يلعن أبو الحضن مادريت انه كذا روايتي الأولى

هذي اول قصه لي اكتبها وان شاءلله تعجبكم..
راح اقولكم نص اشخاص القصه وانتوا راح تعرفون البقيه من الأحداث..
يلعن أبو الحضن مادريت انه كذا
للكتابه :

• عشق لايتكرر*

البارت الأول ***
الهنوف بنت عمرها 18 سنه شعريها طويل وناعم لونه اسود وعيونها كبار وخشمها صغير وطويل ولون عيونها رمادي قصيره وبيضاء ماشاءلله جمآآل من ربي نحيفه يعني حلو جسمها
العنود اخت الهنوف وعمرها 16سنه شعرها كيرلي لحد رقبتها لونه غجري وعيونها كبيره لونها عسلي وبيضاء وطويله واللى يشوفها يقول هي اكبر من اختها الهنوف..
خالد الأخو الكبير وعمره 26
وام خالد واسمها ريوف
وابو خالد واسمه عبدالعزيز
عبدالعزيز عنده من الأخوان 3 وهم أحمد ومحمد سلمان
وراح تعرفونهم بالقصه كمان
بسم الله الرحمن الرحيم تبدأ القصه ب ...
الهنوف : اقول عنوده راح تروحين بكره للمدرسه ؟
العنوده : وع لاتذكريني فيها بليز
الهنوف : يوه بتروحين ولا لا ؟
العنود : ام ايه لا ايه لا ايه لا
الهنوف : يوه عنوودوه اظاهر ماينفع معاك الطيب
العنود : لول صح عليك ..
الهنوف : قولي بتروحين ولالا ؟؟
العنود : ام ماعرفش ياوخيه
الهنوف : ودي اروح عشان اشوف ساره و ريم واشواق ونجلاء مره مشتاقه لهم
العنود : وفيه احد ماسكك روحي سلمي عليهم وسولفي والسواق يجي ياخذك الساعه 9 ونص
الهنوف : هههاي ضحكتيني أساسا معروف بالبيت مافيه استأذن من المدرسه ياتغيبين ولا تروحين يعني انسي الأستأذن
العنود : ماعليك بس انتي رووحي ويحلها الف حلاآآآل
الهنوف : وش ناويه عليه انتي وراك ساالفه !!
العنود : ماوراي سالفه ولا شئ
الهنوف : اقول قولي ولا والله لأفضحك
العنود : اوف خلاص راح اقول
الهنوف : يلا تكلمي
العنود : مو انتي ودك تروحين للمدرسه عشان صديقاتك
الهنوف : ايوه
العنود : وماتقدرين تستأذنين ولا ودك تحضرين اليوم كآآمل ؟
الهنوف بعصبيه : ايوه صح استعجلي
العنود ببروده : ههه شوئ شوئ شوئ علي
الهنوف بعصبيه : العنود بتكلمين ولا احذف المخده عليك
العنود : بتكلم بتكلم خلاص
الهنوف : يلا
العنود : اجي انا والسواق ونطلعك الساعه 9 ونص من دون مأحد يدري وبس
الهنوف : هههاي ضحكتيني يعني الأمر بالسر هآآآه
العنود : ايه وهذا من صالحك انا مالي شغل
الهنوف بتفكير : واذا انفضحنا وش بنسوي ؟؟
العنود : مالك دخل ان شاءلله ماننفضح هاه وش قلتي ايه ولا لا
الهنوف : أمري لله بس هاه اذا انفضحنا انا مالي شغل اووكي
العنود : اوكي الحين خل نروح نتعشى لاني جوعانه
لبست الهنوف برمودا ابيض وبلوزه اخضر جوبنيز
والعنود بنطلون سكيني اسود وبلوزه فوشي كت ونزلوا تحت
ام خالد : وينكم من الساعه 7 الصبح ماشفناكم
الهنوف : قاعدين نجهز اغراض المدرسه تعرفين بكره المدرسه وحووسه
ام خالد : الله يوفقكم من اللى بيروح بكره ؟
العنود : يمه انا ماراح اروح
الهنوف : انا بروح..
