I I العشاء ببيت أختي بس أنا عازمتكم حيآآآكم الله

Mأحب بصمتM

12-10-2022 - 07:51 pm

بسم الله الرحمن الرحيم
حبايبي الفراشات
هالموضوع متعوب عليه وربي شاهد على كلامي وأتمنى محد ينقله إلا باسمي وإلا ماحسامح اللي ينسبه لنفسه لأي سبب كان
وتكفون يامشرفاتنا بالتقييم أتوقع أستاهل وإلا شلون
المهم
كنت ناويه يكون أول موضوع لي بهالقسم بشقتنا الجديده
لأننا جالسين نأثث شقتنا الجديده
وطبعا تعرفون عوايدنا لازم نسوي عشاء وكنت ناويه أصور كل شي وأنزله لعيونكم
بس جات من حظ أختي الكبيره وحبيبتي وكل شي بدنيتي أم لنونه
طبعا هذي أختي ومعانا بأحلى منتدى
زوجها عزم اثنين من أصحابه عالعشاء
وكان أحلى عشاء بطبخ ماما الجونان
ولمساتي المبدعه إحم إحم
إلا صدق إنتي ياأم أغلى لنوني بحياتي وش سويتي ههه
لا والله فديتك يكفي وجودك على راسي يزيدني ابداع
المهم ماأطول عليكم أول شي قدمنا لهم عصير
وكانت ثلاثة كاسات وحده مانجو والثانيه فراوله والثالثه ليمون
وحطيت بقوالب الثلج بكل نوع قطعه فاكهه من نفس النوع
بس للأسف مو باينه بالتصوير
مع إنها بالطبيعه واو
وهذي الصور لعيون أغلى فراشات
وبعدها أكيد جاء وقت القهوه
خليناها عاديه عشان يكون فيه حماس للعشاء ههه
يعني تمر وقهوه بس
ومع كذا صورتها عشان تعيشون معاي الجو لحظه بلحظه
وهذي الصور
>>>>>>>>>>يتبع أرجو عدم الرد

التعليقات (9)

Mأحب بصمتM

12-10-2022 - 10:04 pm

وقبل العشاء حبينا نوريهم شي يفتح نفوسهم
أرسلنا لنوني مع أبوها عشان تسلم عليهم
أبي رايكم بصراحه بحبيبة قلبي لان LANAا
بس تكفون تكفون تكفون اذكروا الله
لأن أمها مره خايفه عليها
هالحين جاء وقت العشاء
أبوريكم أول شي شكل طاولة الأكل قبل الأكل
يعني بس مع الديكورات والصحون بس
وهذي الصور
وهنا صور الطاولة كامله بالعشاء وكل شي
يعني الله يحييكم سموا بالرحمن
>>>>>>>>>>يتبع أرجو عدم الرد

Mأحب بصمتM

12-10-2022 - 11:05 pm

العشاء كان عباره عن كبسة لحم الله يحفظ لنا الماما هي اللي سوتها
يعني لا أحد يسألني مقاديرها ومدري وشو لأني فاشله بهالأشياء
وهذي صورتها عن قرب
وهنا سلطة خضار أنا مسويتها
وهنا حلى أنا مسويته
وهذي مقاديره:
علبة كيك أمريكانا بالشوكولاته
6حبات جبنة كيري
2 علبة قشطة
1حليب نستله الصغير
1بسكويت شاي
2بسكويت جالاكسي سادة
حلاوة مالتيزر للتزيين
الطريقة:
-نفتت الكيك ونخليه آخر طبقة بالصينيه
-نخلط بالخلاط (الكيري والقشطة والبسكويت وحليب النستلة)
وإذا كانت مره ثقيله نضيف شوية مويه عليها ونخليها ثاني طبقة بالصينية
-نذوب الجالاكسي في المايكرويف وبعدها نضيف عليه علبة القشطة الثانية
وتصير الطبقة اللي بالوجه
-نزين الحلى بالحلاوة وبالهنا والعافية على قلوبكم
وكمان سويت ثلاث صواني مهلبية وزينتها بالفراولة
أتوقع باينه بالصور
وهنا الفواكه طبعا عارفين الرجال كسلانين ومستحيل يقطعون ويتعبون أنفسهم
قلت هالطريقه حلوه عشان ياكلونها بالعافيه
طبعا طريقتها سهله مره
جبت حبة أناناس وقطعتها مثل ماإنتوا شايفين
وغرزت فيها أعواد الخشب حقت الشوي
وبكل عود حطيت تقريبا قطعه نوع من الفواكه وبآخر العود حطيت فراولة يمي يمي
والباقي من الفواكة زينت فيه الصحن
وهذي صورتها
وهنا ثلج للعصير للي يحبون الثلج
عندنا بالعايله كثير صح ياأم لنوني خ
أتمنى موضوعي عجبكم والله الله بالردود والتقييم:350

Mأحب بصمتM

13-10-2022 - 12:06 am

إهئ إهئ إهئ فوق تعبي طلعت الصور كبيرة
مشرفات تكفون عدلوا الموضوع
صغروا الصور تكفون

رمش الخليج

13-10-2022 - 01:07 am

روعه
ماشاء الله تبارك الله
والصغنونه يلبى قلبها ماشاء الله بصراحه ماودي انك نزلتي صورتها
العين حق

Mأحب بصمتM

13-10-2022 - 02:08 am

رمش الخليج
يسلموو ياقلبي انتي
بالله اسكتي لاتخوفين أمها مطفشتني مره
فديتك ياعسل انتي على هالرد النايس

شـــهــد

13-10-2022 - 03:09 am

ما شاء الله
سفرة روعة
والحلى هذا كم مرة سويته يجنن
تسلم ايديك وايدين الماما
ويحفظ لنوني لامها
بس ياليت تمسحين صورتها
ماتضمنين كل من يدخل الموضوع يذكر الله
فيه نفوس مريضة ماتذكر الله وتحسد على اتفه شئ
فالحذر واجب حبيبتي امسحيها عشان خاطرها وخاطر امها
ومشكورة على الموضوع الروعة

Mأحب بصمتM

13-10-2022 - 04:10 am

شهد
وجودك الأروع ياغلاتي
وبجد بجد بديتوا تخوفوني على لنوني
شكلي ححذف الصوره كله ولا لنونة قلبي
يسلموو عالمرور ياعسل

رفيف الروح ‏¬»

13-10-2022 - 05:11 am

روعهً
آموتً على آ اليً لآبسًسًهً آلبجآمهً آلورديً
تريً مآ آقصًدكً إنتيً
بصرآحهً آفكآآآر موبدعهً

بسمة الحياه

13-10-2022 - 06:12 am

روعه ماشاء الله تبارك الله
سفره متعوب عليها
يعطيكم العافيه يارب
والله يحفظها البنت الصغيره ويخليها لعين ترجيها
اختي أبي انبهك
صورتك طالعه بالصوره الرابعه والخامسه
ثلاجة القهوه عاكسه صورتك وباينه وانتي تصورين
بس حبيت انبهك يالغلا عشان تعدلينها وتضللين عليها

بوفيه مباركه خوالي بالصوور وخطوات التجهيز دلع وسنع←
صينية بطاطس باللحمة على طريقتي فطوري أمس→