكم ويسعدكم ويحقق لكم ماتتمنون وفوق ماتتمنون ويرزقكم ويدخلكم الجنان
اختكم ..الفاشلة في الطبخ

التعليقات (7)

دلوعة أسووومي

23-03-2022 - 04:21 am

يابراءه الموضوع مايستاهل اذا كانت عندك كتب طبخ شوفي اولا الطبخه اللي تبغين تسوينها بعدين جهزي المقادير الموجوده في الطبخه وخليها بجنبك علشان ماتحوسين في المطبخ وبعدين طبقي خطوه خطوه ولاتالفين اشياء من راسك علشان ماتخرب الطبخه لازم تتقيدين بالمقادير والطريقه علشان تكونين ماهره في طبخاتك واحسن شي لتعليم الطبخ الكتب لانها موجوده قدامك وفاي وقت تبغين اشتري كتاب النخبه حلو مره اتمنى انه كلامي افادك

ام سُلاف

23-03-2022 - 05:22 am

اشتري كتاب النخبه
مفيد وفيه الخطوات وفيه طبخات للمبتداءت

برااااءة طفلة

23-03-2022 - 06:23 am

عندي هالكتاب بس المشكلة ماحب التزم بالمقادير ..
ولو التزمت ..ومشيت خطوة خطوة ..تخرب علي ..فاطفش من كتب الطبخ ..
وقد صلحت ..فطاير ..طلعت يابسة مرة ..
وصلحت بيتزا والتزمت بالمقادير طلعت يابسة برضوا كانها حجر ..مع اني حاطة خميرة ..
والعجينة ..ماتزبط معي ..ما اعرف كيف اخليها ماتلصق بيدي ..والله تعقدت

برااااءة طفلة

23-03-2022 - 07:24 am

الله يسعدكم ياخواتي ..
والله عندي الكتاب بس مرة سويت بيتزا وفطاير طلعت يابسة كانها صخرة
وما اعرف كيف اسوي العجينة ..وما اخليها تلصق في يديني ..احاول ازبطها ..بس بالمرة مازبطت معي
انتظر ردودكم ياحبايبي

*الناعمة*

23-03-2022 - 08:25 am

في عجاين واجد البنات يمدحونها
منها عجينة العشر دقايق
وأنا ترا مثلك تتلصق إلين ماتطفشني
بس عموما
كتاب النخبة عندي مره حلو
ولازم تلتزمين بالمقادير عشان تضبطينها
وفي شي تذكرته
سر العجينه في العجن لازم تعجنيها بيدك زين
والله يوفقنا جميع

*الناعمة*

23-03-2022 - 09:26 am

هلا..........لقيت العجينه وجبتها لك للأمانه منقولة من منتديات لك
العجينه ت تكون من
مرحلتين
الكاس المستعمل هو كاس الجبن =240 غ
والملعقة ملعقة الاكل وتكون الكميه ممسوحه
والحليب عادي وحتى لو الملاعق مليانه
والفنجان استعمل فنجان القهوه التركيه بس ما امليه على الاخر
والعجينه تتكون من مرحلتين
بالاول تخلطين ال مرحله الاولى وتتركيها عشر دقايق وراح يكون شكلها سائل اشوي
فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس دقيق واضيفي ملعقتين حليب بودر مليانه .... انا احط ملعقة خميره بس
وبعدها تحطين مقادير المرحله الثانيه عليها
3 كاسات دقيق /نصف كاس زيت
وتبدين تعجني فيها ... بالاول ممكن تلصق في ايدينك بس عادي حطي في ايدينك اشوي زيت او طحين وابدي اعجني فيها وكل ما طولتي عجن فيها راح تكون احسن واحسن
لما تتكور معاج وتصير ملسه وما تلصق في الوعاء ...

برااااءة طفلة

23-03-2022 - 10:27 am

اشكركن اخواتي من اعماق اعماق اعماق قلبي وشكر خاص لاختي ((الناعمة ))
والله الشكر بحقكن قليل

واي بيتزا فتاكة لا تفوتكم وبالصور كمان←
اكلات مجمده تخص رمضان→