3 أطباق روعه من مطعم تشيليز

ثانياً: خضار تشيليز المشوية المتبلة
الليلة راح أدلكم على سر خضروات تشيليز المشوية الرائعه
المقادير:
تشكيلة من الخضروات الطازجة والمغسولة جيدا
((كوسا-جزر-فلفل رومي-بروكلي- أكواز ذرة -وممكن تضيفي كمان أي خضار ثانيه تحبيها..))
كمية قليلة من الزبدة((مقدار ملعقتين طعام كبيرة))
بهارات متنوعه وهي
ملح- فلفل أسود-بابريكا((هذي تلقونها ناحية التوابل في السوبر ماركت بودرة حمراء مكتوب عليها بابريكا يعني فلفل حلو )) هاذا ترى مافيه إسم الحرارة مجرد نكهة ولون فقط
زعتر بري مجفف
قليل من زيت الزيتون (ملعقة واحدة فقط((ملعقة طعام)) لاتكثرو عشان مايبان طعمها))
الطريقة
أولا عزيزاتي من أهم أسرار خضروات تشيليز هو التتبيل
أخلطي كل من المتبلات السابقة كلها مع بعض وأضيفي عليها ملعقة حلى زبدة (مو كل مقدار الزبدة الذائبة..لأ ..ربع المقدار فقط))وملعقة طعام من زيت الزيتون
أخلطيهم جيدا وأتركيهم على جنب
نروح للخضار..
أغسلي الكوسى والجزر جيدا ولاتقشرينهم بل نظفي قشرتهم الخارجية بفرشاة التنظيف الخاصة((أفركي بالفرشة وقليل من الخل الأبيض والملح جيدا حتى تزيلي الأتربة وماتبقى من مواد الرش العالقة))
وإذا ماعندك فرشة أفركيهم بالخل والملح بيدك..أهم شي إنهم ينظفوا تماما
وبعد كذه قطعيهم شرائح دائرية متساوية
بالنسبة لأكواز الذرة مايحتاج لها شي إلا إنك تطلعيها من الفريزر من بدري((أنا أتكلم طبعا عن أكواز الذرة المجمدة إللي تجي نصف كوز أو ربع كوز)) تلقوها في الفريزرات في السوبر ماركت..وتنباع مجموعة في واحد كيس))
بالنسبة للفلفل الرومي نظفيه تمام من البذور الداخلية وقطعيه شرائح دائرية متساوية العرض
بالنسبة للبروكلي ((للي مايعرفوه)) هو نوع من الخضار المستوردة ويشبة في شكلة الطحالب البحرية ذات الشكل الشجري)) نظفيه تمام بالملح والماء
وبعد ماغسلنا الخضار تمام التمام
نقطع الجزر والكوسى شرائح بقشرهم طبعا..
الذرة نتركها مثل ماهي..
البروكلي نفكفكه عن بعضه شوي..
بعد كذه خذي كل الخضار و قلبيها بيدك وأفركي فيها خلطة التوابل السابق تحضيرها (كله بيدك عشان تتخللها التتبيلة))وأترك يها نصف ساعه
بعد كذه جيبي قدر كبير وحطي فيه ماء وخليه يغلي لين يطلع دخانه((أهم نقطه لأننا راح نطبخ الخضار على البخار))
وبعدين حطي مصفاة كبيرة عندك على القدر أو بوسطه بحيث إنها تكون مستواها أعلى من الماء((يعني تكون أخرام المصفاة فوق الماء وليست في وسطه))
وحطي في وسط هالمصفاة كل الخضار السابقة تمام
وإقفلي عليها وخليها 10 دقائق بالتمام بحيث إنها تستوي نص إستواء أو ثلاث أرباع إستواء أهم شي مانبغ الخضار تنهري معانا ((مهمة جدا هذي الخطوة))
((السر في الطهو بالبخار قبل الشوي هو:
1:تطرية الخضار قليلا قبل شويها
2:الإحتفاظ باللون الزاهي الأخضر للخضروات الخضراء
نعمل في هالوقت الصوص إللي راح أقولك عليه
وفلفل أسود وزبدة ذائبة
قلبيهم سوى وحطيهم في صحن صغير وجيبي فرشاة الدهن وإستعدي..
بعد كذه جيبي صينيه وجيبي ((شواية كهربائية من إللي تنقفل فوق بعضها وإللي ماعندها تستخدم طاوة عمل البيض أو طاوة الشوي((هذي مثل طاوة البيض تمام لكن تخلف عنها بوجود خطوط في قاع الطاوة ويكون شكل الطاوة مربع مو دائري)) عرفتوها ..هذي خاصة بالشوي..
جيبي بعد كذه الذرة وحطيها في الصينية وأدهنيها من كل الوجوه بالفرشاة بخليط الزبدة والفلفل
وحطيها في الصينية ودخليها الفرن وولعي عليها الشواية ((يعني من فوق )) وخليها تتحمر شوي ..وكل شوي إنتبهيلها لاتنحرق ..كل إشوي إقلبيها على جهة من الجهات عشان تتحمر من كل النواحي..
جيبي بقية الخضار المطهوة بالبخار وولعي على طاوة الشوي أو الشواية الكهربائية ورصي الخضار فيها وخليهم كذه قدامك ينشووتمام وبعدين إقلبيهم على الجهة الثانيه
خلال عملية الشوي لازم تدهنيهم بخليط الزبدة والفلفل الأسود..وإنتبهي لهم لاينحرقوا..
بس خلاص وبعدين إذا إنشوت الذرة وإنشوت الخضار تمام على الوجهين((أهم شي مايكونوا مهريين وهذا يعتمد بالأساس على طريقة طهوك لهم بالخضار في الأول))
وحطيهم في طبق التقديم بجنب الستيك.. وبالهناء والعافية..

