وصفات امول المجربه اهداء مني لكل فراشات منتدانا الغالي

1. عجينة فطاير امول


2. عجينة الدونات


3. عجينة أفخاذ الدجاج


4. عجينة المحاره"مخبأ التاجر"


5. فطاير الجبن بالزعتر


6. المقادير:3كوب طحين+ربع كوب زيت+كوب ماء+ملعقه كبيره خميره


7. حلى التمر بالقهوه


8. حلاوة السميد


9. ستيك الهمبرغر السريع جدا


10. صينية السبانخ بالمازرولا


11. صينيه سريعة التحضير

عجينة فطاير امول

المقادير:4كاسات طحين واحسن شي الطحين الكويتي +نص كاس حليب بودره +نص كاس زيت+ملعقه صغيره بيكنج بودر +ملعقه كبيره خميره+ ذرة ملح+ فنجان سكر +كاس ونص ماء دافئ
تعجن المقادير جيدا وكل مازاد العجن كل ماطلعت العجينه طريه وهشه تترك العجينه تترتاح لمدة نص ساعة وطبعا تكون مغطاه بعدها احشيها بأي حشوة انتي تبينها وتقدري تعملي بالعجينه اي اختراع انتي تبينه تبين بيتزا او خلية النحل او السينبون او اي شي يخطر على بالك انتي وشطارتك

عجينة الدونات

المقادير: 3 أكواب طحين+ملعقه كبيرة خميره+كاس حليب سائل+رشة ملح+صفار بيضه وحده+6ملاعق كبيره سكر+ربع كوب زيت
تعجن المقادير جيدا وتترك لحد ماتخمر العجينة بعدها تفرد العجينه وتقطع على شكل دوائر ومن النص تقطعين دوائر صغيره انتي اكيد عارفه كيف شكل الدونات بعدها تقلى بزيت غزير وحار لحد ماتتحمر تخرج من الزيت بعدها انتي واختيارك رشي عليها سكر بودرة اذا حابه ضيفي مع السكر شوي دارسين او ذوبي كاكاو بحمام مائي وغمسي الدونات فيها او رشي عليها شيرة البان كيك انتي واختيارك
العجينه بالمره حلوه واي وحده بتجربها بتشوف النتيجه انا ماراح اتكلم اكثر جربيها ولنا لقاء

عجينة أفخاذ الدجاج

المقادير:كاس طحين+بيضه+ربع بيالة الشاي زيت+ربع كاس حليب سائل+ذرة ملح+ملعقه كبيره خميره
تعجن المقادير جيدا وتترك العجينه تخمر بعدها قطعي العجينه قطع صغيره تقريبا على شكل مثلث ضعي قليل من الحشوه اللي انتي تختاريها مثل دجاج منتف مع جزر مبشور وخس مفروم وشوي مايونيز او أي حشوه ثانيه جيبي اصابع بطاط المجمده اللي بالأكياس جاهزه او بطاط انتي اقليه بس يكون نص استوى حطي اصبع البطاطا بزاوية المثلث اللي فوق وسكري عليه العجينه انتي بيدك حاولي انك تشكلي العجينه تقريبا لين ماتصير كأنها فخذ دجاجه بعدها غمسي العجينه بالبيض ثم البقسماط واقليها بزيت حار لحد ماتستوي

عجينة المحاره"مخبأ التاجر"

المقادير:واحد ونص علبة حليب بوني او كارنيشن+ملعقه كبيره خميره+ملعقه كبيره بيكنج باودر+2كاس طحين+علبة جبنة كرافت شيدر الزرقاء مبشوره ناعم "علبه صغيره
تعجن المقادير السابقه كلها مع بعض وتترك العجينه تخمر بعدها تفرد وتقطع على شكل دوائر تقلى بالزيت الحار بتشوفين العجينه كيف راح تنتفخ وهي بالزيت اتركيها تتحمر بعدها جيبي قطع المحاره وشقيها من فوق واحشي بأي حشوه انتي حابتها

