The Black Forest Cupcake

السلام علييكم ...
اول موضوع لي بهالقسم وان شاء الله يعجبكم
The Black Forest Cupcake **
اسميها سربرايز كب كيك لانه ماتتوقعين الاشياء اللي جواتها وانتي تاكلينها
شيك مره بالتقديم ولذيذه ، وافضل شي تتقدم مع العصير
الطريقة منقولة بس جربتها طببعا وعجببني مرره ونقلته لكم

• * المقادير ..

خليط كيك شكولاته بيتي كروكر تعملينه مثل مو مكتوب عالكرتون
او اي كيك شكولاته تضبطينه

• * الحشوه ..

0جم جبنة فيلادلفيا << استبدلتها بجبنة كيري تقريبا 6 حبات بيضه
2 م ك سكر
فانيليا
باي فيلينق فراوله او كرز

• * للتزيين ..

كريمة خفق
جبنة فيلادلفيا او ماسكربوني
سكر بودره
فانيليا

• * الطريقه ..

اخلطي مقادير الحشوه بالخلاط كلها مع بعض ،،
في اوراق الكب كيك صبي شوي من خليط الكيك بعدين حطي عليه ملعقه كبيره من الحشوه البيضاء
وحطي عليها شوي من الباي فيلينق وغطيها بشوي من خليط الشكولاته ..
ودخليها الفرن على درجة حرارة 350 لمدة 20 - 25 دقيقه ..
وطلعيها واتركيها تبرد ،،
بالنسبه للتغطيه : خفقت كريمة خفق بالعجانه حتى ثقلت وتماسكت ،
خلطت شوي جبن مع شوي سكر بودره وفانيليا << مالي مقدار محدد ولا اقيس بس اقدر من عندي
اخلطيهم زين حتى ينعم الخليط وتروح الكتل واضيفيه عالكريمه وبالملعقه << انتبهي لاتستخدمين الخلاط او المضرب
قلبي بس بشويش كأنك قاعده تثنين الخليط على بعضه علشان ماتسيح الكريمه ..
وحطيها بكيس التزيين وشكليها عالكب كيك وزينيها بالفراوله او الباي فيلينق او الشكولاته المبشوره
ودخليها الثلاجه تبرد حتى وقت التقديم وبالعافيه << طبعا انا ماسويت خلطة التزيين عندي علبة الكريمة حقت كارفور تبع التزيين وسويتها فيها بس مو حلوة حقت كارفور تسيح ماضبطت
من دااخل تصير كذا
واخيرا ..
ان اصبت فمن الله سبحانه وان اخطأت فمن نفسي وخيّاله والشيطان << ادري انه مالها دخل بس من زمان ماحارشتها
نورتوا موضوعي بطلتكم وزيارتكم ،،
وحياكم ربّي ...
وادعولي الله يجزااكم خيير