هل هالشي اللي صار طبيعي تكفون نصايحكم

بسمة بدر

13-10-2022 - 11:51 am

السلام عليكم حبيباتي الفراشات
عساكم طيبات
بدخل بالموضوع على طول
وهو بخصوص حبوب منع الحمل ياسمين
أول شي انا لسة ماعندي عيال
وكنت سويت تحاليل قبل الزواج عسان فقر الدم ولقيت ان عندي فقر دم حاد
المهم قالت الدكتورة] وقتها خذي حبوب ياسمين لانها تناسبك
المهم سافرت فترة طويلة لان زوجي كان مسافر بعد
تقريبا اكثر من 6شهور
وطبعا بالهفترة وقفت الحبوب عشان أرتاح لانه غايب
المهم لما تلم الشمل الحمد لله مرة ثانية
قبل عملية الجماع بيوم واحد أخدت حبة ياسمين
واستمرينا تقريبا أسبوع وكل شي تمام
مع العلم انه نفس الأسبوع اللي راح تجي فيه الدورة
المهم جانا خبر سفرة مفاجئة له ياحظي تقريبا أسبوعين
المهم بأول أسبوع واصلت عبى الحبوب بس لاحظت نزول الدورة وانتو بكرامة بلون بني
قلقت وقلت خليني أوقف الحبوب والخليها تجي طبيعية دامني لحالي
المهم الدورة من يوم الخميس اللي فات وهي معاي
وقبل يومين شربت الحبوب من نفس العلبة لأن زوجي بيجي بكرة
وللحين الدورة ماتبي توقف ولا ودي أحرمه.....
المهم الحين
أنا خايفة يكون هالشي له خطورة على صحتي
والحين صرت متلخبطة وشلون راح أعيد استخدام الحبوب من جديد
أدري طولت عليكم بس مالقيت أحد بعد الله غيركم ألجأ له
زوجي يقترح اننا نزور دكتورة بعدين عشان هو مو مرتاح لتأثير حبوب ياسمين على صحتي من خمول وتساقط شعر و
أدري طولت بس والله من الحين إلين يجي موعد الدكتورة بعد أسبوعين
قولولي وش أسوي مع العلم ان لازم احم احم بال15 يوم ذي
وللحين الدورة ماراحت مع اني آخذ الحبوب من يومين عشان أوقفها
أتمنى تكونو ركزتو بكلامي وفهمتوه
تكفون انتظركم ربي يسعدكم يارب

التعليقات (9)

مووووضي الحربي

13-10-2022 - 02:08 pm

اب

*أحلى سكر*

13-10-2022 - 03:09 pm

حبوبة حبوب ياسمين مضرة وحذروا منها غير كدا ما اقدر أفيدك ما لي خبرة بها بس حبيت أنبهك انها خطيرة
الله يهنئك بحياتك مع زوجك

*ام راما*

13-10-2022 - 04:10 pm

حبيبتي وقفي الحبوب طلع بالجرايد انها مضره
الافضل لك تروحي لطبيبه تشوف لك وشو الدم

بسمة بدر

13-10-2022 - 05:11 pm

ياالله خوفتوني
ماقصرتو والله
راح أوقفها أكيد من دون نقاش وأميد صحتي اهم من الحاجات الثانية ملحوق عليها
جزاكم الله خير على التفاعل وانتظر تفاعل أكثر للي عندها خبرة وخلفية بهلموضوع

~ دمعة غرور ~

13-10-2022 - 06:12 pm

والله هالحبووب مايجي منهاا الا البلاوي
وقفيها وخليك على المانع الطبيعي اذا ماودك بالحمل حاليا
ومالي خبره فيهاا ان شاءالله البنات يفيدوك

msh-2255

13-10-2022 - 07:13 pm

الله يسهلك امرك

تعب المشوار

13-10-2022 - 08:14 pm

ليه تمنعي الحمل وانتي لسه بكرية على مافهمت
انتي كذا اتضري نفسك

ام ابراهيم2011

13-10-2022 - 09:15 pm

مايصلح تاكلي حبوب وانتي ماقدحملتي ترى لها اضرار منها العقم
الله يستر عليك وروحي للطبيبه يمكن حصل حمل ونزل الجنين

ღالماسهღ

13-10-2022 - 10:16 pm

الشريط اذا بديتي فيه لازم تنهيه <<<<يعني يوميا تاكلين الحبه لين ينتهي
واذا ماكليتها بوقتها ينزل دم وتلخبط <<<< فانتبهي

ادخلوا بسرعه محتاتكم الحين←
رجعت وما استغنى عن نصايحكم يا الغوالي→