ooجميع طبخاتي يم يم يمي بالصور oo

كبـرياء انثى

13-07-2022 - 07:28 am

°°o°°o°* جميع طبخاتي يم يم يمي ( بالصور) * °o°°o°°
السلام عليكم ورحمة الله وبركاته
واخيرا مابغيت اسوي موضوعي كل ماجيت بحطه انشغل بشي لين جاء
اليوم وربي قدرني احط طبخاتي بين يديكم
كل طبخاتي انا مسويتها قلت لازم ادلع اهلي واذوقهم طبخي
نصها سويتها برمضان ونصها بالايام العاديه
كان ودي احطها بوقتها برمضان بس صار عندنا عزاء ولاقدرت احطها
طبعا تعبت وانا احملها واخترب التحميل وسويتها من جديد لعيونكم
واكتب كل طبخه وطريقتها
الله الله بالردود اللي تشرح الصدر
نبدا
بسم الله
مقلوبة بالدجاج
المقادير :
دجاجه او لحم حسب الرغبه
بصل & بطاطس & جزر & طماطم
ثوم
مكعبين ماجي
بهارات متنوعه
ملح
فلفل بارد وحار
رز
الطريقه :
نقطع الدجاجه اربع قطع ونقطع البطاطس والجزر بشكل طولي ونقطع البصل قطع صغيره وكمان الطماطم
نقطعه على شكل دائره
ناخذ البصل ونحمره وبعدها اضيف له الدجاج واخليه عشردقايق ثم يضاف اليه الطماط ونرش بشوية ملح
واخليه شوي وبعدها احط فوقه البهارات واخليه على جنب الين يستوي
نأخذ البطاطس والجزر نسخن الزيت ونقليه لين يستوي وبعدها اجففه من الزيت واحطه بالقدر فوق الدجاج
ناخذ قدر ثاني نحط فيه شوية مويه حاره واحط الرز طبعا الرز يكون منقوع بماء قبل احطه واخليه يستوي
شوي بس واحط عليه الملح بعدها اصفيه من المويه واحطه فوق الدجاج واحط الغطاء عليه لين يستوي
وبس
بالعافيه
مشوي دجاج
الطريقه :
دجاج مقطع قطع صغيره
طماط مقطع مربعات وبصل وفلفل بارد
بهارات متنوعه
ليمون
ثوم مبشور
الطريقه
ناخذ الدجاج ونتبله بالبهارات واحط عليه ليمون والثوم المبشور واخليه ساعه بالثلاجه
وبعدها احطه باسياخ من خشب واحطه على الشوايه الين يستوي
وزينته بشويه بطاطس مقلي وسلطة الملفوف ..
بالعافيه
فطاير لذيذه
المقادير :
3 اكواب طحين كويتي
نص كوب زيت
1 ملعقة طعام خميره فوريه
4 ملاعق طعام حليب بوده
1 ملعقه صغيره بيكنج بودر
3 ملاعق طعام سكر
شوية ملح
1 ونص كوب ماء دافئ
الطريقه:
نخلط النواشف كله مع بعض واصب فوقها المويه لين تصير عجينه لينه متماسكه واغطيها لين تتنفخ
وبعدها اسويها بالشكل اللي احبه
وبالعافيه
كيك
المقادير :
سمن بس انا استبدلته بالزبده
كأس سكر مطحون
4 بيضات
1 ملعقه صغيره فانيليا
1 صغيره بيكنج بودر
كاس حليب بودره مذاب في ماء
1 كأس دقيق ونص كأس ماء
الطريقه :
تخلط جميع المقادير السابقه ثم تصب
في صينيه مدهونه بشوية زيت ثم تدخل الفرن
للتزيين:
ظرف دريم ويب
علبة قشطه
وشوي من كريمة الخفق
ملعقة سكر
نخلطها كلها مع بعض
واحطها فوق الكيكه وازينها بأي فاكهه احبها
وبالعافيه
حلى الطبقات
المقادير :
بسكويت شاي مطحون
دريم ويب
جلي
قشطه
سكر
زبده
الطريقه:
ناخذ البسكويت المطحون ونرصه بأاكواب صغيره
ناخذ الجلي واحطه على ماء حار لين يغلي
واصب الجلي فوق البسكويت فيه وادخلها الثلاجه لين تجمد
واطلعها واسوي لها الكريمه اخلط الدريم ويب والقشطه والسكر مع بعض واحطها فوقها
توست بالخضار آخذتها من المنتدى بس ناسيه اسم العضوه
توست بالخضار
الطريقه :
توست
بطاطس قطع صغيره
فلفل اخضر واحمر واصفر بارد مقطع قطع صغيره
جزر
قشطه
و جبن سائل
الطريقه:
ا قلي البطاطس
اقطع التوست دوائر واحطه في صينيه
ناخذ القشطه والجبن نخلطهم مع بعض واحط فوقه الفلفل الاحمر والاصفر والاخضر والبطاطس طبعا مقلي
ونحطه فوق التوست وادخله الفرن شوي لين يتحمر
وبالعافيه
حلى من اختراعي
حلى
الطريقه:
بسكويت اولكر
حليب بودره مذاب في ماء مع سكر
قشطه
شوكولاته هرشي
دريم ويب
الطريقه:
نغمس البسكويت في الحليب
ونصفه بالصينيه لين يصير 3 طبقات
وبعدها اخلط له القشطه مع الدريم ويب مع بعض
وآخذ شوي منها واحط فوقها بودرة الكاكاو
وازينه بشكولاته هرشي
وبس بالعافيه
حلى النيدو
امي مسويتها فديتها
شوربة شوفان بالدجاج
امي بعد مسويتها الله لايحرمني منها
دعوواتكم لي ..:ق1:

