نداء عاجل إلى خبيرات التجميل ولا هانوا بقية الفراشات

السلام عليكم ورحمة الله وبركاته
اخواتي خبيرات التجميل محتاجة لخبرتكم في عالم المكياج والتسريحة
زواجي راح يكون في الصيف في مشيئة الله تعالى وماراح اقضي مكياج الا قبل الزواج باسبوع
طلبي لكم حبيباتي هو اني مافهم في المكياج ولا اعرف اختار ادوات المكياج ولااعرف احط مكياج. اقدر احط كريم اساس وبودرة وروج بس الشدو دائما يكون شدوي عادي حتى رسمة عيني وحدة ومليت منها وتقليدية
ابغاكم تدلوني اي مكان اروح له فيه ماركات مكياج حلوة وسمعت انه في مكياجي شنطة مكياج للعرايس هل تنصحوني فيها؟
وابغاكم تختارولي اللون المناسب لمكياجي في يوم زواجي لاني خايفة تكون الكوافيرة تحطلي اي لون من عندها ومايناسبني.نظام زواجي راح يكون بحري من كوشة وطاولات وكل شي هل تنصحوني حتى فستاني اضيف عليه اللون السماوي ولا اخليه اوف وايت بدون اضافات؟ وهل المكياج اختاره مكياج فيروزي للشدو؟ ولا لون ثاني يناسب نظام البحر؟
علما ان لون بشرتي قمحي وعيوني واسعة شوي وفمي صغير ووجهي بيضاوي.ماهي الرسمة المناسبه لعيني؟ وماهو الكريم الاساس والبودرة المناسبة لي؟يعني اذا جيت للمحل وش اقولهم اي درجة كريم اساس؟
وبشرتي احيانا لما احط كريم اساس اشو على وجهي زي القشرة.
وشعري قصير يعني فوق الكتف وابي اقصه ماهي القصة المناسبة لوجهي؟ وماهي الصبغة المناسبة لي؟
لاني صبغت مرتين هايلات ثلجي وبني.وش رايكم بالباذنجاني او الكستنائي؟وهل فيه طريقة جديدة ومبتكرة لطرحة العروس غير الطريقة التلقيدية؟وهل تنصحوني بلون الفستان اوف وايت ولا ذهبي؟(نظام بحري في الصالة)
وجزاكم الله عني كل خير؟