مندي في الفرن من صنع يدي بالصور

السلام لاحلى فراشات...
اليوم جبت لكم مندي البيت طبعا انا اول مره انزل طبخه في النت
ان شاء الله تعجبكم ..
نبدا بالبهارات .. كل وحده والبهارات اللي تحبها انا حطيت ( بهار دجاج . مشكل . كزبره . كمون . ليمون اسود . فلفل اسود . دارسين . ملح . زنجبيل . هيل . بهار بحريني . )
الحين بعد ما غسلنا الدجاجه نبدا في عمل الثقوب فيها لكي تدخل البهارات بهذا الشكل ..
بعدها نحضر ليمونه وملعقة خل كبيره وملعقة زيت كبيره ونضععهم على الدجاجه ونحركها جيدا
ونضع البهارات تصبح بهذا الشكل ..
اتركيها جانبا وابدأي ببشر جزره واحده لكل دجاجه بهذا الشكل .
الان قطعي فلفل اخضر حلو تقريبا واحده لكل دجاجه وقطعي راسين بصل متوسط وطماطتين متوسطتين في الحجم ( طبعا كل وحده تزيد اللي ترغب فيه وتنقص اللي ماترغب فيه يعني انا عادي اضع 3 روس بصل ونص فليفله)
قطعيهم بهذا الحجم ..
بعد غسل الرز 3 كاسات ورق لكل دجاجه ( عادي اذا حبيتوا تزيدوا )
نضع ملعقتين ونص ملح ونذوبهم جيدا مع الرز ونضيف ملعقتين كبار زيت وقليل من الصفار بهذا الشكل ..
ثم اضيفي الجزر للرز ..
ثم اضيفي باقي الخضار والماء يكون مرتفع عن الرز بمفصل اصبع ويصبح بهذا الشكل ..
الحين نضع شبك الشوي طبعا هذا الشبك عندي حق الشوايه ومعاه مقبض متحرك علشان كذا يدخل في الفرن اللي ماعندها تسوي مثلي قبل لا اشتري الشوايه .
طبعا كنت اقصدر الصفريه ( الجدر) واعمل ثقوب كثيره علشان ينزل ماء الدجاج واضع الدجاج واقصدر كمان وقريب يستوي اشيل القصدير لكي احمر الدجاج
والحمد الله ارتحت من هذي الطريقه لما صار عندي شبك الشوايه ولا احتاج اقصدر الدجاج ...
اسفه طولت عليكم
المهم تصير بهذا الشكل
وبعدها ندخلها الفرن ساعه كامله
طبعا بين فتره وفتره شيكوا على الدجاج اذا تحمر اقلبوا كذا .
وعلى مايستوي نجهز الفحم علشان رحيته تصير واو ..
جهزي فنجال وقصدريه وضعي قليلا من الزيت ..
لمايستوي المندي نضع الدجاج على الرز كذا ..
ونضع الفنجال في وسط الدجاج وهو فيهالزيت ونضع الفحمه بعد مانشعلها جيدا وبسرعه نغلق الصفريه ( الجدر ) نص دقيقه او اقل واخرجي الفنجال لان الكربون مو صحي احنا نبغى الريحه فقط ..
واخيرا ضعيه في طبق التقديم ..
وهذي كمان ..
وهنا من قريب تفضلوا يا جماعه ...
وبالهناء والعافيه ...