التعليقات (9)

أم يسوري

13-07-2022 - 11:05 am

ممكن طريقتها والله يخلي لك امك
اموت في اكلات الكبار الله لا يحرمنا منهم يارب

&&ام طارق&&

13-07-2022 - 12:06 pm

ماشاءالله تبارك الله
الله يعطيك العافيه
ممكن طريفة حلي النيدو

كبـرياء انثى

13-07-2022 - 01:07 pm

أم يسوري
آبشري ان شاء الله بآخذ الطريقه منها واكتبها لتس

كبـرياء انثى

13-07-2022 - 02:08 pm

أم طارق
آبشري
حلى النيدو
بسكويت مطحون واحط عليه زبده واخلطهم مع بعض وارصه بصينية
بالخلاط احط علبة قشطه و 6 ملاعق حليب نيدو و فانيليا و و3 ملاعق سكر وشوي ماء
واشغل الخلاط بس ماتكون سايله واصبها فوق البسكويت وادخلها الفرن
وبعدها مااحمرها اطلعها اخليها تبرد شوي ادهنها بشوية قشطه واقطعها وبس
بالعافيه ..

احلا جوري

13-07-2022 - 03:09 pm

يعطيك العافيه ومشكوره

كبـرياء انثى

13-07-2022 - 04:10 pm

احلا جوري
يسلمو

كبـرياء انثى

13-07-2022 - 05:11 pm

علبة حليب سائل مثل بوني او ابو قوس ( اي نوع تحبينه)
ملعقه صغيره هيل
من 3 الى 4 بيض
فنجان ماء ورد
2 فنجان سكر على حسب تحبين طعمها تكون حاليه او نص ونص انتي ورغبتك
شوية زعفران مطحون
ملعقه صغيره زيت
احط جميع المقادير بالخلاط واخلطهم
بعدها احط عليه طحين بالتدريج مع البيكنج بودر
واخلطهم ماتكون لاسايله مره ولا ثقيله
و آخذ مقلا احط فيه بس ملعقتين زيت او 3 ملاعق واصبها

هـمـــ غـلا ـــسـة...

13-07-2022 - 06:12 pm

كبوغلاي يعطيك الف عافيه والله..
موضوع متعوب عليه من جد..
يسلم الانامل ..
<<من متى هالمواهب
ترى حفظت الصفحه عندي..
لاخلا ولاعدم

كبـرياء انثى

13-07-2022 - 07:13 pm

هموس
الله يعافيك يالغلا
احفظي اللي يعجبك ياقلبي ..
تسلملي هالطله الحلوه ..

حقيقة ماكان ودي اني سمعتها←
سلطة المخلل روعه→