ام خالد : طيب يلا تعالوا تعشوا وانا بروح انادي ابوك واخوك خالد
الهنوف : اوكي
راحت ام خالد فوق لغرفتها
ام خالد : يلا يأبو خالد العشى جهز
ابو خالد : يلا الحين بنزل
طلعت ام خالد من غرفتها وراحت لغرفة خالد
خالد : ياحياتي وش اسوي طيب اهلي مو راضين
رهف : وليه مو راضين انا بنت عائله معروفه والكل يتمناني
خالد : يارهوفه المسأله مو مسألة عائله معروفه او مو معروفه المسألة تتعلق بالسن
رهف اي سن تتكلم عنه انت
انت عمرك 26 وانا عمري 19 وراح ادخل العشرين بعد 4 شهور
خالد : ايوه قلتيها انتي عمرك 19 يعني لسى صغيره
رهف : اوف قول انك ماتبيني بس تبي تتسلى فيني وتاخذ اللى تبيه وتتركني
خالد : ياره....
خالد : اوف قطعت الخط الحين كيف برضيها ؟
رهف بنت حلوه شعرها ناعم لحد كتوفها لونه اسود وبيضاء وعيونها كبيره لونهم اسود
طويله جسمها حلو عمرها 19 وبعد اربع شهور راح تدخل ال20
طق طق طق
خالد : تفضل
ام خالد : يلا ياخالد العشى جاهز
خالد : اوكي الحين انزل
ام خالد نزلت تحت ولقت الهنوف والعنود ياكلون
ام خالد هنوفوه خير تاكلين وابوك واخوك مابعد جو
الهنوف : يممه مو بس لوحدي أكل معاي العنود
ام خالد : كل واحد انتي ولا العنود
الهنوف : خلاص مابي عشى شبعت انسدت نفسي
العنود : وانا كمآآآان
ام خالد : يلا روحي نامي بكره وراك قومه من الساعه 5
الهنوف : تصبحين على خير
لاقتوا ابوهم وخالد في الدرج يلا يبه تصبح على خير
ابو خالد : وانتو من أهله
دخلوا الغرفه العنود لبست بجامه سماوي مع رصاصي
والهنوف لبست بجامه زهري مع رصاصي
البيت صار فاضي والأنوار مطفيه والكل راح ينام
خالد قاعد يدق على رهف ورهف مو قاعده ترد عليه
خالد ارسل لها رساله أحسن لاني عارف انها ماهي راده علي
رن جوال رهف باستلام رساله
شافت جوالها
يللي ماحبيت عمري إلا منك
منهويقدريشغل التفكيرعنك
لوعطيتك ماي عيني مو كثير
لوتشاركني سنيني موكثير
رهف دمعت عيونها وارسلت له رساله
وكان خالد داخل بالنوم الا وجواله يرن باستلام رساله
شاف جواله ولا الرساله من رهف وفرح كثيير
تعال وضمني بالحيل
تعال وخلك بجنبي
تعال وبدد الوحشه
تعال وريح اعصابي
تعال يانظر عيني
تعال ولاتنطق بكلمه
يكفي انك بجنبي
تعال ولمني بقوة
ويكفي بس اسمع كلمه احبك
بس بشرط
احبك تقولها بقوة
وضحك ودق على رهف واول ماردت
قالها خالد : أحبك
رهف بخجل : خالد
خالد : عيونه
رهف : سوري على اللى صار قبل شوئ
خالد : وش تقصدين
رهف بخجل : يوه اللى تو سويته وانا اكلمك ؟
خالد يسوي نفسه مايعرف : مأذكر
رهف : خلاص ولا شئ
خالد وهو يضحك : قصدك الكلاآآآآآم
رهف بخجل : ايوه
خالد : لا عادي عارف انك متهاوشه مع أهلك وعصبتي وحطيتي الحره فيني