(بطاطس تشيليز المهروسة )
أولا حابة أقولكم إن المقدار لشخصين طيب..
((المقادير للبطاطس))
4حبات بطاطس جيدة متوسطة الحجم
زبدة
(البهارات)
((فلفل أسود.ملح.زعتر بري.شطة سائلة,مكعب ماجي))
((الطريقة للبطاطس))
أولا نجيب فرشاة تنظيف البطاطس (أو أي فرشاة تنظيف خاصة بالخضار عندك) وطبعا كلنا نعرف البطاطس من أكثر الخضار إللي تشيل أتربه..
إنقعيها في وعاء عميق مغمور بالماء الساخن وقليل من الملح والخل.. وبعد كذه نظفي البطاطس بهذا النقيع مع الفرشاة جيدا((توصوا فيها)) والسر في أن الخل والملح ينظفوا تمام القشرة من أي شي عالق بها.. وترى ضروري تنظيف القشرة..
تمام.. بعد كذه حطي في قدر على النار كل التوابل والبهارات السابق ذكرها وهي..
((فلفل أسود.ملح.زعتر بري.شطة سائلة,مكعب ماجي))
طيب وماء ساخن وقلبيها لين تفور مع بعضها تمام وبعد كذه غطسي حبات البطاطس فيها وخليها نصف ساعة تنسلق في هالنقيع لين تستوي ..
في هالأثناء راح نعمل الصلصة..
((مقادير الصلصة))
علبة حجم صغير من قشطة الخفق
زبدة
نص فص ثوم مهروس(لاتكثروا لأننا مانبيه يطغي على طعم الصلصة)
بهارات((ملح وفلفل أسود وبابريكا((هذي البابريكا أهم شي في الموضوع))
علبة جبن كرافت متوسطة (تشدر وليست السائلة)
((طريقة عمل الصلصة))
نضع قليل من الزبدة في قدر صغير على النار حتى تسيح ثم أضع عليها الثوم مهروس لثواني بدون أن يحمر ((إنتبهوا أنا أبغى النكهة بس))
وبعدين أضيف فوقه مقدار قشطة الخفق وأتركه يفور شويه لين يثقل قليل وبعدين أتبله بالملح والفلفل والبابريكا)
وإتركيها على جنب..
طبعا ألحين البطاطس إستوت
جيبي البطاطس وقشريها بالشوكة وإذا كان فيه بقايا من القشرة بسيطه على البطاطس مو مشكلة خليها لأنك منظفتها وتقدري تاكليها بعد ماأستوت البطاطس..((إنتب هي لاتكبي موية النقع وألحين أقولك ليش..
أهرسي البطاطس بواسطة شوكة وزحطي فوها شريحتين صغار من الزبدة وقلبيها مع البطاطس تمام لين تمتزج نكهة الزبدة مع البطاطس..
بعد كذه نجي لسر الطعم الرهيب في البطاطس..
خذي تقريبا 4 ملاعق كبيرة من ماء سلق البطاطس المتبل بالماجي والبهارات وإعجنيها مع البطاطس بالشوكة..
