يوميات فهد ولد ام سعوود الحلفه الاولى

1. الحلقه الاولى ( خطوبة لميس التركيه )

هذي اول رواياتي عباره عن سلسلة احداث لعائله وحده وشخصيات ثابته باذن الله يوميا راح اكتب لكم حلقه او حلقتين
في البدايه اعرفكم على بيت ام سعود وراح يكون هناك ضيوف شرف ( اضافه للشخصيات ) بالحلقات الجايه
ام سعود _ ابو سعود << من الأعمار المحببه للجميع اللي كل بيت او كل عايله ماتخلى منهم ( الكبار في السن )
المهم عيالهم مكونين من ولدين و4 بنات
سعود ( الابن الاكبر ومتزوج دكتور علم نفس في الجامعه ويطبق دراسته على اخوه فهد)
منيره ( الثانيه متزوجه وهي المستشار الرسمي لام سعود واحيانا تكون الخطابه لفهد )
ساره ( الثالثه متزوجه وهي العوبه والملسونه في العايله وعلى قولة فهد ( ام اربعه واربعين )
فهد ( شاب عزوبي قاضي موظف في احد الشركات الخاصه )
عبير ( جامعيه وهي المكروفه من قبل فهد << غسلي كوي اطبخي )
الهنوف ( اخر العنقود بالمرحله الثانويه وقاهره فهد لانها فتانه بمرتبة الشرف )

الحلقه الاولى ( خطوبة لميس التركيه )

مع بداية غزو المسلسلات التركيه كان فهد متابع لها وبحماس مره من المرات كان منسدح على الارض وحاطن رجل على رجل <<حركة الحماس عند بعض الشباب ومندمج ويتابع مسلسل (سنوات الضياع ) وهو ماهمه القصه همه لميس دخلت امه عليه
ام سعود : فهد يا امي صليت ؟؟
فهد : ايه قبل لا تدخلين علي توني مسلم من الصلاه << قصده بعد مايخلص المسلسل يصلي
ام سعود : كفوو ياولدي اهم شي صلاتك ان الصلاه تنهى عن الفحشاء والمنكر
فهد : يمه شرايك اسافر لتركيا
ام سعود : ابوك رافض وقايل مافي الا الخبر وجده لين تعرس وتدج انت وياها لو تروحون للمريخ
فهد : لالا يمه المريخ مايمدحونها تركيا عند ابها خضار وطبيعه جنب ابها يعني ماني طالع من السعوديه بعد لو تخاويني ابوي ماراح يقول شي لو انت معي
ام سعود : تركيا حول ابها اشوف خالتك شريفه راحت لها العام تقول مثل ابها ماتباعدها اثراها جنبها
فهد : ايه يمه شفتي حتى خالتي شريفه راحت لها قريبه في الجنوب
ام سعود : دام خالتك راحت لها وش ناقصني انا ووليدي ما نروح لها
فهد : ايه والله وش ناقصك والسفره اللي بعدها بوديك تايلند عاد هذي اقرب من تركيا حول القصيم ماهي بعيده
ام سعود : والله زمانا غير عن زمانكم ماخبرنا هالديار بالسعوديه
فهد : المهم يمه ماراح نروح بسياره مثل العاده لا هالمره بنروح بطياره وعشان تخطبين لي من بناتهم
ام سعود : تعرف من بناتهم ؟
فهد : شوفي الصوره هذي هذي لميس تهبل هذي وحده من بناتهم ان خليتيني اروح بخطبها
ام سعود : هي من بنته وانا اسفرك وتاخذني معك نخطبها مابغيت تفكر بالعرس
فهد : بصراحه مااعرف اهلها بس ان رحت بسأل عنهم
ام سعود : خلاص وانا امك دام نيتك عرس توكلنا وخل ابوك علي وبعدين بنات الجنوب نعم البنات ماعليهم نقصان
فهد : خلاص ردي لي خبر
وطارت ام سعود لابو سعود تبشره بنية فهد للعرس
ام سعود : ابو سعود ابو سعود ابشرك ولدك ناوين يعرس على لميس التركيه
ابو سعود : وينهي فيه ومن بنته ؟؟
ام سعود : هي من بنات الجنوب ونبي نروح لمهم
ابو سعود : كلمي منيره بنتك وعلميها وروحوا جميع وانشدوا عنهم كانهم حمولتن سنعه وناسن اجاويد خطبناها له
اتصلت ام سعود على بنتها منيره
ام سعود : الو منيره
منيره : هلا يمه صاير شي وشفي صوتك
ام سعود : اخوك فهد عزم يعرس
منيره : لا على البركه مابغى خلاص بكره انا عندك ونشوف له من قرايبنا ومعارفنا
ام سعود : لا لا هو يبي ياخذني لتركيا نخطب لميس
منيره : ههه يمه والله وضحك عليك فهيدان اجل دامه يبي لميس ماهو بمعرس ورايح للدجه بس
ام سعود : وش قصدك انت الظاهر محتره ماتبين حرمة اخوك مزيونه فهد يمدحها وانا شفتها
منيره : يمه تركيا وينها ؟
ام سعود: في الجنوب يالفالحه يالمتعلمه انا اعلمك وين تركيا امحق تعليم اللي تعلمتيه دامك ماتعرفين تركيا وينها فيه
منيره : ههه يمه تركيا فوق فوق في الشمال مو شمالنا شمال الشام
ام سعود : وشو اجل ماهم من عربنا
منيره : لا يمه ضحك عليك فهد وانت كنت بتمشين على كلامه يمه فهد لاتصدقينه نصاب
ام سعود : ابو سعود طلعوا ماهم من عربنا روح يا فهد يا ولد ام سعود جعلك بوحده تهبل فيك مثل ماهبلت فيني