يوميات لولي و المطبخ في رمضان

قطايف
المقادير :
صحن عجينة قطايف جاهزه من أي سوبر ماركت أو مخبز طبعاً
من الأفضل تكون طازجه ومسوينها بيومها
جبن كيري
شيره
الطريقه :
نقطع جبن الكيري الحبه الوحده ثلاث قطع ونضع قطعه واحده داخل
شريحة قطايف واحده ونقوم بالضغط عليها من الاطراف عشان تتماسك
بعد تجهيزهم نقوم بقليهم بالزيت على النار حتى تحمر ويصبح لونها ذهبي اشقر
نقوم بتصفيتها ونضيف لها الشيره
عافيه على قلووبكم ~ :ق1:

سلطة المكرونه
المقادير:
مكرونه يفضل تكون من النوع الملون
خيار
طماطم
خس
جزر
طماطم
نعناع مجفف
زيتون مقطع
ذره
ليمون
ملح
فلفل أسود
الطريقه:
نقوم بسلق المكرونه حتى تنضج
نقطع جميع الخضار السابقه ونضيفها معها
ونضع معهم الزيتون المقطع و الذره
نضع عليهم الفلفل الأسود والملح اليمون وقليل من زيت الزيتون
عافيه على قلووبكم ~ :ق1:

متبل
المقادير:
كميه من الباذنجان حسب عدد الأشخاص عندك بالبيت
طحينه سائله
زبادي
ثوم
ملح
الطريقه:
نقشر الباذنجان ونسلقه على النار لحد مايستوي مره
لما نتأكد انها استوى على الاخير نصفيه ونغسله
ونحطه بالخلاط ونضيف عليه نص علبة زبادي
ونضيف عليه طحينه حسب كمية الباذنجان
ونضيف الثوم والملح
ونخلطهم كويس لحد ما يختلطون ببعض مره
بعدها نحطه بصحن التقديم ونضيف له زيت زيتون
عافيه على قلووبكم ~ :ق1:

شيش طاووق
المقادير:
صدور دجاج مقطعه
بهارات منوعه (بهاراتي أنا فلفل أسود ,, فلفل أحمر ,, كمون ,, كركم ,, بصل وثوم مجفف بودره)
بالاضافه للملح طبعاً ما ننساه
صلصة موز يكون لونها أحمر تلاقونها بالسوبر ماركت
اللي ماعندها ممكن تسويه بالكاتشب
طماطم مقطعه مكعبات كبيره
بصل مقطع مكعبات كبيره
الطريقه:
نقوم بتقطيع الصدور وتتبليها بالمقادير السابقه بعدها نضعها في الثلاجه أقل شي ساعه
نحضر أسياخ الشوي الخشبيه ونبدا نصفهم قطعة دجاج قطعة طماطم قطعة بصل وهكذا
نقوم بدهن صينية الفرن بالزيت بواسطة الفرشه كميه بسيطه مسحه فقط
ونصف الأسياخ ونضيف شوي مويه ونولع النار في الفرن من فوق ونتركها تتحمر
لما نشوفها تحمرت وانشوت نبدا نقلب الأسياخ على الوجه الثاني
عشان يتحمر هو بعد لما نتأكد أنها استوت
نطلعها ونصفها بصحن التقديم
عافيه على قلووبكم ~

خفايف بف باستري
المقادير:
بف باستري
لبنه أو جبن فرنسي أو تونه ( على حسب الرغبه الحشوه )
أنا اشتغلت باللبنه
الطريقه:
نحضر صينية الكب كيك
نقطع شريحة عجينة البف الواحده اربع اقسام
ندهن الصينيه بالزيت بواسطة الفرشه مسحه بسيطه
وندخلها الفرن نولع النار من تحت بس
لما نشوفها تحمرت نطلعها برا ونحط فيها اللبنه
أنا لما حطيتها مثل ما أنتوا شايفين
أضفت لبعضها من فوق زعتر و بعضها سماق
عشان يطلع شكل أحلى
عافيه على قلووبكم ~

فوتشيني
المقادير:
مكرونه شرائح ( مكرونة الفوتشيني المعروفه )
ربيان أو( دجاج صدور مقطعه حسب الرغبه )
فطر مقطع
بصل و ثوم
قشطة خفق
الطريقه:
نقوم بسلق المكرونه على النار حتى تصبح قريبه من النضج
بعدها نصفيها من الماء ونضعها جانباً
نقوم بتحمير البصل والثوم ونضيف معهم الربيان و الفطر
مع الفلفل الأسود والملح ونقوم بتقليبهم حتى تنضج قليلا مده بسيطه
بعدها نضيف الخلطه للمكرونه ونضيف عليهم قشطة الخفق ونقوم بتقليبها سوياً
حتى تتجانس وتتماسك مع قشطة الخفق
عافيه على قلووبكم ~

بصراحه يسلموا

روعه تسلم الايادي
ممكن طريقة ورق العنب

روعه ماشالله