أنا فى حيره من أمري ساعدوني

ايه اكيد من حقك
بس لاتبيعيه كله
جزء منه وساعدي زوجك

حقك بس لاتبيعينه كله ترى بتندمين
بيعي جزء منه وساعدي زوجك

مشكوره على الرد والتفاعل معي
صح ماراح أبيعه كلها بس عادي لو ما درت أمي لأني ما أخذت شي من عنده هذا ذهبي وحقي

لالالا انتبهي لا تعطينه
بعدين يتعود ويسحب منك
حبيبتي الله يفرج عليه خليه يدبر هو الرجال موب انتي
موب ملزومة تبيعين ذهبك
بعد فترة لا تنكر لك وجحدك وش تسوين ؟
ترا الرجال مالهم امان مهما كان زوجك مثالي بنظرك
ساعديه بالقليل ، بس لا تبيعين ذهبك
مثلا خذي من اخوانك او امك فلوس او اي احد وعطيه

مشكوره أختي على الرد
بس أنا بأبيع شوي مو كله
أساعده هو حلف يعوضنى

شوفي حبيبتي
اول شي هذا ذهبك ومن حقك
ومااعتقد لو امك درت بترفض اصلا مو من حقها ترفض لانه خاص فيك
وكلميها برواق ان زوجك بضيقه وبتساعدينه بجزئ منه بس مو كله
حبيبتي هذ زوجك وشريك حياتك اذا ماوقفتي معه الحين متى توقفين
خصوصا اذا انتي متأكده انه بضيقه جديه يعني توكلي على الله واعطيه جزء منه وهو ماراح ينساها لك بأذن الله وبيزيد غلاك عنده لانه ماقصر معك يوم كان ميسور فلاتقصرين معه وهو محتاج
ياحريم خلو عقولكم اكبر من كذا
لاتفكرون بمصارعه من الرجل انتي بحلبه وهو بحلبه
وكل وحده تصارع مين يغلب
الحياة اسمى من كذا بكثير
الود والرحمه والحب اساس العلاقه بين الزوجين
موفقه حبيبتي والله يفرجها عليكم يارب ..

شوفي يا قلبي نصيحه لوجه الله وقفي زوجك قدام اهلك
يعني اذا زوجك مزنوق ومحتاج فلوس لشيئ مرره ضروري كسياره والخ من الضروريات
وقفيه بوجه رجال اخوك ابوك
المهم احد يوقف بوجهه يعطيه الذهب يبيع منه ان شاء الله كله
لان الرجال بهالالمور لاصاروا بوجه رجال يرجع من الفشيله
لكن اذا صرتي انتي بيسحب بك وبتطفشين من المطالب والترجي
فانا انصحك لو طيب لو عسل لو انك تشوفينه ملاك خلي هذا تفكيرك
لان ماتضمنين باالمستقبل وش يصير وش بيغيره
لان الناس تتغير واتعظي من قصص البنات بها القسم
وفكري بتروي وعقل الرجال لابغى يدبر نفسه بيدبرها لو من تحت الارض من غير ذهبك
اوكيه تبي تساعدينه وتوقفي معاه
انا معاك لكن ياخذه هو بوجهه قدام اخوك او ابوك
لان هالطريقه تحسسه انه مديون وملزوم يرجعه لك
لاني مع الاسف سمعت حريم بعد فتره قالوا لهم رجالهم هذا من حقنا وتغيروا عليهم
وما اعطوهم وهم هنا بالمنتدى كثير
ادري يمكن طولتي بردي عليك لكن فقط عشان تاخذي بطريقه تفكيري
والسعيد دائما من اتعظ بغيره

أمك مالها دخل ..!!
هذا ذهبك إنتي
بيعي جزء منه بس ،، إذا زوجك مره محتاج ومافي حل إلا هالحل
ولا تعودين زوجك على هالشي

ام وليدويوسف
تفكير حلو وسليم