ياشينها اللي ماتدخل

ياهوه
ردوا

عزيزتي شوفي انا وش زيني دخلت بس المشكله ماعندي شي اعطيك اياه اسمحيلي

حبيبتي انا عندي كم طريقة بس تكفين ادعيلي بالذرية الصالحة...
رقائق البف باستري بالزعتر
عجينة بف باستري
جبن سائل
زعتر
حبة البركة (حبة سوداء)
سماق ( ممكن تستغنين عنه)
الطريقة : طلعي البف باستري من الفريزر وخليها لمدة عشر دقائق او اقل المهم لاتذوب مرة علشان تكون سهلة بالتقطيع ..
قطعيها بالطول ثلاث او اربع اقسام وممكن تقطعينها مربعات او دوائر او مثلثات صغيرة على حسب رغبتك ..
ادهني كل القطع بشوية جبن بظهر ملعقة الشاي وبعدين رشي على بعضها زعتر وبعضها سماق والباقي رشي عليه حبة البركة ودخليها للفرن الى ان تنضج (الشعلة الي تحت فقط) وبس ..
*********************
حلقات التوست
توست مقطع حلقات صغيرة تقطعينه بالقطاعة الي على شكل دوائر ( الحجم الصغير ) او اقطعيه بالفنجال
شرائح جبن مقطعة الى اربعة مربعات
حلقات خيار
حلقات مرتديلا بحجم التوست.
حلقات جزر
زيتون محشي بالطماطم
كاتشب + مايونيز
الطريقة : تخلطين الكاتشب مع المايونيز وتدهنين بها حلقات التوست..
تضعين عليه الجبن ثم حلقات المرتديلا والخيار ثم الجزر وتغرزين بها عود اسنان وتدخلين فيه الزيتون وبس..
***************
ساندوتشات الدجاج
بصل مقطع صغير
فيليه دجاج مقطع صغير
ثوم مفروم
نعناع مفروم
خس امريكي مقطع شرائح صغيرة
مايونيز
شوية سماق
ملح + بهارات
خبز مدور صغير ..
الطريقة : تحمسين البصل ثم تضعين الثوم وتحمسينه شوي ثم تضعين الدجاج والبهارات والملح وحمسينه على نار عالية حتى ينضج بسرعة ماراح ياخذ معك تقريبا الا ربع ساعة على النار ..
واذا خلص حطي عليه النعناع والسماق وقلبيه معه وبعدين طفي النار ...
اخلطي معه المايونيز والخس وحشي بها الخبز وبالعافية .
*************
وممكن تسوين بف وتقدمينه معهم او تجيبينه من برا ..

على فكرة ممكن تصفينها كلها بصينية كبيرة واذا ماعندك صينية لتقديم المعجنات ممكن تجيبين صينية تقديم القهوة الكبيرة وتفرشين عليها منديل قماش وتحطين الموالح عليها ..
وممكن تحطين صحون علشان تحطين لكل ضيفة نوعين من كل صنف وتقدمين لها الصحن ..

الله يرزقك بالذريه الطيبه وما يخلص الشهر ذا الا انا وانت حوامل ياودود ياودود ياودود ياودود ياذا العرش المجيد يافعال لما يريد بيدك الخير وانت على كل شئ قدير اسألك بعزك اللذي لايرام وملكك اللذي لايضام ونورك اللذي ملأ اركان عرشك وقدرتك التي قدرت بها على جميع خلقك ورحمتك التي وسعت كل شئ ان ترزق أختي قطرة مطر2 بالذريه الصالحه يارحمن يارحيم

انا عندي طريقه انما ايه ف كيكه الزعتر اخذتها من منتدى وجربتها وكل البنات اللي كانو عندي سألووني كيف <--- قالت لك قصه حياتها وافضل انك تسوينها في صينيتين باريكرس وسط المقادير :
اربع بيضات
اثنين فنجان شاي حليب بودره
فنجان شاي زيت
اثنين فنجان شاي دقيق كويتي
ملعقه باكنج بودر
نصف كوب سكر
جبن كيري
زعتر
اول شيء نجهز صينيه وندهنها زيت وناخذ جبن كيري ونقطعه القطعه لاربع اقسام ونوزعهم ع الصينيه ونخلي الصينيه على جنب
نخلط الكل ما عدا الدقيق والباكنج بودر نخلطهم حتى يصير في البيض فقاقيع صغيره
ونضيف الدقيق والباكنج بودر تدريجيا ( لو تنخلينهم مع بعض يكون افضل )
ونضيفهم ع الجبن الي في الصينيه ونرشهم زعتر وندخلهم الفرن وتعالي شوفي الطعم والله هذا اللي عندي وسهل مره ادعي لي اشووف اهلي قرييب

اسمحي لي
احس مع الشاي
افخم شي للتقديم البيتزا والفطاير المنوعه دوائر مثلثات بأالت البف نص دوائر
يعنيي ببساطه في كل طبق كم قطعه بيتزا تقطعيها مثلثات وجنبها رصي الفطاير وعلى قطعه خس صغيره حطي ملعقتين تبوله
اعتقد كدا الشكل للتقديم ولا احلى
بالنسبه للعجينه فرزيهامن بدري
ان شاء الله افدتك
تقبلي مروري

اهلين اختي
تعرفين البطاطس اللي على اشكال المكرونه ينباع في الاسواق الخيريه حطيه مع خلطه اللي هي:
علبه زبادي
م/مايو
م/جبن سائل
وشوي زعتر

حبيبتي أبقولك اللي أنا أسويه دايم مع ضيوفي
أنا عندي أن الفطاير شي ضروري واسوي بيتزا وعش البلبل دروائر صغيرة
وأقدم معها ورق عنب وكبة واجمعها كلها في صينية كبيرة ويطلع شكلها جنان
واذا تبين أجي أساعدك لا يردك الا لسانك
بس أدعي لي أن الله يفرج همي ويسر أمري وينفس كربي