هالحركة راح تفيدك بكذا شي:
أولا:راح تخلي البطاطس متماسكة
ثانيا:راح تتبلك البطاطس وتخليلك طعمها جنان..
بعد ماعجنتيها ((مو تصير عجينه عجينه..يابنات أنا أقصد مفهوم العجن يعني المزج وليس العجن باليد فقط بالشوكة..))
بعد ماعجنتيها جيبي صينية بايركس أو تيفال مو مشكلة ماكو فرق..وتكوني مولعة الفرن من فوق((يعني الشواية ))
جيبي البطاطس وإكبسيها في زبدية صغيرة مثل حقت الشوربة تمام وإقلبيها بعدين في الصينية البايركس بحيث يكون شكلها مثل القبة..بعد كذه إبدأي إضغطي عليها من المنصف بحيث يصير شكلها مثل البركان((أمنى تكونو فاهمين علي)) إنتبهوا لاتوصلوا لنهاية البركان لأ لنصفه فقط.. يعني الحفر بوسط القبة لايوصل للنهاية عشان لما نصب الصلصة فيها ونجي نشيل البركان ماتنكب الصلصة من وسط البركان(عجبني مصطلح البركان ماتشوفوني طيحّت عنده)
أهم شي يوصل المعنى خلاص لاتدققوا..
وسوي كل مقدار البطاطس زي كذه حيصير عندك مجموعه براكين صغيرة >>((أبو التعبير))
وبعد كذه إبأي صبي في داخل هالبراكين مقدار بسيط من الصلصة تمام ورشي الصلصة ببودرة البابريكا (قليل مو تكثروا طيب) وبعدين سيحي قليل زبدة وإدهني بالفرشاة أطراف البطاطس(البركان )
بعد كذه دخلي الصينية الفرن وراقبيه..بمجرد ماتحسي إنها بدأت تحمر شوي وتنشف البطاطس على طول طلعيها.. والسر في حركة الفرن هو:
أولا : راح تخليلك البطاطس متماسكة أكثر مع حرارة الفرن.
ثانيا: راح تخليلك الصلصة أغلظ مماهي عليه وقت صبها على البطاطس..
والسر في حركة دهن البطاطس بالزبدة هو:
أولا:تطرية البطاطس عشان ماتنشف كثير.
ثانيا : تعطي لمعه للبركان؟؟
بعد كذه لما تحمر شوي شيليها بالأداة إللي تشيلون فيها المكرونة عرفتوها..عشان تقدروا تشيلوا القطعه كلها دفعة وحده.. وحطوها في طبق التقديم جنب الستيك والخضار وبالهنا والعافية ياغاليات..
إنشاء الله عجبتكم ياحلوات..
تحياتي

يسعدني ان اكون اول من يرد في هالموضوع القيم
جهد مشكور يعطيك العافيه

وصفات حلوة وشرح احلى
يعطيكي الف عافية

freedomasra
العفو حبيبتي
ما سوينا شئ
وربي يعافيك

فراشتين
:
العفو

الملكه زنوبيا
الله يسلمك
و
لا يسمنك