وش اسوي بالتحطيم الي يوصلني

السلام عليكم ورحمة الله وبركاته
كيفكم حبيباتي كيف رمضان وياكم
يارب ترزق جميع من تتمنى شيء يارب
بنات انا بدخل بالموضوع دايركت
انا عمري 20 وكلها شهور وادخل 21 المهم انا مطلقه لي 3 سنوات .. ولا تقدم لي احد
الا شخص وامي قالت تعبان وماادري ايش وبالاخير الرجال طلع مافيه الا ربو بس
بس كل شيء قصمه ونصيب طيب انا تطلقت وانا لسى بنت .. ادري انكم كذا >بس هذا الي صار المهم انا مااختلط مع الناس يعني ماكو طلعات ولا شيء
وانا الحمدلله مافيني قصور وسبب الطلاق من الرجل كان كبير ولا عنده اسلوب يفهمني
وزي كذا المهم انا عايشه مع امي وزوجها اوكي لي 4 سنوات تقريبا ابوي عايش لكن مايبينا ابد وعايش حياته مع زوجته
رغم العقبات الي جتني بحياتي احط عندي شويات من التفائل وانسى
والله العالم اني اتمنى شخص يعوضني عن كل الي فات والاستقرار ويدلعني
لكن دايم اقول لامي هالكلام وتقولي انتي مطلقه وألحين مايخذون المطلقات
خالتي زوجها مطوع ومرتين يجيب لي شخص عنده حرمه قبل وطبعا" ارفض ماابي اضيع عمري
وامي تقولي المطلقه مايخطبها الا الي عندهم حريم ولا ياخذها رجال توه
طيب انا وش ذنبي انا عمري صغير ودايم يضيق صدري من التحطيم الي يوصلني رغم كل اسمعه
احاول اتفائل بس مااقدر ..
وش اسوي اجيب خطابه او وش الحل نفسي استقر ومشكلتنا مافي اختلاط مع الناس ابد ولا احد يعرفنا
تعبت من التحطيم والحياه الشاقه
اتمنى منكم تساعدوني وتريحوني وتطمنوني .. ليش امي تقولي كذا وانا لسى بالعمر هذا
مو من حقي اتزوج شخص يكون لي لحالي اكتب لكم وانا فيني عبره ونفسي اصيح
ولا عندي خوات او صديقات استشيرهم او اتكلم معاهم
ربي يسعد كل من مرت من هنا او همسة لي همسه او ساعدني ربي يجعلها من اهل الفردوس
ويرزقها ويسعدها اذا كانت متزوجه ويرزقها اطفال اذا ماكان عندها ويرزقها بالزوج اذا هي تتمنى الزواج
ويحقق جميع الي ببالها يارب ..
دمتم بحفظ الرحمن