مين تشاركني بحملتي لا للبيبسي لا للمشروبات الغازيه

انا منذ مبطي مقاطعهته تقريبا سبع سنوات
حتى ولدي يحب الغازيات يفرح اذا رحنا عزيمه عشان يشربه
انا اقول بالعزايم مو مشكله
لكن افضل شي سفن واي شيئ غير البيبسي
انا اذا مره اشتهيت ولازم اشرب غازيات
اشرب شاني بارد مره او فانتا فراوله بسس
وهذا ان حصل لي مرره بالسنه
زي ما قلت انا ما احبها
المشكله في بنت عمي مستعده تشرب بيبيسي عائله كامل لها هي وحدها لو يتركوها ااهلها

وانا مثلك ياعزيزتي اتمنى اقاطعها من عرفت نفسي وانا مدمنه عليها مستحيل يمر يوم من غير مااشربها بدون مبالغه والدليل اسمي اللي داخله فيه الموقع( يمديكم على العشق )
والله لدرجة مااقدر آكل وجبه رئيسيه الا فيه والله انها اكبر بلوه
ولاتهون الككاوات ابلع منها بلع مو طبيعي امنيتي اقدر اتخلص من هالادمان ماني قادره على كثر اللي نصحوني وحاولو يكرهوني في هالمشروبات واولهم اهلي اسمع من هنا واطلع من هنا
واذا حاول احد يمنعني مصيبه
ان شاء الله نحاول نخفف منها لين ماتصير شي عادي عندنا
وتقبلو تحياتي

معاكم اكيد مدمنة كوكا

بنات انا احس صعبه شي نحبه ونموت فيه نجي نقطعه مره وحده نبدا بالتدريج مثل ماقالت اختي صانعة الفرح حاليا انا زوجي مأدبني على شفاحتي الزايده يقول مره في الاسبوع يكفي لان اضرارها فضيعه وانتي ماتنعطين وجه يمديكم على العقاب بس بصراحه استاهل
وش رايكم نبدا وكل فتره نعلم بعض شربنا ولا لا وبصراحه عشان نشجع بعض لين مايصير مره بالاسبوع ونتغلب على هالادمان
بيني وبينكم انا احس ان حالتي مستفحله بس بحاول
يالله يابنات خلونا نشجع بعض
يالله وين الحلوين
يالله نبي تفاعل

صحيح ان احنا عنيدين واللي براسنا نسويه
واحنا عارفين انه غلط
انا كنت من فتره 3 سنين مدمنه حدي عليه
وفعلا زاد وزني بشكل ماتتصورين
كنت مااعرف اكل الا معاه بس بعدها عزمت
عزيمه قويه وسويت حميه وتركته ونزل وزني
بس كنت اشربه مره بالاسبووع ونزلت 13 كيلو
في 6 شهوور تقريبا والحين زدت نصهم ورجعت
للريجيماات وصرت اشرب دايت مع اني ماحبه
بس لعانه << اشرب النص مااقدر اكمله ولازم بمزاز ؛؛نظريه عندي ههه
يله معاكم ضد البيبسي

ايوا ايوا..................تعجبوني يابنات..........لا احد يتضايق من نفسه اذا هو مدمن بيبسي ترى هنا نعين ونعاون.................انا الحمد لله ماشربت اليوم مع اني كنت ناويه اكافئ نفسي لانه لي ثلاث ايام ماشربت بس لقيت نفسي مو ملتهفه عليه قلت يالله الحمد لله..............
ام وليد ويوسف........الحمدلله الي فكك منه ترى الادمان عليه بلوى..........وانا ياقلبي كنت مثل بنت عمك عادي اشرب العبوه العائليه............دليها على هالموضوع وخليها تنضم لنا ..........
كوكا زيرو............غيري اسمك اذا تبين تنضمين لنا تراه يشهي على الكوكا..........ههه امزح معك.............انا بعد ياعمري اسمع بلاوي عنه ولا اتأثر ولاشي............اما الكاكاوات ماني مدمنه عليهم الحمد لله.............يالله ياشاطره بكره تجي هنا وتكتبين لنا شربتي ولا لا.........وتراني ماقطعته مره وحده قللت من ثلاث مرات باليوم الى واحد باليوم الى كل يومين مره والحين مره بالاسبوع.............يالله همتك ياقمر............
أم رائد المزيون..........حياك الله ...........يالله ننتظر تجربتك تقدرين تبطلين عنه او لا............
نور دنيتي ...........الله ..........13كيلو.............ياريت لو بس خمسه قابله بعد.............وتدرين انا مثلك اشربه لعانه واغصب نفسي عليه وبالمزاز بعد..........ياالله تشطري واتركيه عشان تنحفين مثل قبل...........

ونا بديت اقطعه وصرت اشرب من اسبوع
لسبووع وتمنى اقطعه معاكم
يبنات الى الامام سر>>>>

بسكوته..............افا.............ليش رجعتي ........يالله يمديكي تنضمين لنا........

انا كنت مدمنه مثلك
مايصلح الغدا الا مع ببسي
بس اجبريت نفسي وصرت اشرب العصير بدال الببسي
والحين لي يمكن 4 شهور ماشربته الا اربع مرات بس
ونحفت 6 كيلو الحمدلله