يابنات الكويت وينكم

معقوله ولاكويتيه دخلت تقرا طلبي خلاص زعلت عليكم يالكوتيات

هلا بالغاليه
ولا يهمج اسال شيء دقوس الكويتي
شوفي حبيبتى
اخذي طمام قطعي 3 حبات او حبتين
وقشري الثوم حبتين وحسب الرغبه واذا تحبين الفلفل الحار الاخضر حطي واحد اذا كان حار وحطيهم بالخلاطه
مع ماي وخليه يخلط واخذي جدر حطي زيت وبعدين حطي بصل قليل حيل وبعدين صبي الخلطه الى بالخلاط وخليه لين يطبخ وبعدين اخذي الصلصه الكي دي دي وحطيه واشويت ملح وخليه يطبخ لين يصير ثقيل اشوي واذا حبيتو خفيف لا تخلينا وايد على النار وبالعافيه

مشكوره يابعد عمري جورية الكويت

هلا والله بالغاليه
ان بعطيج طريقتي بالدقوس غير
اطحن الطماط بالخلاط بروحه
واحمس شوي ثوم مدقوق واحط عليه بهارات الكاري
والفلفل الاسود والملح وصلصة الطماط كي دي دي
وبعدين احط فوقه الطماط الي بالخلاط مع ربع قلاص ماي
واخليه يطبخ
اذا حبيتي تقدرين اتحطين وعاه واهو يطبخ
فلفل اخضر حار او فلفل بارد
ولما يخلص بسكر عليه احط شوي عصير ليمون وشوي زيت زيتون وبالعافيه

وبالنسبه للبهارات كل شي موجود بالجمعيه
اذا تبين شي احسن عندج كارفور يحط لج كل شي بالكيلوا
وبعد في بسوق الديره جم مطحنه يم بعض هم بعد يحطون لج البهارات الي تبينها بالكيلوا

يعطيج الف عافيه حبيبتي ام حور

اهلين