فطاير الجبن بالزعتر

المقادير:3كوب طحين+ربع كوب زيت+كوب ماء+ملعقه كبيره خميره

تعجن العجينه جيدا وتترك تخمر تقطع العجينه دوائر صغيره ثم تفرد الدائره نضع قليل من جبنة شيدر كرافت الزرقاء سكري العجينه جيدا بيصير شكلها نص دائره مثل شكل السمبوسه الحين خذي العجينه وغمسيها بالبيض بعدها جيبي زعتر وغمسي العجينه فيها الحين اقلي العجينه بالزيت لين ماتستوي وتتحمر
عجينة اللقيمات
المقادير:2كاس طحين+3ملاعق كبارحليب بودره+3ملاعق كبار نشا+ملعقه صغيره خميره+ذرة ملح ذرة سكر+كاس ونص ماء
تعجن جيدا تترك تخمر تقلى بالزيت ثم يرش عليها القطر
عجينة السمبوسه
المقادير:3كاسات طحين+ربع كاس زيت+ كاس ماء+ذرة ملح ذرة سكر

حلى التمر بالقهوه

3بيضات+علبة قشطه+3ملاعق اكل عسل+6حبات جبنة كيري+25حبة تمر منزوع النوى+نص ملعقه صغيره نسكافيه+ فانيلا
جيبي الصينيه وحطي فيها بسكوت مطحون مع اصبع صغير زبده افردي البسكوت زين بعدها اخلطي المقادير السابقه وصبيها فوق البسكوت ودخلي الصينيه بالفرن لحد ماتجمد الخلطه طلعي الصينيه اتركيها لحد ماتبرد ثم قطعيها تقدري تزيني الصينيه بالدبس من فوق يطلع طعمها يهبل