رهف بخجل : يلا بروح انام وراي دراسه بكره
خالد : تصبحين على خير
رهف : وانت من اهله
سكر خالد من رهف وهو مرتاح
بغرفة الهنوف والعنود
الهنوف : تصدقين عاد يالعنود
العنود : وشو
الهنوف : ودي اروح لعمي أحمد
العنود : يوه نسيت أعلمك اليوم داقه علي لمار وتقول ترى اليوم عزيمه عندي جدتي حصه
الهنوف : كذابه
العنود : والله ونسيت اقول لأمي ؟
الهنوف : طيب وشو غداء ولا عشى
العنود : لالا عشاء
الهنوف : واو
العنود : يلا يلا نامي
الهنوف : ماراح اروح المدرسه
العنود قامت : يعني خطتي راحت على الفاضي
الهنوف وهي تصبخ بجبهتها : يوه نسيت لالا بروح بسم الله عليك
العنود : احم احم خليك قد كلامك
الهنوف : وانا قده
العنود : نامي بس
وناموا الهنوف والعنود وخالد قاعد يفكر في رهف وكيف يفاتح اهله بالموضوع وام خالد وابو خالد يتكلمون عن خالد متى يطلب يتزوج
على الساعه 3 بالليل
قامت الهنوف والعنود
الهنوف : عنودتي بليز طلعي لي الجزمه البيج مع الشنطه البني
العنود : اوكي
لبست الهنوف مريولها ولبست جزمتها ورفعت شعرها الناعم وحطت كحل وقلوس احمر
ونزلت تحت تفطر
خالد : انا بروح الدوام تبون شئ ؟
الهنوف : خلودي ابيك توصلني المدرسه ؟
خالد : يلا استعجلي
ام خالد : انتهي لنفسك
الهنوف : ان شاءلله
العنود طلعت مع الهنوف
الهنوف : بليز العنود تعالي الساعه 9 ونص تمام استناك وجيبي معاك بطاقة العائله حقة ابوي علشان يطلعوني ولا جيبي اي شئ يثبت انو انتي اختي علشان يطلعوني
العنود : خلاص خلاص روحي لايشك خالد بالسالفه
الهنوف : لاتنسين بليز
العنود : ترى اللى يلح علي واجد انسى
الهنوف : طيب لاتنسين لأخر مره
العنود : اوكي
ركبت الهنوف السياره وفي الطريق شغل المسجل على اغنية
ليت القلب فدا قلبك ، تفداك روحي ..
ويفداك عمري راحتي وكلي ..
والله إني أحبك دون خلق الله ..
ويحبك القلب ، وإحساسي وكل مافيني ..
يانظرعيني ...
لاتظن البعد ياخذ من غلاك ..
ولاتظن أعشق من جديد ..
ماانساك مادام لي قلب معاك ..
يذكرك ..!!
إنه مشتاق ولا مره نساك .. يحس بقربك ولوإنك بعيد .
حاولت في قلبي أقول بنساك ..وأعيش دنياجديده ..!
أثرالغلاما تعجبة غيردنياك !
والقلب غيرك ماسكن فيه أحد !
الهنوف : خلود لايكون عاشق
خالد بأرتباك : لالا وش اعشق انتي بعد
الهنوف : على بالي بعد
خالد : اقول لايكثر ماودك تنزلين ؟
الهنوف : يلا بايو
خالد : باي
حصه : تهاني تعالي شوفي خالد
تهاني : يوه يهبل
حصه : اقول لاتنسين اني من سنتين احبه ومعجبه فيه
تهاني : طيب انا قلت شئ
حصه : مدري قاعده تقولين يوه يهبل
تهاني : ياقلبي عليك انتي على بالك بس انتي اللى تحبينه ؟
حصه : ايه
تهاني : فيه في المدرسه حوالي اربع وعشرين طالبه تحبه ومعجبه فيه..
