أآلصرآحه مع أبو الشبآب شئ خاقووقي

صبآح \\ مسسآء الخير يا حريم...
مووضوع خونفشااري حبيت نتنااقش فيه افيدكم وتفيدووني
الصراحه راحه .....} كح كح من زماان اسمع هالمقووله بس ما حسيت بقيمتها
الا لما اتزوجت واتستت في بيت العدل ههه
>>>مالكم بالطويله
اغلب الازواج ثقيلين وكتومين وبالمووت تسحبين منه كلمه والا كلمتين
>> طبعا مثل بعلي المصون
الحمدلله تأقلمت على طبعه بس والله احسه يضررب فيووز براسي ابي اعرف وش وراه
خاصه لما يكوون شئ خاص فيني
>>>> احس كثير يعانون مثلي
فمن بااب الدعم الفني والمعنووي >> شطحه
بقول لكم على اكتشااف خطير بالصدفه نفع مع زوجي
ان شاء الله ينفع معكم بس لا تنبسطون مو داايم تضبط بس على قولتهم
العووض ولا القطيعه
>>>حسيت اني عجووز على هالامثال خ
المهم عليكم بالصراحه ثم الصراحه وفوقهاا الصراحه
وربي ان مفعولها حلو وعجيب بعطيكم موقف صار لي ويا ليت تشااركوني بمواقفكم
طبعا ابو الشبااب كتوم لا ابعد حد .. المشااعر شبه معدومه عنده هع هع
الحمدلله الحب والاحترام موجود وما يقصر معاي بس بالتعبير فاشل مع رتبه الشرف >>> فديت خشته
احيان اعصب احسه بارد لما اعاتبه يقوول تدرين بغلاتس مو لازم اتكلم كل شووي
>>> منطق يقهر بس له طعم خاص هع
المهم الموقف لما كنت حاامل ببنووتي وقربت عالشهر التاسع بدت الافكار توديني وتجيبني وطبعا
كبكريه الخوف واصل المليون عندي
وكنت صاجه زوجي من اول شهر انه ياخذ اجازه لما تقرب ولادتي ويقابل خشتي ههه
((للمعلوميه ولادتي كانت عند اهلي بمدينه ثانيه)) والاخ وعدني والامور مشت تمام
دخلت الثامن الا اكتشفت انه اخذ اجازته السنويه يعني لما ادخل التاسع بيكوون دوامه ابتدأأ
>>> تخيلوا ابو الاحبااط اللي عشته
نفسيه زفت من الحمل+ احباط+ خوف من الولاده كثير اشياء تضاربت
سكت وما ناقشته عالاجازه الين ما جاء يوم حسيت اني بنفجر لو ما كلمته
والله ويجي ذااك اليوم والجو ريلاكس
قلت عندي كلام بقووله بس لا تقاطعني طبعا عيوونه صارت كذا
ابتدأ الحواار تسذا
(( شووف لو ما احبك ما تكلمت بس يهمني تحس فيني .. ما ودي انك تزعل علي وكلنا عارفين محد
ضاامن عمره بهالدنيا>>>> اسلوب تشوويق هع هع
>> وانا اتكلم وعيونه كل مالها تصير واكثر
المهم كملت وقلت من دريت انك اخذت الاجازه قبل التااسع واخلفت الوعد اللي بيننا وانا مبيته النيه
اني لما ارووح اولد بالسلامه ما ابشرك ولا اعطيك خبر بشئ خل النااس تبشرك
>>> طبعا القراار ما صار الا من القهرر الي فيني ولاني لما ابتدت اجازته قلت بدت اجازتك بدري
قال اجازتي وكيفي اخذهاا متى ما ابي (( عقبها قررت اسكت واكتم))
المهم علمته بخطتي بكل صراحه وقلت له اذا الناس بشررووك لا تعتب علي
ولا تاخذ بخاطرك اخاف اموت بالولاده والنااس تعزيك فيني >>> ابي اكسر خاطره ههه
والله ما اشوف الا معالم وجهه انقلبت >> بغيت ابكي ذيك الحزه بس مسكت عمرري
الحمد لله شفت نتايج صرااحتي يووم ولادتي
محد ضبط امور المستشفى الا هو وطلعت من غرفة الولاده لغرفه الملاحظه وجااني وحسيت بخووفه علي وحنيته والاهم شاف خشتي وانا تحت التخدير اقط كلام من كل خيط ورقعه
>>>>>>>>>>>>> كثرت الهرجه بس حبيت نشوف فوايد الصراحه
يا ليت تتحفونا بمواقفكم
وان شااء الله لا اتذكرت شئ سدحته هنا
ملاحظه:: فديتكم اللي عندها تعليق يعارض الموضوع وطرحي له
ترسله عالخاص لا تخربون المووضوع بنقااشات جانبيه