حلاوة السميد

كاس سكر+كاس جوزهند+كاس سميد+علبة قشطه+علبه متوسطه حليب نستله+6حبات جبنة كيري
نضع السكر والسميد وجوز الهند على النار ونحمسهم لين مايصير لونهم اشقر يبعد عن النار يترك ليبرد قليلا ثم نضيف علبة القشطه يخلط جيدا ويصف بالصينيه الحين نضع بالخلاط الكيري والنستله يخلط جيدا ويصب فوق الخلطه الأولى تدخل الصينيه الفرن لحد ماتتحمر من تحت فقط ثم تخرج الصينيه وتدخل الثلاجة
حلى امول
جيبي صينيه وافردي فيها البسكوت المطحون واصبع الزبده
بالخلاط:12 حبة كيري+2قشطه+2 بيض+فانيلا+واحد ونص فنجان سكر يصب فوق البسكوت تدخل الفرن من تحت فقط لحد ماتجمد الخلطه زيني الوجه بالتوفي
تشيز كيك
جيبي الكيك الجاهز يفضل بالكاكاو قطعيه قطع صغيره وصفيه بالصينيه
بالخلاط: ملعقه صغيره جيلاتين مذوب بنص كاس ماء حار اخلطيه زين لحد مايذوب الجيلاتين حطي معاه 4حبات جبنة كيري+علبة قشطه+فنجان سكر+ علبة دريم ويب
صبي الخلطه فوق الكيك دخليها الثلاجه لحد ماتجمد راح تجمد بسرعه لأن فيها جيلاتين زيني الوجه اذا باقي من الكيك فتتيه على الوجه او اذا عندك كاكاو سائل رشي شوي عليها
حلى""""""
اطحني بسكوت واعجنيه بالحليب النستله لين مايصير عندك عجينه طريه وتتشكل باليد افردي البسكوت على ورق الزبده او كيس بلاستك حطي بطرف العجينه تويكس او باونتي لفي العجينه ثم قطعيها دوائر
بسكوت بالزبده خيالي
شوفي زي البسكوت هذا مافي روعه خيالي من سنين وانا ادور على طريقة بسكوت للتقديم مع الشاي يكون حلو وسهل واهم شي يتخزن يعني مايخرب اذا قعد فتره جربي الطريقه هذي وبتشوفي والحلو ماياخذ وقت
200جرام زبده يعني اصبعين صغار+ تقريبا نص كوب سكر مطحون+ قليل جدا من بشر البرتقال+ فانيلا+ 2 وربع كوب طحين+ ملعقه كبيره بيكنج باودر+ملعقه صغيره دارسين مطحون + لوز ابيض مبشور
تعجن المقادير جيدا وعلى طول شكليها الشكل اللي تحبين بس لاتكون العجينه سميكه يعني تقريبا بعرض الأصبع الصغير دخليها الفرن تتحمر من فوق وتحت بس لاتتحمر زياده اتركيها برد تبرد بعده قدميها مع الشاي انا سويتها وكان عند زوجي عيال وحطيت البسكوت والله انهم يحسبون انه جاهز وبعد طلبوا المقادير من زوجي
حلى الدونات "بسكوت السمسم"
صفي بالصينيه بسكوت مطحون مع اصبع زبده
بالخلاط: 2علبة زبادي+كوب سكر+15 ملعقه كبيره حليب بودره+3ملاعق كبيره قشطه+نص فنجان ماء
تصب الخلطه فوق البسكوت تدخل الفرن في حراره متوسطه من تحت لمدة ربع ساعه تخرج من الفرن يصف على الوجه البسكوت الدائري اللي بالسمسم يشبه شكل الدونات بسكوت قديم اكيد عرفتوه تترك الصينيه لتبرد بالثلاجه
الحين على نار هادئه حطي علبة سفن اب+كيس كريم كرامل يحرك لحد مايثخن شوي يترك ليبرد ثم يصب على وجه الصينيه شوي شوي يدخل الثلاجه لتجمد
فطيرة البسكوت
2علبه بسكوت مطحون+2بيضه+نص كوب سكر+نص كوب زيت+نص كوب ماء+فانيلا+ملعقه كبيره بيكنج باودر
تخلط المقادير السابقه جيدا تدخل الفرن لحد ماتستوي مثل الكيكه راح تصير زيني الوجه
بالخلاط:2فنجان سكر+علبة قشطه+6حبات جبنة كيري تصب على الوجه تدخل الثلاجه لتبرد
انا اسوي الكيكه هذي اذا ابي اسوي اي حلى يكون فيه طبقة كيك مقطع من تحت مثل التشيز كيك اسوي الكيكه هذي واصبها بصينيه التشيز كيك بس مااخلي الخلطه واجد لأنها بتنتفخ لأني ابيها قاعده بس وبعدها اسوي خلطة التشيز كيك واصبها فوقها وادخلها الثلاجه
سلطه0000000
خس مفروم+خيار مقطع مكعبات+جزر مبشور+بطاط مقطع مكعبات ومقلي+علبة فاصوليا حمراء+علبة ذره
الصلصه:2علبة زبادي+2ملعقه كبيره مايونيز+2ملعقة اكل كاتشب+ ملح
يرص بالصينيه طبقات الخضار ثم البطاط المقلي يصب فوقهم الصلصه وتقدم
سلطه0000000
علبة لبنه+3روب+بصل مفروم ناعم+2جزر+2طماط+2فلفل بارد+3باذنجان مقطع بالطول ومقلي+زعتر+ملح+ليمون+3ملاعق طحينه سائله+خبز مربعات ومقلي
نخلط اللبنه والروب والزعتر والملح والطحينه نرص الباذنجان بالصينيه ثم الخضار نصب الخلطه فوقهم ونرش الخبز المحمص فوق
سلطه0000000
زهره مقليه+بطاط مقلي+فلفل بارد مقطع+باذنجان مقلي+بقدونس وكزبره+بصله بيضاء شرايح
يصب فوقهم زبادي+مايونيز+ليمون+خل+ثوم+ملح
سلطه0000000
مكرونه صغيره مسلوقه+زيتون اسود شرائح+فلفل بارد مقطع+دجاج مسلوق مقطع+مايونيز+كاتشب+ملح وفلفل اسود
سلطه0000000
علبه فول حب+باذنجان مقلي+طماط مكعبات+خبز مقلي+زيت زيتون+ملح+سماق+ليمون
شوربه00000000
نقطع دجاج مربعات ونسلقه بالماء ثم نضع بالخلاط 3ملاعق نشا+6ملاعق شوربة كويكر+علبة قشطه نصبها على الدجاج نضيف مكعب ماجي وزبده واذا حابه حطي فطر
شوربه0000000
حبة بطاط+كوسا+جزر+فاصوليا+شبث+ماجي+فلفل اسود
نضع الخضار بالقدر ونضيف قليل من الزبده تقلب الخضار ثم يضاف الماء والماجي تترك لتنضج
صينيه سريعة التحضير
بطاط مسلوق+ تونه+ جزر مبشور+كزبره+بقدونس+بصل مفروم+ملح وفلفل
تعجن وترص بالصينيه وتدخل الفرن قليلا
صينيه سريعة التحضير
باذنجان مكعبات ومقلي+خبز مقطع ومقلي+ لحم مفروم مطبوخ مع بصل وفلفل+طماط مكعبات+بصله مكعبات+خل+زيت زيتون+ملح وكمون+ثوم+2روب+كاس لبن سائل+صنوبر محمر+بقدونس
نحمر البصله نضع عليها الطماط ويحرك حتى يذبل نضع الملح والكمون والخل يحرك جيدا نضع عليه الباذنجان يحرك قليلا
اخلطي الروب واللبن السايل والثوم احضري صينيه بايركس صفي الباذنجان ثم ضعي فوقه اللحم المفروم دخليها الفرن قليلا لحد ماتصير دافيه رشي الخبز المحمص ثم صبي فوقه اللبن وزينيه بالصنوبر والبقدونس
فته الدجاج
اسلقي الدجاج مع ماجي وبهار بعدها نتفيه ثم اسلقي رز مصري
صبي الرز بصحن التقديم وحطي فوقه الدجاج المقطع جيبي روب وحطي معاه قليل من الثوم والملح سخنيه شوي صبيه فوق الرز والدجاج حمصي خبز وصنوبر وزيني الصحن من فوق
صينيه سريعة التحضير
جيبي مكرونه لسان العصفور حمريها لين ماتصير بنيه صبي عليها الماء وشوي زيت واسلقيها اذا استوت صفيها من الماء اخلطيها مع جبنة شيدر الزرقاء وفلفل اسود صبيها بصينيه ثم ضعي فوقها لحمه مفرومه مطبوخه مع بصل