حصه : يوه اهم شئ انه يحبني
تهاني غشيانه ضحك : والله لو يبقى انتي في الدنيا ماحبك ولافكر يحبك كمان
حصه بعصبيه : وليه
تهاني : انتي بالأول شوفي شكلك وبعدين قولي ليه
حصه : وليه شفيه شكلي ؟
تهاني : بالحمامات مرايه روحي شوفي شكلك ..
تهاني : انا رايحه اسلم على الهنوف
حصه : اوكي وانا جايه بعدك
الهنوف وهي تدخل عبايتها الشنطه
تهاني : صباحو سوكر
الهنوف : اهلين اخبارك ؟
تهاني : تمام انتي اخبارك ؟
الهنوف : تمام الحمدلله
تهاني : وين العنود ؟
الهنوف : ماراح تجي
تهاني : حسافه مشتاقه لها مره
الهنوف : ههه وش اسوي فيها
تهاني : يلا باي
الهنوف : بايات
في فصل الهنوف
ساره : الهنوف شكلها ماراح تجي
ريم : حسافه مره مشتاقين لها
نجلاء : انا كلمتها قبل قبل قبل قبل امس تقول مأدري اجئ او لا ؟
اشواق : لا ان شاءلله تجي مأعرف احسها بالساحه وناشبه فيها تهاني كمان ههه
ريم : يلا طيب تعالوا نتمشى
اشواق وساره ونجلاء : يلا
ريم : بنات شوفي جزم تهاني
اشواق : ههه الله يقلع بليسك
ساره : ههه شكلها لابستها عشان تكون طويله مثل حبيبتها العنود ههه
نجلاء : ايه والله صادقه ههه
ريم : بنات شوفوا مو هاذي الهنوف
اشواق : وين
ريم : اللى لابسه بيج
ساره : مأعرف شوفي زولها زول الهنوف بس الشكل مأعرف
تعالوا نتقدم ونشوف
نجلاء : يلا
اشوق : لحظه
راحت اشوق قدام الهنوف
الهنوف : اشواق
اشواق : اهلين
الهنوف : اخبارك
اشواق : تمامو وانتي اخبارك واخبار العنود
الهنوف : الحمدلله كلهم بخير
وانتوا اخباركم ؟
نجلاء : اهلا اهلا
الهنوف : مرحبا اخبارك
نجلاء : تمام انتي اخبارك ؟
الهنوف : الحمدلله بخير
ريم وساره : اهلين وسهلين
الهنوف : هلا والله اخباركم ؟
ريم ساره : والله تمام وانتي اخبارك واخبارك العنود ؟؟
الهنوف : والله تمام تسلم عليكم
نجلاء ريم ساره اشواق : الله يسلمها
نجلاء : مشتاقين لها الدوبا ليه ماجت ؟!
