مين تبدأ معايا ريجيم السوائل باليوميات

أجمل الكون

13-11-2022 - 12:45 am

السلام عليكم
دباتي العزيزات اللي زي <<<فرحانه كمان
كيفكم ..
بنات انا خلاص جاني احباط من جسمي ..
كنت ياسلام احلى مني مافي ووزني واو لا دبه ولا معصقله... وبس اتزوجت الله وكيلكم اتنفخت نفخه... مدري من فين جايه ...
وقررت ابدأ انا وزوجي ريجيم السوائل اسبوع كامل مافيه ولا اي اكل غير سوائل شوربه عشان البروتين وبالذات العدس مرره كويس عصيرات عشان السكريات ...حليب اهم شئ عشان الكالسيوم
ولبن واي شي تبغيه المهم سوائل ...
وبدأنا فيه اليوم واليوم المفتوح حيكون الخميس تاكلو فيه بس ماتخبصو ...مين تبا تبدأ معايا من اليوم ...
ياناس نفسي انحف بعافيه....
واذا خلصت دا الريجيم حابدا ريجيم الجزء السفلي من دكتورة اخصائيه... ابا ارجع زي ما كنت ....
اللي تبا تبدأ معايا تنزل يومياتها معايا ...
ويارب نكون قدها واحنا ان شاء الله قدها ...

التعليقات (9)

*نجمة النيزك

13-11-2022 - 03:20 am

السلام عليكم اخيتي بالتوفيق ان شاء الله بس احسه مرهق
يالله جربي وقولي لنا وش يصير معك وحنا بنشعك

أجمل الكون

13-11-2022 - 04:21 am

ربي يسمعك منك يارب
يومياتي ..الصباح حليب بالزنجبيل
والعصر حليب بالنسكافيه
وبعد المغرب شوربه عدس وعصير برتقال
وبعد العشا قهوة عربي
وزوجي غصبني ع الحمر الاندونسي يقول سايل مدري من فين بس مشيت عشانو
وشكلي شويه باسوي شاهي اخضر مع بردقوش وزنجبيل
ادعوولي بكرة لما اقيس الاقي نفسي نازله عشان اقدر اكمل

ع ـــذوـــب ج ـــدة

13-11-2022 - 05:22 am

يعني هذا كذا اي شي سوائل بس ؟
مافي اشياء محدده
لان انا حاليا ماشيه ع نظام الجزار ، وبعد ماخلص من برنامجه
ابي امشي ع دايت اتهور شوي فيه ويكون ينزل 4 او 5 خلال اسبوع
في نظام اخذته من هنا بس من سنتين يمكن ، وللحين ماجربته
بس كان عباره عن حليب او لبن قليل او خالي دسم
وعصير اناناس او برتقال
وزبادي وبسس

أجمل الكون

13-11-2022 - 06:23 am

ايوه هذا اي سوائل عندك
شاهي قهوة شوربه نكسافيه موكاتشينو اي شي تشتيه
وشوفي الصراحة اول يوم تجوعي شويه
بعدين عادي معدتك اصلا تتعود
وامشي نص سساعه لو قدرتي مره جربتو بالمشي نزلت 5 كيلو ورجعتها بالاهمال
بس دي المره بدي انحف وما ارجع ان شاء الله
ولقيت رجيم كويس في منتدي لو حبيتي اعطيكي هو ينحف 9 كيلو في 10 ايام

ع ـــذوـــب ج ـــدة

13-11-2022 - 07:24 am

لا المشي عادي .. انا امشي ساعه باليوم
طيب الي تقولين عليه ابو 9 كيلو ..احد جربه ؟!
اكتبيه هنا وبشوف لو انزل عليه 4 او 5 عادي

أجمل الكون

13-11-2022 - 08:25 am

ايوه جربوه يقولو نحفو عليه 7 بدون رياضه 9 برياضه
يومين لبن او حليب
يومين بيض
يومين لحوم او دجاج
يومين فاكهه
يومين خضار

أجمل الكون

13-11-2022 - 09:26 am

لالالا ماني قادرة اتحمل لازم اقوم اشرب لبن جيعانه..
بطني بطلع نغمات

أجمل الكون

13-11-2022 - 10:27 am

يومياتي لثاني يوم
الحمد لله الصباح قست وزني لقيت اني نحفانه كيلو و7 جرام مررة جيد الحمد لله
يارب يستمر نزولي ع هذا الحال
الصباح كوب حليب بالزنجبيل
والساعه 10 ونص تقريبا كاسه عصير فراوله
بعدين نومت لحد 6 المغرب <<<خمجت نوم
ولما صحيت سويت شوربه عدس
وللحين ما اكلت شئ لسه ماني حاسه انو جوعانه مره...
يمكن ع الليل اتعشي لبن
ومشي كرفت فالبيت لحد مادوخت غسلت البيت اليوم

أم المفهين

13-11-2022 - 11:28 am

بالتوفيق عزيزتي

اللي تدخل تفيدني الله يرزقها من حيث لاتحتسب←
مشروب سحري لازالة الكرش في أسبوعين→