ستيك الهمبرغر السريع جدا

اشوي الهمبرغر وخليه على جنب بالخلاط حطي 5ملاعق حليب بودره و3ملاعق طحين ومكعب ماجي اخلطيهم بعدها بالقدر حطي شوي زبده وعلبة فطر وثوم حركيهم قليلا اضيفي قليل من الصويا الحين صفي الهمبرغر بالصينيه وحطي فوقها الفطر بعدها صبي خلطة الباشميل غطي الصينيه واتركيها على نار هادئه تتسبك ويصير عندك صوص ثخين لاتجمد الخلطه كثير خليها شوي سايله

صينية السبانخ بالمازرولا

جيبي دجاجه اسلقيها بعدها نتفيها الحين حطي بقدر بصل واحمسيه بشوي زيت جيبي كيس سبانخ مجمد وحطيه فوق البصل خليه على النار لحد ماينشف ماء السبانخ رشي ملح وفلفل اسود الحين حطي الدجاج فوق السبانخ وحطي معاهم علبتين قشطه وكيس جبنة مازرولا حركيهم بسرعه لين مايختلطون مع بعض حطي الخلطه بصينيه بايركس دخليها الفرن تتحمر قطعيها وقدميها مع الخبز طبق قمه بالروعه والفخامه

صينيه سريعة التحضير

اسلقي رز مصري وخليه على جنب احمسي لحم مفروم مع بصل وملح وفلفل اسود جيبي صينيه بايركس حطي نص كمية الرز وصفي فوقها اللحم المفروم الحين حطي باقي الرز فوق اللحم واضغطي عليه شوي شوي جيبي علبتين قشطه وصبيهم على وجه الصينيه رشي جبنة مازرولا دخلي الصينيه الفرن قليلا
خواتي العزيزات انشالله اكون افدتكم من تجربتي طلب بسيط اي وحده تسوي اي صنف من الأطباق اللي عرضتها بالأمانه تعلمنا ايش صار معها واي طبق عجبها اكثر وانا انشالله اي طبق جديد يعجبني راح انزله بموقعنا المتميز وعلى فكره الوصفات كلها اهداء مني لموقعي المتميز الفراشه وفتيات الفراشه