من سوت اشعه الصبغه الملونه

حرم زوجي

23-09-2022 - 12:59 am

حبيت اسال عن اشعه الصبغه الملونه لان الدكتور طلبها مني بعد هذي الدوره وانا اول مره اسمع عنها من سوت هذي الاشعه وليه وكم سعرها بالمستوصفات تقريبا ..........

التعليقات (9)

ثلوج الصيف2

23-09-2022 - 04:20 am

مرحبا الغالية
أنا سويت أشعر الصبغة من شهرين ...
و هي عبارة عن حقن سائل ملون في قناة فالوب و الرحم ... لفتح الأنابيب كلها ...
بصراحة هي تؤلم شوي بس لا تحاتين أكيد بتعطيج الدكتورة ابرة مسكن ... و الموضوع ما ياخذ دقيقة يعني بسرعة بتخلصين لكن بتحسين أول ما تضغط المادة داخل الرحم مثل ألم الدورة ... و يمكن ينزل معاج شوية دم وقتها ... أمر عادي ..
و أنا الحمد لله تحاليلي كلها كانت سليمة و نفس الوقت تعطيج التقرير ...
كلفني أنا من الامارات 800 درهم و على فكرة هي تختلف من عيادة لعيادة ... يمكن في السعودية أو الكويت أخص
إن شاء الله أستفدتي ... ربي يسهل عليج

أم ريان وروين

23-09-2022 - 05:21 am

الأشعة هذي تبين إذا كانت الأنابيب فيها انسداد أو لا ..
وأنا سويتها بالحبيب قبل 3 سنوات تقريبا ب 300 ريال ..
الله يسهل أمرك ويفرحك يارب ..

حرم زوجي

23-09-2022 - 06:22 am

يعطيكم العافيه ياخواتي ماقصرتو
وريحتوني والله الله يريحكم ان شاء الله وربي يكتب لنا مافيه الخير يارب

تواقه للجنه

23-09-2022 - 07:24 am

الحمدالله سويناها بس هي مؤلمه بس هاي الاشعه لانابيب اذا كان في انسداد الصبغه تفتحها باذ الله
سويها واتوكلي ع الله
بس عندنا بالامارت ب 600 درهم

بنت الخوالد

23-09-2022 - 08:25 am

انا سويتها في مستوصف الاسرة كلفتني 480 هي تسوينها عشاان يبان اذا فية انسداد او التصاق في الانابيب
بس انا يوم سويتها
ما بينت وصلت الاشعه في الحوض وصارت ما تتحرك
قالتم الدكتورة لازم اسويها مرة ثانيه عشان تتاكد يمكن يكون فيه التصاق
واذا ما بان الاتصاق لازم منظار

just..dream

23-09-2022 - 09:26 am

انا سويتها مرتين,,
هي تبين لك اذا فيه انسداد لاسمح الله في الانابيب
وهذا يمنع الحمل,,
وطريقتها تفتح الدكتوره المنطقه وتحقنها بالصبغه
وانتي نايمه عالسرير وياخذو الاشعه
وماتطول كلها 10 دقايق وهي مخلصه,,
وبالنسبه للسعر سويتها المره الاولى في مستوصف والله
مااذكر السعر
لكن التانيه في مستشفى جده الوطني ب450
الله يسهل عليك,,
دعواتك,,,

حرم زوجي

23-09-2022 - 10:27 am

يعطيكم العافيه يارب وماقصرتو

نور القمر الساطع

23-09-2022 - 11:28 am

حبيبتي لاتحاتين اهي مؤلمه بس الم خفيف نوعا ما وبسرعه يزول يعني مجرد دقيقتين الم انا سويتها مرتين مره مع عمليه تكيس المبايض وكنت تحت تخدير عاموالمره الثانيه سويتها قبل ثلاث شهور بامريكا وكلفتنا 1000 دورلار واهي علشان تبين مو بس الانابيب مثل ما شايع عندنا تبين سلامه عنق الرحم والرحم والانابيب وانا بعد لازم اسويها بعد 5 ايام والله يوفقج ياختي

جــــرح الزمن

23-09-2022 - 12:29 pm

والله ياحبيبتي الفراشات وضحوا لك كل شي عن الاشعه وتوكلي على الله وسويها عشان ترتاحين انا سويتها في الجامعي ببلاش والحمد الله الانابيب مفتوحه الله يرزقنا بالذريه الصالحه

تصويت حامل والا لا←
قصتي مع الحمل→