i قصة ح زني i

السلام عليكم بنوتات..
هذي اول خاطره كتبتها فحياتي..
وطبعا" ماكانت الاخيره..
بس حبيت انزل اول خاطره كتبتها لكم..
وانتظر حماسكم وتفاعلكم بالردود..
للحزن وياي قصه طويله..
تبتدي من وعيت على دنيتي..
وما أظن فيوم بتنتهي..
مامر فحياتي يوم إلا وترك الحزن فيه تأثير..
ما أذكر إني فرحت إلا ودون التاريخ بصمة حزن في فرحتي..
ما أذكر إني ضحكت إلا وكدر الحزن ضحكتي..
(أعيش زمن) سار الحزن فيه أوفى من البشر..
يلازمني فكل مكان..وإن وطيت طريق لفرحتي..يمشي الحزن معي طول الطريق..يضيعني..ويعثرني..ويطول طريقي..
وإن ما ردني فنص الطريق..
ووصلت..ألقاه دايم سابقني..وقاتل فرحتي..
أول كنت أحسب إن الفرح وهم..
لكن يوم أشوف كل هالناس تفرح إلا أنا كذبت الوهم..
إنحرمت من كل شعور بالكون..إلا الحزن..
هي مره فحياتي ضحكت وما تكدرت ضحكتي..(يوم إني ضحكت على حالي)..
أجل ليه فحياتي كل مانبتت وردة فرح قتلها الحزن..
ليه كل ماتضوي شمعة فرح طفاها الحزن..
ليه كل ما أبني جسور للوصل هدمها الحزن..
ليه كل ما أتوه عن درب الألم يلقاه الحزن..
ليه كل ماجفت دمعتي بكاها الحزن..
ليه كل ما وسعت دنيتي ضيقها الحزن..
ليه قلبي إنشغل عن حالي بالحزن..!
بسمة امل