مين خبيره بالكنافه

يسعدني اكون اول من يرد عليكي
ياقلبي انا طريقتي بالكنافة:اجيب الكنافة واحطها بصحن واسع واجيب سمن فارم الي علبته لونها اخضر واسخن الكمية الي تكفيني وبعدين احط السمن على الكنافة وابدا افتتها الين خلاص تتفكك كلها واجيب صينية وياليت التيفال مو البايركس احسها تضبطها اكثر وادهن الصينية بشوية سمنة واحط نصف كمية الكنافة وبعدين احط القشطة وبعدين النصف الثاني من الكنافة...
اهم شيء تولعي الفرن قبل لا تبداي بالعمل بالكنافة وادخليها بعدين يكون الفرن حار وتاخذ تقريبا نصف ساعة وبعدين خليها تتحمر من فوق..
وخرجيها وبسرعة حطي عليها الشيرة...
وغطيها لا تنشف...
وبالعافية عليكم ان شاء الله..

الأمورة الدلوعة
تسلمين يالغاليه
الله يسهل امورك

ياه انا مثلك أموت بشي اسمه كنافة وصراحة دايما أجمع طرق متعددة لها وأحس أحسن طريقة ضبطت معي والكل انجن على الطعم أحس الشي الاساس نوع الزبدة لافارم ولاسمنه ولامازولا ولا شي أهم شي زبدة لورباك أو المراعي تعطي طعم مثل حق المحلات الخاصة للكنافة تذوبين الزبدة او تكون بحرارة الغرفة تحطينها في الخلاط مع الكنافة وتفرم ترصين جزء منها وتدخليها الفرن تتحمر من فوق وتحت وتكوني مسويه مهلبية نشاء (لاتنسي السكر)وتحطي عليه قشطة وتطلعي الكنافة وتحطي القشطة المخلوطة مع النشاء عليها ثم تحطي الباقي من الكنافة ودخليها الفرن مرة ثانية الين ماتتحمر طلعيها وحطي على طول شيرة باردة وتمتعي بالطعم الخيال وتكون محمرة من جوا بعد و
جربيها وبتدعين لي وردي لي خبر لوضبطت معك

آآآب لعيونك ,,,,,

موجو
تسلمين ياقلبي
شكلها لذيذه مره وان شاء الله بجربها الاسبوع هذا

اب

اهلينات اختي .. عندي لك طريقه وبتدعين لي ان شاء الله :
1/ الكنافة افضل شي ( الدانوب ومن الأرياف بالقصيم) اشتريها طازجه وفرزنيها عشان تتفتت معاك بسهوله
2/ فتتي الكنافه في زبديه كبيره وحطي عليها 1ونص اصبع زبده مذاب وست ملاعق كبيره سميدعادي حق البسبوسه >> وهذا السر في تماسك الكنافه وما تتفتت عند التقطيع وبنفس الوقت تقرمش
3/ افردي نص كمية الكنافه في الصينيه البايركس وبدون دهن ولا شي ورصيها كويس
4/ الحشوه سريه ولذيذه اسمها : بالخلاط (الكأس).. 2 علبة قشطة المراعي + 2 ملعقة كبيره جبن سايل كرافت +علبة جبن كرافت الأزرق الحجم الصغير + نصف علبة لبنه المراعي او بينار الصغيره+ 8 حبات جبن كيري..ثم تصب على الكنافة وتغطى بالشعر الباقي..وترص باليد بشكل خفيف
5/ تدخل للفرن وتحمر من اسفل ثم اعلى ثم تسقى بالشيره ... واقلبيها قبل التقديم في صينيه ( شكلها خوقاق وطعمها أخق وأخق ) وبالعافيه ( عذرا ع الاطاله)

السلام عليكم ... .. عندي لك طريقه حلوة مرة ولا تنسين إذا عجبتك تدعين لي ولوالدين وجميع المسلمين :
المقادير:- نصف الكنافة السنبلة تتفتتينها وتضعين عليها فنجال سكر ونصف أصبع زبدة صغيرمذابة المراعي مقادير الحشوة :- 1كأس ماء بكأس الجبن الوسط +1فنجال سكر +2ملعقة نشاء +3ملعقةحليب بودرة=قليل من الفانليا+بيضة يخلط الجميع مع بعض ثم توضع على النار حتي تصبح غليظة ثم نبعدها عن النار ونضع عليها نصف علبة حبن المراعي المالح ونحركها جيدا
الطريقة/ ضعي نص كمية الكنافة في الصينية البايركس وبدون دهن ولا شي ورصيها كويس ثم ضعي الحشوة كلها ثم ضعي باقي الكنافة ..وتضغط بالملعقة تدخل للفرن وتحمر من أسفل ثم اعلي ثم تسقى بالشيره وبالهناء وألف عافية لاتفوتكم كل من ذاقها أخذ طريقتها .

اب