ويا فرحه ماتمت قصه قصيره مره روعه

تعرفون طبعا ان اغلب البنوتات ذوات الرقه والاحساس والمشاعر الجياشه تفكر دائما بفارس احلامها وكيف راح تتلقي فيه ...طبعا وعلشانها رومانسيه مرة تفكر تقابله بالبحر وهي تغرق >>خوش مقابله
او عن طريق الصدفه يعني حب من أول نظرة احم احم
اول يجي لها وهو راكب حصان ابيض بملابس الفرسان >>خشت جو البنت
او هي في السوق وتتعرض للسرقه ويجي يساعدها ....او غيرها من المواقف
المهم بيوم من الايام وشهر من الشهور اللي بالسنه ...وهو شهر رمضان
اغلب الناس متعودين يبدعوا ويسووا اصناف اشكال والوان من الطعام لاتؤكل الا برمضان بالغالب
وجرت العاده ان كل واحده من الجيران تذوق جارتها اللي تطبخه..
اي وشسمه بطله حكايتنا طلبت منها امها تاخذ صحن من اللقيمات للجيران...
وتعرفون ان برمضان اغلب الاحيان يجي بالشتاء يعني الجو برد وصقيع ...اخذت البنت الصحن وراحت
الله يطول بعمركم لبست فروة ابوها وشراب أخوها الشتوي واحد اصفر والثاني اخضر وشال امها وقبعه اختها المهم
عندها انواع العفسه والحوسه ...
وطلعت بالصحن وهي تفكر كيف راح تتلقي بفارس احلامها وهي شارده بتفكيرها الا وتجي سيارة طايره
وتصدمها
ويطير منها الصحن وتنكسر رجلها ...
نزل صاحب السياره يبي يشوف وش صار عالبنت
الا وهو شاب وسيم وملامح الفارس اللي تتمناه بطلتنا
المهم انه شافها متكسرة وحالتها حاله ..
اما هي مازلت تحت تأثير التفكير يعني ماحست بألم الاصابه تخدرت البنت
من موقف مصادفتها لفارس احلامها المنتظر
الزبده انه اخذها للمستشفى وجبسوا لها رجلها
وانتهى رمضان على خير ..
والبنت مازالت تنتظر فارس احلامها يدق بابها ليطلب يدها
وطال انتظارها ...
لكن بعد العيد بعده ايام ...
ترن ............ترن>>يعني رن التلفون
رد اخوها ..
:وعليكم السلام ورحمه الله وبركاته
: اي نعم ..
:حياك الله
اي الحمد لله رجلها تحسنت
(بعدها ابتسم )
هنا وتوقف نبض البنت يوم سمعت اخوها يقول للمتصل ان رجلها تحسنت
الله يجزاك خير ..
مع السلامه
وبعد المكالمه ..
(مات اخوها من الضحك)
سألته امه من المتصل ..؟؟
وليه كل هالضحك..!!
والبنت ودها تقوم تفرم اخوها بالفرمانه لانها تنتظر الاجابه على احر من البرد
قال هذا اللي صدم اختي..
ويقول
اخبار شغالتكم اللي صدمتها من فتره
ههه ه ويافرحه ماتمت
طبعا ملطوش لعيونكم