آآآه شوفو حياتي وخصوصيتي المعدومة وكمان مع قرب رمضان اش الحل

1. آآآآآآآه والله يا بنات مو عارفة منين ابدأ

مساء الخير ع الجميع

آآآآآآآه والله يا بنات مو عارفة منين ابدأ

حياتي انقلبت رأس على عقب من شهرين انا دوبي متخرجة لكن اقسم بالله كأني في الأربعينات
الخصوصية معدومة في حياتي مع اني ناقلة بيت جديد والحمد لله وناقص لأبعد حد بس انا عادي لأني دوبي ما كملت شهرين ولاحقة والأيام جاية بس مو هدي المشكلة المشكلة بيت عمي لما يجوني لأنه عندهم ملكة وكثرة نزلاتهم او لما ينزلون مرة واحدة يطولون بس مو هدي المشكلة كمان المشكلة هي اني دوبي ساكنة وبيتي تقريبا ما فرشته يا دوب المطبخ وغرفة النوم ومجلس الرجال وغرفة الأستقبال ولسا باقي 3 غرف ما فرشتها والمصيبة انه لما جو عيالهم الصغار ينامون في المجلس الله لا يوريكم صاروا يتبولون وانتم بكرامة وهم نايمين على موكيت المجلس وكمان قامو ينتفون مخدات غرفة الأستقبال والادهى كاسرين رخام المطيخ وانا دوبي يا بنات ما تهنيت فيه آآآآه وعشان ما عندي ستاير في المجلس قامت امهم شققت شرشف الصلاة حق الضيوف يا بنات تخيلو وحطته على الشباك
تخيلوا كانت المفروض دكرى زواجي تصير في شعبان بس ما قدرنا لأنه صار لنا ظرف قلت مو مشكلة لاحقه اسوي الحفلة بالميلادي والمفروض انها الأسبوع الماضي جبت الكيكة قامو نزلوا وجو بيتي ودوبهم مشيو دحين والكيكة في الثلاجة من هداك اليوم بس استنى الوقت المناسب ماني لاقيه وابقى الحق اليوم ليلة رمضان قامت بنتهم جات عندي وكمان تبقاني اروح معاها السوق ويا ليت تعترف بجميلي معاها
لا تقولون زوجك فينه زوجي يقولي اش اسوي اطردهم وهو صادق مع انه في بيوت عيالهم 3 غيربيتي بس ما يروحون ما ادري ليش صح افرح انهم يرتاحون لي بس جات على راسي كسروا بيتي وانا لسى دوبي اش اسوي
انعدمت علاقتي مع زوجي كله هوشات لأني معصبة طول الوقت وأفكر في رمضان أكيد بيجون لأنه ملكتهم بعد العيد وانا ماعندي شغالة وأكيد بيكرفوني فطور وسحور وانا ما ابغى اروح بيت اهلي واخلي زوجي لوحدة بدون فطور وسحور في رمضان ليش ما يروحون بيوت عيالهم والله تعبت؟؟؟
آآآآسفة ادا طولت اش رأيكم بالموضوع؟؟واش اسوي برمضان؟؟