الهنوف : اسكتي طلبه انا اساسا جايه علشانكم وبطلع الساعه 9 ونص
ساره : غريبه اهلك بيطلعونك
الهنوف : لالا مو غريبه مو اهلي اللى بيطلعوني العنود اتفقنا انا وياها تطلعني 9ونص
اشواق : خ العنود هذي داهيه
الهنوف : ههه
نجلاء : وكيف بتطلعك ؟
حكت لهم الهنوف القصه
نجلاء : الله يقلع بليسكم والله داهيه عن جد
اشواق : ههه وماخافت ابوك ولا امك يمسكوونها وهي بتاخذ الأثباتات ؟
الهنوف : لا ماراح يدرون لانو امي تفطر مع ابوي لانو ابوي بيروح الدوام وتروح تدخل الغرفه وتاخذ الأثباتات وبس
ريم : اجل الحين الساعه 8 تمام خل نستغل الفرصه لانو باقي ساعه ونص وتروحين
وجلسوا البنات يسولفون اللى وين سافرت واللى وين قصت شعرها واللى تزوج من قرايبها
اما في بيت ابو خالد
بالتحديد بغرفة الهنوف والعنود
العنود : اوف الحين باقي ساعه ونص وكيف بسوي الخطه
طلعت العنود من غرفتها دخلت غرفة امها وابوها بشوي شوي وقفلتها وفتحت الدولاب حق الأوراق واخذت بطاقة العائله وطلعت وهي تمر من عند الدرج شافت ابوها يرقى ودخلت الغرفه بسرعه
العنود : اوف اشوا اني طلعت قبل يجي واروح فيها
باقي نص ساعه وتجي 9 ونص اخذت عبايتها وجزمتها ورمتهم من الشباك اللى يطل على الحديقه
ونزلت تحت
ام خالد : ماشاءلله قمتي
العنود : ههه ايه قمت يمه بروح اقعد في الحديقه
ام خالد : طيب بس ترى الجو بارد شوئ خوذي معك شئ تغطي فيه
العنود : طيب
طلعت العنود من البيت وراحت للحديقه ولبست عبايتها وجزمها
طقت على السواق
العنود : راجو
راجو : : يلا نعم مدام
العنود : يلا فيه روح للمدرسه
راجو : بابا قول روح للمدرسه السعه 1 الظهر
العنود توهقت : لالا تو دق بابا قال روح الحين لانو في بنت تعبان
راجو : طيب
طلع راجو من غرفته وشغل السياره
في السياره
العنود : بسرعه راجو بليز
راجو : طيب ماما انا في يمشي 90
العنود : اوف باقي 18 دقيقه وتجي الساعه 9 ونص
في مدرسة البنات
الهنوف : بنات جت استاذه ندى
نجلاء : لا هذي ماتطلع احد ابد لو بيحط على نفسه
الهنوف : لالالا ليه يوم جت الساعه 9 ونص جت اوف
ريم : وش فيك مرتبكه ؟
الهنوف : باقي 17 دقيقه ولا جت العنود
استاذه ندى : يلا يابنات ادخلوا جواء الفصل بسرعه
الهنوف بصوت واطي : الله يقلعك ان شاءلله من معلمه
نجلاء بضحكه خفيفه : ههه
ريم بصوت واطي : والله صادقه ياالهنووف
اشواق بصوت واطي : اقول بنات يلا ادخلوا لايجيكم شئ اشد ..
دخلوا جواء الفصل
الهنوف : بنات اخا ف تجي اختي ولا تطلعني هذي ندى
نجلاء : ماعليك انا اعرف ..
الهنوف : اكيد
نجلاء : اكيدين كمان
الهنوف : اوه وش هالحاله ماصارت باقي 5 دقايق ولا جت اكيد طنشتني
لاكمان راح نطلع اليوم الساعه 1 ونص
ريم : لا مو وحده ونص
الهنوف : والله
نجلاء : راح نطلع 1 تمام
الهنوف : وش تفرق يعني ؟
اشواق : نص
الهنوف : ههه الا بنات وش فيها ساره ؟ حزينه وحالتها ؟ حاله
نجلاء : والله مدري عنها مايعرف لها الا العنود اختك
الهنوف : راح اجرب يمكن تمشي معي
وهي بتروح لساره طق باب الفصل
الفراشه : وين الهنوف عبدالعزبز
الهنوف : انا
الفراشه : يلا اهلك جاين ياخذونك
الهنوف بقلبها : واخيرا شرفتي ياعنودوه
نجلاء وريم يضحكون على الهنوف : ههه تلاقينها تقول واخيرا شرفتي
الهنوف راحت تاخذ اغراضها وسلمت على البنات وطلعت من الفصل
انتهى البارت الأول
وان شاءلله اعجبكم ..
وابغى تفاعل منكم علشان .. انزل البارت الثاني ...
وتوقعاتكم ؟