أبي أفكار لحفلة العيد

فعلاً أفكار رائعة ، لكن لا تنسين صوت التكبيرات في شريط كاسيت ، بتعطيك جو رائع وكأنك في العيد .
أيضاً المفاجئات مثيرة ، احضري كيس حلويات املئيها بالحلوى (( مثل القرقعان )) ودسي فيها ريال أو نص ريال (( عملة معدنية )) وأطلبي من الصغار أن يبحثوا عنها كل واحد بكيسه ....................... مثيرة للفضول .
أطلبي منهم أن يصفو لك ملابس العيد اللي أشترها وألوانها ، ويرسمونها ..................... بيتفننون لك بالموديلات

السلام عليكم ..
اختي فاتن افكارها حلوه ..
انا اقترح عليج تنظمين افكارج .. وتسوين لج خطه كامله ..
وبعطيج بعض الافكار وان شالله انها تفيدج :-
1- نقش الحناء
2- مسابقة أجمل رسمه لفتاه بملابس العيد
3- تأجير لعبة النطاطيه
4- اطلبي من الاطفال كل واحد فيهم يجيب هديه بسيطه لزميله او زميلته (حلويات او ماشابه)
5- تصميم بطاقات معايده للوالدين
6- مسابقات خفيفه ( لعبة الكراسي - اسئله بسيطه )
7 تجهيز فقرات غنائيه او تمثيليه متعلقه بالعيد يؤديها الاطفال
8- دعي الاطفال يقومون بتجهيز الفصل وتزينه بأنفسهم
وأخيراً اختي الغاليه :-
لا تنسين انج تصويرين الحفله بالفيديو والكاميرا العاديه ..
بيبقى لج شريط الفيديو ذكرى وتورينه لموجهاتج ..
ومن الصور سوي البوم وحطيهم في الصف .. :fererhagi
بالتوفيق اختي ..
لا تنسين تقولين لنا اشلون كانت الحفله ...

الاخوات ماقصروا بافكارهم حبيت اضيف بعض الافكار
انك توزعين عيديه على اليهال كل واحد عطيه ريال مع هديه بسيطه مصاصه او حلوى
لبسيهم ثياب نشل وبخانق وخليهم يغنون اغنية العيد
وشكرا

طيب مين يدلني على موقع تحميل تكبيرة العيد

شوفي حبيبتي الحنونة
زوري هالصفحه
العيد قرب لا تبخلون علي بأفكاركم
وراح تحصلي بعض الافكار وانشالله تعجبك

صراحة مشكورين وماقصرتوا كلكم ذوق.. ..
أفكاركم حلوة وكول بسويها إنشالله وأكيد بصورهم وأقلكم كيف كانت الحفلة
مشكورين مرة ثانيه

ماشاء الله عليهم الأخوات ما قصروا معاك
بس لا تنسين تورينا صور الحفله شوقونا الأخوات على هذي الفقرات الرائعه
أختك..... حنونه

هلا فيك ياأختي
هاذا مقطع لتكبيره العيد
واذا تبغين فلاشات أو اناشيد انا حاضره
دم بود الخالد تي

بصراحه افكار رائعه