أبغى مساعدتكم

بصراحه انا مدري كيف ابدى معكم موضوعي بس اتمنى من كل وحده تدخل هنا تساعدني او تقول لي اي شي
انا زوجي دكتور وتعرفون كيف دوام المستشفيات وتعرفون من يواجهه هناك وبصراحه مره تعبت من تصرفاته لانه يكلم وحده عندهم بالمستشفى وكنت قبل دايم امسك جواله واشوف سايله وعادي عنده وكنت دايم اشوف تجيه رسايل من رقم وكان يقول لي انه خويه ويعني صار لمى يشوفني اجلس عنده ياخذ الجوال ويدسه عني ولمى مسكت جواله ودقيت على الرقم الا طلع لي صوت وحده وجلست ابكي واقوله ليش انت تخوني ومن هالكلام واخر شي قال لي والله انها في وحده مستلمته صار لها اسبوع ومشيت له السالفه لين تطورت الامور وصرت اشوف عنده جوال بالسياره شفته بالصدفه ويوم سالته قال انه لخويه مو له نساه عنده بالسياره مع اني فتحت الجوال وشفت الرسايل اللي بينه هو اياها وقلت له وسوالي سالفه ليش تروحين وتفتحين سيارتي بدون مدري ومشينا السالفه والحين صار مايخاي جواله عندي وحاط له رمز قفل ولمى قلت له علمني على الرمز قال لي لا قلت له ليش ؟ انا زوجتك وام عيالك وانا وانت واحد ومافي بينا اسرار قال لي ايه ادري بس بعدين اعلمك على الرمز وسكت عنه وماقلت شي وكم مره لقيته يكلمها على المسن ومره لقيت ايميله مفتوح وكانت هي شابكه وهزئتها ودقيت عليها وحذرتها بس مافي فايده حسبي الله عليها
والحين هو مو مقصر معي بشي فلوس يعطيني وكل اللي ابيه يسويه لي بس ابي الكلام الحلو منه مع اني وربي يشهد علي اني ماني مقصره معه بشي البس له لبس حلو وكل فتره اهديه هديه واسوي له اجواء رومانسيه وماني مقصره بنظافه ملابسه واكله والحمد الله كل شي قايمه فيه حتى اذا زعل مني يزعل مع انه هو الغلطان انا اجيه واعتذر له واتحمل الغلط لاكن احس فيه بيني وبينه حاجز واللي هو الجوال جواله مايخليه جنبي حتى لو انه مقفل مدري وش السبب؟
ادري اني طولت عليكم بس وربي ماعندي احد اشتكي له غيركم